GMT+7 23/04/2018 10:57

ເຈ້ຍ ປາຊີຟິກ ໂພສເດືອດ ດ່າເພຈລັກເອົາຮູບເງົາຂອງຕົນເອງໄປ Live ວ່າ "ຊົ່ວທີ່ສຸດ"

 

ເລື່ອງການລະເມີດລິຂະສິດໃນຜົນງານຂອງບຸກຄົນອື່ນຍັງຄົງມີໃຫ້ເຫັນມາເລື້ອຍໆ ຫຼ້າສຸດ ໜຸ່ມເຈ້ຍ ປາຊີຟິກກໍໄດ້ອອກມາໂພສດ່າເພຈເຟສບຸກເພຈໜຶ່ງເຊິ່ງໄດ້ນຳເອົາຮູບເງົາທີ່ເຈ້ຍກຳກັບ ໄປ Live (ຖ່າຍທອດສົດ) ລົງໃນເພຈ ແລະ ອັບໂຫຼດລົງ YouTube ໂດຍບໍ່ໄດ້ຮັບອະນຸຍາດ ພ້ອມທັງລະບຸວ່າກຳລັງກຽມຍື່ນຟ້ອງເອົາຜິດ.

ໜຸ່ມເຈ້ຍ ປາຊີຟິກ ໄດ້ໂພສໃນເຟສບຸກສ່ວນຕົວ Phoumsana Sirivongsa ເມື່ອວານນີ້ (12 ມີນາ 2018) ຕໍ່ກໍລະນີດັ່ງກ່າວວ່າ: "ຊົ່ວທີ່ສຸດ!!! ຢາກໂຄສະນາ Page ໂຕເອງ ຈົນມາທໍາລາຍ ຄົນສ້າງ ຮູບເງົາ ເຫັນຄົນແບບນີ້ລະໝົດກໍາລັງໃຈສ້າງ. ດຽວນີ້ກຽມຍື່ນເລື່ອງດໍາເນີນຄະດີນໍາ Page ດັ່ງກ່າວ ທີ່ລ່ວງລະເມີດລິດຂະສິດ ຈະດໍາເນີນຄະດີຢ່າງເຕັມທີ່ ແລະ ຄ່າປັບໃໝຕ່າງໆທີ່ດໍາເນີນຄະດີໄດ້ ຈະມອບໃຫ້ທາງເຈົ້າໜ້າທີ່ໝົດ. ຖ້າຍັງພົບເຫັນ Page ໃດທີ່ເຮັດແບບນີ້ອີກ ສິບໍ່ມີການໃຫ້ອະໄພ ແລະ ຈະດໍາເນີນຄະດີກົດໝາຍ ຂອງ ສປປ ລາວ ຢ່າງສູງສຸດ".

ນີ້ບໍ່ແມ່ນຄັ້ງທຳອິດທີ່ ເຈ້ຍ ປາຊີຟິກອອກມາປົກປ້ອງຜົນງານຕົນເອງຈາກການຖືກລະເມີດລິຂະສິດ ເພາະໃນປີທີ່ຮູບເງົາຮັກອີ່ຫຼີ ທີ່ກຳກັບ ແລະ ສະແດງໂດຍໜຸ່ມເຈ້ຍເອງເຂົ້າສາຍ ກໍມີການລັກເອົາຮູບເງົາດັ່ງກ່າວໄປ Live ລົງເພຈ ຈົນຕ້ອງໄດ້ອອກມາຮັບມືກັບກຸ່ມຄົນດັ່ງກ່າວ.

 

 

 

ຂໍ້ມູນຈາກ: ຄຸ້ຍຂ່າວ

ຄວາມຄິດເຫັນຂອງຜູ້ອ່ານ (0)