GMT+7 23/04/2018 10:55

ຄູຕິນໂຢ ອາດໄດ້ຫຼຽນແຊ້ມ ຢູຟາ ແຊ້ມປ້ຽນລີກ ໂອໂຕ ຖ້າຫາກ ລິເວີພູລ ໄດ້ແຊ້ມ

 

ຟິລິບເປ ຄູຕິນໂຢ ກອງກາງຊາວບຣາຊິນ ທີ່ຍ້າຍຈາກ ລິເວີພູລ ໄປຫຼິ້ນໃຫ້ກັບ ບາເຊໂລນາ ທີມໃນລາລີກາ ສະເປນ ທີ່ຜ່ານ ຍັງມີໂອກາດໄດ້ຫຼຽນແຊ້ມ ຢູຟາ ແຊ້ມປ້ຽນລີກ ລະດູການນີ້ ຖ້າຫາກ ລິເວີພູລ ສາມາດຄວ້າແຊັມໄດ້.

ພາຍຫຼັງທີ່ເກີດເລື່ອງມະຫາພິກລ໊ອກ ເມື່ອ ບາເຊໂລນາ ຈໍ່ຈະເຂົ້າຮອບກ່ອນຮອງຊະນະເລີດໄດ້ສະບາຍ ຫຼັງຈາກເປີດບ້ານເອົາຊະນະ ໂຣມາ ໄປກ່ອນ 1-4, ແຕ່ນັດທີ 2 ບາເຊໂລນາ ກັບບຸກໄປເສຍໃຫ້ ໂຣມາ ແບບພິກລ໊ອກ 0-3 ເຮັດໃຫ້ຜົນລວມ 2 ນັດ ສະເໝີກັນ 4-4 ແລະ ບາເຊໂລນາ ຕົກຮອບໄປ ເພາະເສຍປະຕູໃນບ້ານ.

ຜົນງານດັ່ງກ່າວສວນທາງກັບ ລິເວີພູລ ອະດີດຕົ້ນສັງກັດຂອງ ຄູຕິນໂຢ ເພາະ ລິເວີພູລ ເອົາຊະນະ ແມນເຊັສເຕີ ຊິຕີ້ 2-1 ໃນນັດທີ່ກຽວ ເຮັດໃຫ້ ລິເວີພູລ ຜ່ານເຂົ້າຮອບ 4 ທີມສຸດທ້າຍ ດ້ວຍຄະແນນລວມ 2 ນັດຊະນະໄປ 5-1.

ອີງຕາມກົດຂອງ ສະຫະພັນບານເອີຣົບ (ຢູຟາ) ລະບຸໄວ້ວ່າ: ທີມແຊັມ ແລະ ຮອງແຊ້ມຂອງ ຢູຟາ ແຊ້ມປ້ຽນລີກ ຈະໄດ້ຫຼຽນລາງວັນ 40 ຫຼຽນ, ເຊິ່ງນັ້ນກໍ່ຂຶ້ນຢູ່ກັບທີມ ຈະຕັດສິນໃຈວ່າ ຈະມອບຫຼຽນໃຫ້ໃຜແດ່ ແລະ ນັ້ນໝາຍຄວາມວ່າ ຄູຕິນໂຢ ຍັງມີຄົນສົມບັດທີ່ຈະໄດ້ຫຼຽນລາງວັນຢູ່ ບໍ່ວ່າຈະເປັນຫຼຽນ ແຊ້ມ ຫຼື ຮອງແຊ້ມກໍ່ຕາມ ເພາະລາວເຄີຍລົງສະໜາມໃຫ້ກັບ ລິເວີພູລ ໃນຮອບແບ່ງກຸ່ມຂອງລາຍການນີ້ເຖິງ 5 ນັດ.

 

 

ຂໍ້ມູນມາຈາກ : ລາວອັບເດດ

ຄວາມຄິດເຫັນຂອງຜູ້ອ່ານ (0)