GMT+7 23/04/2018 10:52

ຄົນນີ້ອີກແລ້ວ! ໂຣນັລໂດ ຍິງຈຸດໂທດທ້າຍເກມເຖິງຈະເສຍໃຫ້ ຢູເວນຕຸສ 1-3 ລວມ 2 ນັດພາ ຣີລ ມາດຣິດ ເຂົ້າຮອບ

 

ກ່ອນໜ້ານ ຣີລ ມາດຣິດ ໄດ້ປຽບຫຼາຍທີ່ຈະເຂົ້າຮອບ 4 ທີມສຸດທ້າຍ ຫຼັງຈາກທີ່ນັດທໍາອິດບຸກໄປເອົາຊະນະ ຢູເວນຕຸສ 3-0 ໃນນັດທໍາອິດ ທໍາທ່າວ່າຈະສະບາຍສຸດໆ, ແຕ່ນັດທີ 2 ຢູເວນຕຸສ ກັບມາຍິງໄປກ່ອນ 3 ປະຕູຈາກການຍິງຂອງ ມາຣິໂອ ມານຊູຄິຊ 2 ປະຕູ ນາທີໆທ 2 ກັບ 37 ແລະ ອີກ 1 ປະຕູເປັນຂອງ ແບລສ ມາຕຸຍດີ້ ໃນນາທີໆ 60 ເຮັດໃຫ້ ຢູເວນຕຸສ ມີສິດໄປຕໍ່.

ແຕ່ເຫດການກໍ່ເປັນໃຈ ຣີລ ມາດຣິດ ເມື່ອມາໄດ້ຈຸດໂທດໃນໄລຍະຕໍ່ເວລາບາດເຈັບຂອງເຄິ່ງເວລາທີສອງ ຈາກຈັງຫວະທີ່ ໂຣນັລໂດ ໂໝ່ງບານໃຫ້ກັບ ລູກັສ ບາຊເກຊ ແລ້ວ ເມດີ້ ເບນາເຕຍ ເຂົ້າໄປສະກັດທາງຫຼັງຂອງ ບາຊເກຊ ລົ້ມລົງໃນເຂດໂທດ ແລະ ເປັນ ໂຣນັລໂດ ຮັບໜ້າທີ່ຍິງເຂົ້າໄປ ເຖິງຈະເສຍ 1-3, ແຕ່ລວມຜົນ 2 ນັດເອົາຊະນະໄປ 4-3 ຜ່ານເຂົ້າຮອບ 4 ທີມສຸດທ້າຍ.

ຈາກຜົນດັ່ງກ່າວ ຍັງສົ່ງຜົນໃຫ້ ໂຣນັລໂດ ຍິງເປັນ 15 ປະຕູແລ້ວໃນລາຍການນີ້ ຈໍ່ຈະເປັນດາວຍິງສູງສຸດ ເພາະໜີຫ່າງ ໂມຮາເໝັດ ຊາລາ ກັບ ໂຣເບີໂຕ ເຟີມິໂນ 2 ກອງໜ້າຟອມເດັ່ນຂອງ ລິເວີພູລ ເຖິງ 7 ໜ່ວຍ.

ສໍາລັບ ທີມທີ່ເຂົ້າຮອບ 4 ທີມສຸດທ້າຍ ໃນຢູຟາ ແຊັມປ້ຽນລີກ ລະດູການນີ້ປະກອບມີ: ລິເວີພູລ, ໂຣມາ, ຣີລ ມາດຣິດ ແລະ ບາເຢິນ ມິວນິກ, ສ່ວນຜົນການຈັບສະຫຼາກປະກົບຄູ່ແຂ່ງຈັນ ຈະຈັດຂຶ້ນໃນວັນທີ 13 ເມສານີ້ ແລະ ນັດທໍາອິດຈະແຂ່ງຂັນໃນວັນທີ 25 ແລະ 25 ເມສານີ້, ສ່ວນນັດທີ 2 ຈະແຂ່ງຂັນໃນວັນທີ 1 ແລະ 2 ພຶດສະພາ 2018.

 

 

ຂໍ້ມູນມາຈາກ : ລາວອັບເດດ

ຄວາມຄິດເຫັນຂອງຜູ້ອ່ານ (0)