GMT+7 23/04/2018 10:54

ປະຊາຊົນບ້ານຈຸລາວແສນເກົ່າ ແລະ ແສນໃໝ່ ເມືອງບຸນໃຕ້ ໄດ້ຮັບເຄື່ອງຊ່ວຍເຫຼືອ

 

 

ທ່ານ ຄຳເຈນ ວົງໂພສີ ກຳມະການສູນກາງພັກ ເລຂາ ຄະນະບໍລິຫານງານພັກແຂວງ ເຈົ້າແຂວງໆຜົ້ງສາລີ, ພ້ອມ ດ້ວຍພັນລະຍາໄດ້ນຳເອົາ ເຄື່ອງນຸ່ງຫົ່ມ ມອບໃຫ້ແກ່ປະ ຊາຊົນພາຍໃນ 2 ບ້ານທີ່ຂຶ້ນ ກັບເມືອງບຸນໃຕ້ຄື: ບ້ານຈຸລາວ ແສນເກົ່າ ແລະ ບ້ານຈຸລາວ ແສນໃໝ່ ເມື່ອບໍ່ດົນຜ່ານມາ. ເຄື່ອງທີ່ນຳໄປມອບໃນ ຄັ້ງນີ້ ຊຶ່ງນຳໂດຍທ່ານ ກຳເປັນ ແສງອິນທອງ ຮອງເຈົ້າເມືອງ ບຸນໃຕ້, ມີທ່ານນາຍບ້ານທັງ 2 ບ້ານ, ຕະຫຼອດຮອດອົງການ ປົກຄອງບ້ານທຸກຂັ້ນ ແລະ ພໍ່ ແມ່ປະຊາຊົນພາຍໃນ 2 ບ້ານ ຊຶ່ງມີທັງໝົດ 92 ຄົວເຮືອນ, 125 ຄອບຄົວ. ການມອບ ເຄື່ອງບັນເທົາທຸກດັ່ງກ່າວນີ້ມີ ເຄື່ອງນຸ່ງຫົ່ມ, ເຄື່ອງໃຊ້ຄອບ ຄົວ, ຜ້າຫົ່ມ, ກະເປົາໃສ່ເອກະ ສານຂອງຄູສອນ ປະຈຳ 2 ບ້ານ ແລະ ມີອຸປະກອນ ການຮຽນໃຫ້ ແກ່ນັກຮຽນທັງສອງບ້ານຕື່ມ ອີກ ຊຶ່ງລວມມູນຄ່າທັງໝົດ 18.920.000 ກີບ. ໃຫ້ກຽດ ກ່າວມອບໂດຍທ່ານ ນາງ ແກ້ວດວງໃຈ ວົງໂພສີ ພັນລະ ຍາຂອງທ່ານເຈົ້າແຂວງ ພ້ອມ ດ້ວຍລູກຫຼານ ແລະ ອ້າຍເອື້ອຍ ນ້ອງຂອງທ່ານ.

ຕອນທ້າຍ, ທ່ານ ຄຳເຈນ ວົງໂພສີ ພ້ອມດ້ວຍພັນລະຍາ ຍັງໄດ້ຮຽກຮ້ອງມາຍັງພໍ່ແມ່ປະ ຊາຊົນທັງສອງບ້ານ ຈົ່ງນຳເອົາ ເຄື່ອງດັ່ງກ່າວ ໄປໃຊ້ໃນຄອບ ຄົວໃຫ້ເກີດປະໂຫຍດສູງສຸດ ສືບຕໍ່ພັດທະນາເສດຖະກິດ ຄອບຄົວ ໂດຍການປູກ ພືດອຸດ ສາຫະກຳ, ກະສິກຳໃຫ້ຫຼາຍ ຂຶ້ນເປັນສິນຄ້າສົ່ງອອກ ແນໃສ່ ເຮັດໃຫ້ຊີວິດການເປັນຢູ່ຂອງ ແຕ່ລະຄອບຄົວດີຂຶ້ນ ແລະ ຊຸກຍູ້ໃຫ້ແຕ່ລະຄອບຄົວສ້າງ ຫ້ອງນ້ຳ ແລະ ທຳຄວາມສະ ອາດບ້ານຕາມຫຼັກອະນາໄມ ສາມສະອາດ, ຊຸກຍູ້ໃຫ້ລູກ ຫຼານໄດ້ເຂົ້າໂຮງຮຽນຕາມເກນ ອາຍຸໃຫ້ໄດ້ຕາມຄາດໝາຍທີ່ ກະຊວງສຶກສາທິການ - ກິລາ ວາງອອກ ພ້ອມກັບຮັກສາໄດ້ ມູນເຊື້ອຮີດຄອງປະເພນີອັນ ດີງາມຂອງເຜົ່າໄວ້ໃຫ້ໝັ້ນຄົງ ຕະຫຼອດໄປ. 

 

 

ຂໍ້ມູນຈາກ: ຫນັງສືພິມປະຊາຊົນ

ຄວາມຄິດເຫັນຂອງຜູ້ອ່ານ (0)