GMT+7 23/04/2018 10:53

ມື້ນີ້ລຸ້ນຕໍ່ 1.500 ແມັດຍິງ! ສາວລົດແກ້ວ ຍິງຄົນທໍາອິດຂອງລາວ ຄວ້າຫຼຽນຄໍາໄດ້ໃນປີນີ້ ລາຍການໃຫຍ່ທີ່ ສິງກະໂປ

 

ເອົາໃຈຊ່ວຍກັນຕໍ່ສໍາລັບ ສາວ ລົດແກ້ວ ອິນທະກຸມມານ ນັກກິລາແລ່ນ-ລານ ຍິງລາວ ທີ່ຫາກໍ່ຄວ້າຫຼຽນຄໍາ ໃນປະເພດ 800 ແມັດຍິງ ໃນລາຍການ ສິງກະໂປ ໂອເພັນ ເມື່ອວັນທີ 11 ເມສາ ທີ່ຜ່ານມາ ແລະ ມື້ນີ້ ( 12 ເມສາ ) ຈະລົງແຂ່ງຂັນລຸ້ນ 1.500 ແມັດຍິງ, ເຊິ່ງຈະເປັນແນວໃດນັ້ນ ແອັດມິນນົກ ຂາປະຈໍາ ລາວອັບເດດ ເອົາໃຈຊ່ວຍ ແລະ ຈະລາຍງານໃຫ້ຊາບ ພາຍຫຼັງ.

 

ກ່ອນໜ້ານີ້  ລົດແກ້ວ ອິນທະກຸມມານ ສ້າງປະຫວັດສາດຄວ້າຫລຽນຄຳ ໃນລາຍການໃຫຍ່ລະດັບໂອເພັນ ປະເພດ 800 ແມັດຍິງ ໃນການແຂ່ງຂັນແລ່ນ-ລານ ລາຍການ ສິງກະໂປ ໂອເພນ ຄັ້ງທີ 80 ປີ 2018 ທີ່ປະເທດສິງກະໂປ ໃນວັນທີ 11 ເມສາ 2018 ດ້ວຍເວລາ 2.18 ນາທີ ເອົາຊະນະອັນດັບທີ 2 ອິສຊາເບວລ້າ ເກີຊີ້(Isabella Ghersi) ນັກແລ່ນຊາວອີຕາລີ ຈາກທິມສະວິຟ(SWIFT) ພຽງ 7 ລິບດາ, ທີ 3 ເຢອ໋ອງເຢ້(Aye Aung Aye) ຈາກມຽນມາ 2 ນາທີ 19.30 ວິນາທີ.

ການແຂ່ງຂັນ ແລ່ນ-ລານລະດັບສາກົນລາຍການ ສິງກະໂປ ໂອເພັນ 2018 ລະຫວ່າງວັນທີ 11-12 ເມສາ 2018 ທີ່ປະເທດສິງກະໂປ ເປັນເຈົ້າພາບ ລະຫວ່າງວັນທີ 11-12 ເມສາ 2018 ໂດຍທັບນັກກີລາແລ່ນລານ ສົ່ງເຂົ້າຮ່ວມ 9 ລາຍການຕັ້ງເປົ້າຍາດຫຼຽນໃດຫຼຽນໜຶ່ງ ແຕ່ມື້ທໍາອິດກໍ່ຄວ້າຫຼຽນຄໍາໄດ້ແລ້ວ.

ພ້ອມກັນນີ້ ກໍ່ລຸ້ນນັກກິລາແລ່ນເພດຊາຍຂອງລາວອີກ 4 ຄົນໃນໃນມື້ນີ້ຄື:
+ ທ້າວ ອານຸສອນ ໄຊສາ ຈະລົງແຂ່ງລາຍການ ແລ່ນຂ້າມຮົ້ວ 110 ແມັດ ແລະ ປະເພດທິມແລ່ນສົ່ງຕໍ່ໄມ້ 4x100 ແມັດ.
+ ທ້າວ ອັກສອນສາດ ລາດສະວົງ ແລ່ນ 100 ແມັດ, 200 ແມັດ ແລະ ທິມແລ່ນສົ່ງຕໍ່ໄມ້ 4x100 ແມັດ.
+ ທ້າວ ສີພາສຸກ ບົວວິໄລທອງ ແລ່ນ 100 ແມັດ, 200 ແມັດ ແລະ ທິມແລ່ນສົ່ງຕໍ່ໄມ້ 4x100 ແມັດ.
+ ທ້າວ ສົມສະຫນຸກ ບົວວິໄລທອງ ແລ່ນຂ້າມຮົ້ວ 400 ແມັດ ແລະ ທິມຊາຍແລ່ນສົ່ງຕໍ່ໄມ້ 4x100 ແມັດ.

ສິງກະໂປ ໂອເພັນ 2018 ມີນັກກິລາເຂົ້າຮ່ວມຫລາຍພັນຄົນ, ຈາກຫລາຍປະເທດໃນທົ່ວໂລກ ຊິງ 32 ລາຍການ, ຍິງ 16 ລາຍການ, ຊາຍ 16 ລາຍການ.

 

 

ຂໍ້ມູນມາຈາກ : ລາວອັບເດດ

ຄວາມຄິດເຫັນຂອງຜູ້ອ່ານ (0)