GMT+7 23/04/2018 10:54

ນັກຮ້ອງສາວ “ ມາຣາຍຫ໌ ແຄຣີ ” ເຜີຍ ຖືກໂລກ “ ໄບໂພລາຣ໌ ” ຄຸກຄາມ

 

 

ມາຣາຍຫ໌ ແຄຣີ ນັກຮ້ອງ ແລະ ນັກສະແດງສາວຊື່ດັງຊາວອາເມຣີກັນເຜີຍ ລາວກໍາລັງປ່ວຍດ້ວຍໂລກໄບໂພລາຣ໌ ຫລືໂລກອາລົມສອງຂົ້ວ ໂດຍແພດກວດພົບຕັ້ງແຕ່ປີ ພ. ສ 2544 ແຕ່ລາວຫາກໍ່ຈະຮັກສາດ້ວຍຢາເມື່ອບໍ່ດົນມານີ້.

ສໍານັກຂ່າວຣອຍເຕີຣ໌ລາຍງານຈາກເມືອງ Los Angeles ປະເທດ United States ເມື່ອວັນທີ່ 11 ເມສາ ວ່າ ແຄຣີເຜີຍຕໍ່ນິຕິສານພີເພິ່ນ ວ່າແພດວິນິດໄສວ່າລາວເປັນໂລກໄບໂພລາຣ໌ ເມື່ອລາວເຂົ້າໂຮງໝໍ ພາຍຫລັງເກີດອາການຜິດປົກກະຕິຮຸນແຮງທາງອາລົມແລະຮ່າງກາຍ ໃນຊ່ວງລະຫວ່າງການສາຍຫນັງທີ່ລາວສະແດງ ເລື່ອງ Glitter ທີ່ຖືກວິຈານໃນທາງລົບເມື່ອປີ 2544 ລາວບໍ່ຢາກເຊື່ອວ່າລາວເປັນໂລກນີ້ “ຂ້ອຍມີຊີວິດຢູ່ກັບການປະຕິເສດ ແລະ ຄວາມໂດດດ່ຽວ ຂ້ອຍຢ້ານຕະຫລອດເວລາວ່າ ຈະມີຄົນເຜີຍຄວາມລັບຂອງຂ້ອຍ“ ແຄຣີ ກ່າວ ແລະ ວ່າທີ່ຜ່ານມາລາວຄິດວ່າໂຕເອງເປັນໂລກນອນບໍ່ຫລັບຂັ້ນຮຸນແຮງ

ແຄຣີເລີ່ມຍອມຮັບຄວາມຈິງ ຫລັງຊີວິດປະເຊີນມໍລະສຸມ ລວມຮອດການຢ່າຮ້າງກັບສາມີນັກສະແດງຕະຫລົກ ນິກ ແຄນນອນ ເຊິ່ງເຂົາແລະລາວມີທາຍາດແຝດອາຍຸ 6 ປີນໍາກັນ ແລະ ການໝັ້ນທີ່ເປັນຂ່າວໂດ່ງດັງແຕ່ຄວງຄູ່ກັນໄດ້ບໍ່ດົນໃນປີ 2559 ກັບມະຫາເສດຖີນັກທຸລະກິດຊາວ Australia ເລີຍ ເຈມສ໌ ແພກເກີຣ໌

ແຄຣີກ່າວວ່າລາວເລີ່ມກິນຢາຮັກສາໂລກໄບໂພລາຣ໌ ເມື່ອບໍ່ດົນມານີ້ ຢາເຮັດໃຫ້ລາວຮູ້ສຶກບໍ່ເມື່ອຍຫລືຊືມເສົ້າຫລາຍເກີນໄປ ອາລົມດີຂຶ້ນຫລາຍ ແລະ ລາວກໍາລັງເຮັດອາລະບໍ້າເພງຊຸດໃຫ່ມ ກໍາຫນົດອອກຈໍາຫນ່າຍໃນທ້າຍປີນີ້.

 

 

ຂໍ້ມູນຈາກ: ເດລີນິວສ໌

ຄວາມຄິດເຫັນຂອງຜູ້ອ່ານ (0)