GMT+7 23/04/2018 10:56

ປີຜ່ານມາ ແຂວງຫົວພັນ ກວດກາພົບໄມ້ຕົກຄ້າງ 2.363,64 ແມັດກ້ອນ

 

 

ປີ 2017 ຜ່ານ​ມາ​, ​ແຂວງ​ຫົວພັນ ​ໄດ້​ກວດກາພົບ ເຫັນໄມ້ຕົກຄ້າງ 2.363,64 ​ແມັດ​ກ້ອນ, ໃນນີ້ຄ້າງຢູ່ສະໜາມ 1 ຈຳນວນ 294.049 ​ແມັດ​ກ້ອນ, ສະໜາມ 2 ຈຳນວນ 2.069,412 ​ແມັດ​ກ້ອນ ແລະ ການເຄື່ອນຍ້າຍໄມ້ສວນປູກ ມາແຕ່ແຂວງຫລວງພະບາງ ມີໄມ້ອະນຸຍາດຕາມເອກະສານ 2.268 ຕັບ, ມີບໍລິມາດ 100,90 ​ແມັດ​ກ້ອນ, ການດັດສົມໂຮງງານ ປຸງແຕ່ງໄມ້ປະເພດຕ່າງໆ ທັງໝົດ 136 ຫົວໜ່ວຍ, ໃນນີ້ ມີໃບອະນຸຍາດ 55 ຫົວໜ່ວຍ, ບໍ່ມີໃບອະນຸຍາດ 81 ຫົວໜ່ວຍ ແລະ ໄດ້ມີຂໍ້ຕົກລົງ ຍຸບເລີກແລ້ວ 81 ຫົວໜ່ວຍ ແລະ ໄດ້ຮັບຄຳຮ້ອງຄຳສະເໜີ ທັງໝົດ 17 ສະບັບ, ໃນນີ້ ຄົ້ນຄວ້າແກ້ໄຂແລ້ວ 9 ສະບັບ, ສົ່ງໃຫ້ພາກສ່ວນ ກ່ຽວຂ້ອງຄົ້ນຄວ້າແກ້ໄຂ 4 ສະບັບ, ເກັບມ້ຽນເພື່ອຕິດຕາມ 3 ສະບັບ ແລະ ພວມດຳເນີນການ ແກ້ໄຂ 1 ສະບັບ.

ພ້ອມ​ກັນ​ນີ້, ຍັງ​ສາມາດ ກວດກາພາ ຫະນະນໍາເຂົ້າຈຳນວນ 6.923 ຄັນ, ໃນນີ້ລົດໃຫຍ່ 196 ຄັນ, ລົດຈັກ 6.727 ຄັນ, ແກ້ໄຂແລ້ວ 1.687 ຄັນ, ໃນນີ້ ລົດໃຫຍ່ 87 ຄັນ, ລົດຈັກ 1.591 ຄັນ, ເກັບຄ່າປັບໃໝ ແລະ ພາສີໄດ້ທັງໝົດ 5,8 ຕື້ກວ່າກີບ.

ຂໍ້​ມູນ​ດັ່ງກ່າວ​ ໄດ້​ຮັບ​ການ​ລາຍ​ງານ​ຈາກ ທ່ານ ຄຳສອນ ເທບວົງຊຳ ກຳມະການ ປະຈຳພັກແຂວງ, ປະທານກວດກາພັກ-ລັດແຂວງ ​ໃນ​ກອງກອງປະຊຸມສະຫຼຸບ ຕີລາຄາການເຄື່ອນໄຫວວຽກງານ ກວດກາປີ 2017 ແລະ ວາງທິດທາງແຜນ ການ ປີ 2018 ​ເຊິ່ງປີ 2018 ​ແມ່ນຈະສືບຕໍ່ ຄົ້ນຄວ້າເຊື່ອມຊຶມ, ກຳແໜ້ນກົດລະບຽບ,  ມະຕິ, ຄຳສັ່ງ, ກົດໝາຍ ແລະ ນິຕິກຳຕ່າງໆ ຂອງລັດໃຫ້ເຂັ້ມງວດ ແລະ ສັກສິດ, ເພີ່ມທະວີຄວາມຮັບຜິດຊອບ ຂອງຄະນະພັກ, ອົງການປົກຄອງ ແລະ ຄະນະກວດກາທຸກຂັ້ນ ຕໍ່ການຕິດຕາມຕໍ່ການສະກັດກັ້ນ ການສໍ້ລາດບັງຫລວງ ແລະ ປາກົດການຫຍໍ້ທໍ້ອື່ນໆ.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)