GMT+7 23/04/2018 10:56

ຄິດລົດໂດຍສານສາຍເຫນືອ ມວນຊົນເລີ່ມໜາແໜ້ນຕັ້ງແຕ່ເຊົ້າ ເພື່ອເດີນທາງກັບບ້ານເກີດເມືອງນອນໃນໄລຍະບຸນປີໃຫມ່

 

 

ບັນຍາກາດທີ່ສະຖານີຂົນສົ່ງໂດຍສານສາຍເຫນືອນະຄອນຫຼວງວຽງຈັນ ແມ່ນໜາແໜ້ນໄປດ້ວຍມວນຊົນທີ່ເຂົ້າມາໃຊ້ບໍລິການເພື່ອເດີນທາງກັບບ້ານເກີດເມືອງນອນຢ້ຽມຢາມພໍ່ແມ່ຍາດພີ່ນ້ອງໃນໄລຍະວັນພັກບຸນປີິໃຫມ່ລາວ ພສ 2561. ດັ່ງນັ້ນຜູ້ທີ່ວາງແຜນເດີນທາງໃນມື້ນີ້ ຄວນອອກຈາກເຮືອນໄວຂຶ້ນເພາະຕ້ອງໄດ້ຕໍ່ຄິວຊື້ປີ້ອີກ. ທ່ານ ນາງ​ ຈິດ​ປະສົງ ຫຼວງ​ເດດ​ມີ​ໄຊ ຜູ້ອຳນວຍການ​ສະຖານີ​ກ່າວ​ວ່າ: ນັບ​ແຕ່​ວັນ​ທີ 1​ ​ເມສາ​ ເລີ່​ມມີ​ບັນຍາກາດ​ຄຶກຄັກ ຜູ້​ໂດຍສານ​ເລີ່​ມ​ເດີນທາງ​ກັບ​ບ້ານ ​ເພື່ອ​ໄປສະຫຼ​ອງປີ​ໃໝ່​ທີ່​ຖິ່ນ​ກຳ​ເນີ​ດຂອງ​ໃຜລາວ, ສະ​ນັ້ນ​​ເພື່ອ​ບໍ່​ໃຫ້​ຜູ້​ໂດຍ​ສານ​ຕົກ​ຄ້າງ​ຫຼື​ເດີນທາງ​ເມືອ​ບ້ານ​ທັນ​ເວລາ​ຈຶ່ງ​ເພີ່ມ​ຖ້ຽວ​ໂດຍສານ​ຈາກ​ປົກ​ກະ 30 ຖ້ຽວ​ເປັນ 60​ ແລະ​ ບໍ່​ມີ​ການ​ກຳນົດ​ເວລາ​ໃນ​ການ​ປ່ອຍ​ລົດ ຖ້າຄັນໃດມີ​ຜູ້​ໂດ​ຍສານ​ເຕັມແລ້ວ​​ແມ່ນ​ຈະ​ປ່ອຍ​ອອກ​ເລີຍ ລົດໂດຍສານທຸກຄົນແມ່ນໄດ້ກວດກາເບື້ອງເຕັກນິກເປັນທີ່ຮຽບຮ້ອຍດີ.

ແຕ່ແນວ​ໃດ​ກໍ່ຕາມສຳລັບ​ຜູ້​ຂັບ​ຂີ່​ໂດຍ​ສານທາງ​ພະ​ແນ​ກ​ໂຍທາ​ທິການ​ ແລະ​ ຂົນ​ສົ່ງ​ກໍ່ໄດ້​ມີ​ການ​ສຶກສາ​ອົບຮົມ​​​​ໃຫ້​ມີ​ຈັນ​ຍາ​ບັນບໍ່​ສວຍ​ໂອກາດ​ຂື້ນ​ລາ​ຄາ​ຫຼື​ເອົາ​ປຽບ​ຜູ້​ໂດຍສານ​ເດັດຂາດ ຖ້າ​ມີ​ກໍລະນີ​ດັ່ງກ່າວ​ແຈ້​ງໃຫ້ຮີບຮ້ອນແຈ້ງມາ​ຍັງ​ສະຖານີ​ຕາມ​ເບີ​ໂທ 020 5955 2222​ ຈິດ​ປະສົງ ໄດ້ທຸກເວລາ.

 

 

 

 

 

ຂໍ້ມູນຈາກ: laosupdate

 

 

ຄວາມຄິດເຫັນຂອງຜູ້ອ່ານ (0)