GMT+7 26/05/2018 15:11

ເມືອງຫາດຊາຍຟອງ ສ້າງຂະບວນການ ອະນາໄມລວງຄອງນ້ຳ

 

 

ອົງການ​ປົກຄອງ​ເມື​ອງ ຫາດ​ຊາຍ​ຟອງ ນະ​ຄອນ​ຫລວງ​ວຽງ​ຈັນ, ຮ່ວມ​ກັບ ພະ​ແນ​ກກະ ສິກຳ-ປ່າ​ໄມ້​ເມືອງ, ພ້ອມ​ດ້ວຍ​ພໍ່​ແມ່​ປະຊາຊົນ ​ພາຍ​ໃນ​ເມືອງ​ຫາດ​ຊາຍ​ຟອງ ​ເປີດ​ຂະ​ບວນການ​ລວງ​ຄອງ​ລະບາຍ​ນ້ຳ  ​ໃນວັນ​ທີ 12 ພຶດສະພາ 2018 ​ເພື່ອ​ປ້ອງ​ກັນ  ​ບໍ່​ໃຫ້​ມີ​ນ້ຳ​ຖ້ວມ​ຂັງຄື​ດັ່ງ​ປີ 2008 ຜ່ານ​ມາ.  ພ້ອມ​ນີ້​, ຍັງ​ເປັນ​ການຈັດ​ຕັ້ງ​ຜັນ​ຂະຫຍາຍ ​ໂຄງການ​ວຽງ​ຈັນ​ສະອາດ ທີ່​ນະຄອນຫລວງ​ວຽງ​ຈັນ​ວາງ​ອອກ.

ທ່ານ ​ແກ່ນ ວໍລະ​ສານ ຮັກສາ​ການ ​ເລຂາ​ພັກ​ເມືອງ ​ເມືອງ​ຫາດ​ຊາຍ​ຟອງ ​ໄດ້​ໃຫ້​ຮູ້​ວ່າ:  ຂະ​ບວນການລວງ​ຄອງ​ລະບາຍ​ນ້ຳ​ ໃນ​ຄັ້ງ​ນີ້, ​ແມ່ນ​ເລີ່ມ​ແຕ່​ໂຮງງານ​ເບຍ​ລາວ  ຫາ​ປະຕູ​ນ້ຳ​ຫ້ວຍ​ເດື່ອ ມີ​ຄວາມ​ຍາວ 2 ກິ​ໂລ​ແມັດ,  ​​ໂດຍ​ໄດ້​ອະນາ​ໄມ​ສອງ​ຝາກ​ທາງ  ​ແລະ ຈົກ​ຫຍ້າ​ອອກ​ຈາກ​ຄອງ​ນ້ຳ ​ເພື່ອ ​ບໍ່​ໃຫ້​ມີ​ນ້ຳ​ຖ້ວມ​ຂັງ, ​ໂດຍ​ມີ​ບັນດາ​ພະນັກງານ,  ທະຫານ, ຕຳ​ຫລວດ ​ແລະ ພໍ່​ແມ່​ປະຊາຊົນ​ ເຂົ້າ​ຮ່ວມ 500 ກວ່າ​ຄົນ.  ທັງ​ນີ້, ກໍ​ເພື່ອ​ຮັບປະກັນ ​ເຮັດ​ໃຫ້ ​ນະຄອນຫລວງ​ວຽງ​ຈັນ ກໍ​ຄື ​ເມືອງ​ຫາດ​ຊາຍ​ຟອງ  ມີ​ຄວາມ​ສະອາດຈົບ​ງາມ, ​ເຮັດ​ໃຫ້​ນ້ຳ​ໄຫລ​ສະດວກ  ​ແລະ ບໍ່​ມີ​ນ້ຳ​ຖ້ວມ​ຂັງ.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)