GMT+7 27/05/2018 12:20

ຮຸນແຮງ! ແຟນບານ ຮໍາບວກ ຈູດສະໜາມ ຫຼັງທີມຕົກຊັ້ນ ບຸນເດສລີກາ ເຢຍລະມັນ

 

ຮຳບວກ ສະໂມສອນດັ້ງເດີມໃນວົງການບານເຕະເຢຍລະມັນ ສ້າງຄວາມເສື່ອມເສຍໃຫ້ກັບວົງການຢ່າງໜັກ ເມື່ອເສຍໃຈ ແລະ ຄວາມຜິດຫວັງ ກັບຜົນງານຂອງທີມຕົກຊັ້ນຈາກລີກສູງສຸດ ຄັ້ງທຳອິດ ໃນຮອບ 54 ປີ ເຖິງວ່ານັດສຸດທ້າຍ ໃນວັນທີ 12 ພຶດສະພາ 2018 ຈະເປີດບ້ານຊະນະ ໂບຣຸສເຊຍມຸນເຊິນກລັດບັດ ແຕ່ກໍ່ບໍ່ພຽງພໍໃຫ້ທີມລອດຕົກຊັ້ນ ເພາະມີພຽງ 31 ຄະແນນຈາກ 34 ນັດ ຢູ່ອັນດັບຮອງສຸດທ້າຍຂອງຕາຕະລາງ.

ເຫດການດັ່ງກ່າວ ເກີດຂຶ້ນໃນໄລຍະຕໍ່ເວລາບາດເຈັບເຄິ່ງຫຼັງ, ເຊິ່ງເປັນໄລຍະທີ່ແນ່ນອນແລ້ວວ່າ ຮໍາບວກ ຈະຕ້ອງລົງໄປຫຼິ້ນໃນລີກາ 2 ໃນລະດູການໜ້າ ເນື່ອງຈາກ ໂວຟບວກ ທີມທີ່ໜີຕົກຊັ້ນໄດ້ສໍາເລັດ ດ້ວຍການເປີດບ້ານເອົາຊະນະ ໂຄໂລນ 4-1 ເຮັດໃຫ້ແຟນບານ ຮໍາບວກ ຢູ່ຝັ່ງຫຼັງປະຕູທີມຢາມໄດ້ຖິ້ມພຸໄຟລົງສະໜາມ ຈົນເກີດຄວັນຂະໜາດໃຫຍ່ ເຮັດໃຫ້ຜູ້ຕັດສິນຕ້ອງເປົ່າຢຸດເກມຊົ່ວຄາວ ພ້ອມເປີດທາງໃຫ້ເຈົ້າໜ້າທີ່ຕໍາຮັບນັບຮ້ອຍຄົນລົງຄຸມສະຖານະການ.

 

 

ສໍາລັບ ຮຳບວກ ສ້າງຕັ້ງຂຶ້ນໃນວັນທີ 29 ກັນຍາ ປີ 1887 ລວມ 130 ປີ ຜົນງານຜ່ານມາເຄີຍຄວ້າແຊ້ມລີກສູງສຸດ 6 ສະໄຫມ ຮອງແຊ້ມ 8 ສະໄຫມ, ເປັນແຊ້ມ ເດເອຟເບ ໂພຄາວ(DFB-Pokal) 3 ສະໄຫມ ຮອງແຊ້ມ 3 ສະໄຫມ, ແຊ້ມຊຸບເປີຄັບເຢຍລະມັນ (DFB-Supercup) 3 ສະໄຫມ, ຢູໂຣປ້ຽນຄັບ ຫລື ຢູຟ້າແຊ້ມປ້ຽນລີກ 1 ສະໄຫມ(1982–83) ແລະ ຢູຟ້າ ອິນເຕີໂຕໂຕ້ຄັບ(UEFA Intertoto Cup) 2 ສະໄຫມ.

 

 

ຂໍ້ມູນມາຈາກ : ລາວອັບເດດ

 

 

ຄວາມຄິດເຫັນຂອງຜູ້ອ່ານ (0)