GMT+7 23/04/2018 10:51

ງານສະເຫຼີມສະຫຼອງສຽງແຄນເຊື້ອຊາດລາວ ເປັນມໍລະດົກວັດທະນະທຳນາມມະທຳຂອງມວນມະນຸດ ຈັດຂຶ້ນຢ່າງຍິ່ງໃຫຍ່

 

 

ງານສະເຫຼີມສະຫຼອງສຽງ ແຄນເຊື້ອຊາດລາວ ເປັນມໍລະ ດົກວັດທະນະທຳ ນາມມະທຳ ຂອງມວນມະນຸດ ໄດ້ຈັດຂຶ້ນ ຢ່າງຍິ່ງໃຫຍ່, ສົມກຽດທີ່ນະ ຄອນຫຼວງວຽງຈັນ ເມື່ອຕອນ ເຊົ້າຂອງວັນທີ 11 ເມສານີ້ ໂດຍການເຂົ້າຮ່ວມຂອງ ທ່ານ ສອນໄຊ ສີພັນດອນ ກຳມະ ການກົມການເມືອງສູນກາງ ພັກ ຮອງນາຍົກລັດຖະມົນຕີ, ມີບັນດາລັດຖະມົນຕີ, ແຂກ ຖືກເຊີນທັງພາຍໃນ ແລະ ຕ່າງ ເທດ ຕະຫຼອດຮອດມວນຊົນ ຊາວນະຄອນຫຼວງວຽງຈັນ ເຂົ້າ ຮ່ວມຢ່າງຫຼວງຫຼາຍ. ຄະນະຮັບຜິດຊອບຈັດ ງານສະເຫຼີມສະຫຼອງສຽງແຄນ ເຊື້ອຊາດລາວເປັນມໍລະດົກ ວັດທະນະທຳ ນາມມະທຳຂອງ ມວນມະນຸດ ແຈ້ງໃຫ້ຮູ້ວ່າ: ງານ ດັ່ງກ່າວຈັດຂຶ້ນໃນວັນດຽວກັນຄື: ວັນທີ 11 ເມສາ ສະເພາະຕອນ ເຊົ້າແມ່ນຂະບວນ ແຫ່ແຄນ ລາວ ພ້ອມດ້ວຍມວນຊົນ ໂດຍ ເລີ່ມທີ່ອະນຸສາວະລີ ເຈົ້າຟ້າ ງຸຸ່ມ ມະຫາລາດ ຊຶ່ງເປັນອົງວິ ລະກະສັດ ຜູ້ຊົງທ້ອນໂຮມ ແຜ່ນດິນອານາຈັກລ້ານຊ້າງ ຜືນແຜ່ນດິນຖິ່ນກຳເນີດຂອງ ສຽງແຄນເຊື້ອຊາດລາວ ຈາກ ນັ້ນໄດ້ເຄື່ອນ ຂະບວນໄປວາງ ພວງມະລາ ທີ່ອະນຸສາວະລີ ນັກຮົບນິລະນາມ (ດາວແດງ) ເພື່ອສະແດງຄວາມຮູ້ບຸນຄຸນຕໍ່ ບັນດານັກຮົບ ແລະ ປະຊາຊົນ ລາວບັນດາເຜົ່າຜູ້ທີ່ໄດ້ເສຍ ສະຫຼະຊີວິດເພື່ອຊາດ ເພື່ອ ປະຊາຊົນ, ແລ້ວສືບຕໍ່ນຳຂະ ບວນໄປທີ່ ອະນຸສາວະລີ ປະ ທານ ໄກສອນ ພົມວິຫານ ທີ່ຫໍພິພິທະພັນ ໄກສອນ ເພື່ອ ວາງກະຕ່າດອກໄມ້ ຊຶ່ງເປັນຜູ້ ນຳທີ່ແສນເຄົາລົບຮັກຂອງ ປະ ຊາຊົນລາວທັງຊາດ, ຜູ້ເປັນ ຄັນທຸງເຕົ້າໂຮມທົ່ວພັກ-ທົ່ວ ກຳລັງປະກອບອາວຸດ ແລະ ປວງຊົນ ລາວ ທັງຊາດລຸກຮື້ຂຶ້ນ ຕໍ່ສູ້ເພື່ອປົດປ່ອຍປະເທດຊາດ ຍາດເອົາເອກະລາດ ອະທິປະ ໄຕ ມາສູ່ປະເທດຊາດ, ເປັນຜູ້ ວິສະວະກອນແຫ່ງພາລະກິດ ປ່ຽນແປງໃໝ່.

ພິທີແຫ່ດັ່ງກ່າວ ເພື່ອເປັນ ການສະເຫຼີມສະຫຼອງສຽງ ແຄນເຊື້ອຊາດລາວ ເຂົ້າເປັນ ມໍລະດົກວັດທະນະທຳນາມ ມະທຳຂອງມວນມະນຸດ, ສຽງ ແຄນເຊື້ອຊາດລາວ ຂອງ ສປປ ລາວ ໄດ້ຖືກຮັບຮອງເປັນມໍລະ ດົກວັດທະນະທຳນາມມະທຳ ຂອງມວນມະນຸດ ໂດຍອົງການ ອຸຍແນັສໂກ ໃນວັນທີ 7 ທັນວາ 2017 ທີ່ຜ່ານມາ. ສຳລັບຕອນຄ່ຳຂອງວັນ ດຽວກັນງານສະເຫຼີມສະຫຼອງ ຈະໄດ້ຈັດຂຶ້ນຢ່າງເປັນທາງ ການຕື່ມອີກ ທີ່ຫໍວັດທະນະທຳ ແຫ່ງຊາດ ໂດຍຈະມີການນຳ ພັກ-ລັດ ແຂກຖືກເຊີນທັງພາຍ ໃນ ແລະ ຕ່າງປະເທດ ເຂົ້າ ຮ່ວມເຊັ່ນດຽວກັນ.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)