GMT+7 23/04/2018 10:54

ຄຸກ 24ປີ!! ສານຕັດສິນອະດີດປະທານາທິບໍດີຫຍິງເກົາຫລີໃຕ້ ຄະດີຮັບສິນບົນ

 

 

ສານເກົາຫລີໃຕ້ຕັດສິນຈຳຄຸກ ປຣາກ ກຶນຮະເຍ ອະດີດປະທານາທິບໍດີຫຍິງຄົນທຳອິດຂອງເກົາຫລີໃຕ້ ເປັນເວລາ 24ປີ ໃນຄະດີຮັບສິນບົນອັນໂດ່ງດັງ

ວັນທີ 6ເມສາທີ່ຜ່ານມາ ສຳນັກຂ່າວຕ່າງປະເທດລາຍງານວ່າ: ສານເກົາຫລີໃຕ້ພິພາກລົງໂທດນາງປຣາກ ກຶນຮະເຍ ອະດີດປະທານາທິບໍດີຫຍິງຄົນທຳອິດຂອງເກົາຫລີໃຕ້ ໃນຄວາມຜິດທາງຄະດີອາຍາ 18ຂໍ້ຫາ ເຊິ່ງລວມເຖິງການ ຮັບສິນບົນທີ່ຮ່ວມມືກັບຊະເລ ຊຸນຊິລ ລວມເປັນເງິນມູນຄ່າຫລາຍກວ່າ 23,000ລ້ານວອນ ປະມານ 673ລ້ານບາດ ໂດຍສານຕັດສິນລົງໂທດຈຳຄຸກເປັນເວລາ 24ປີ ແລະ ປັບໄຫມເງິນ 18,000ລ້ານວອນ ຫລືປະມານ 526ລ້ານບາດ

ປຣາກ ກຶນຮະເຍ ອາຍຸ 66ປີ ຖືເປັນປະທານາທິບໍດີຫຍິງຄົນທຳອິດ ແລະ ຄົນດຽວຂອງເກົາຫລີໃຕ້ທີ່ຖືກຈັບກຸມຕັ້ງແຕ່ວັນທີ 31ມີນາ 2560 ຫລັງການກະທຳໂດຍບໍ່ຊອບທຳຂອງນາງຖືກເປີດໂປງຈົນເກີດການປະທ້ວງຂື້ນທົ່ວເກົາຫລີໃຕ້ ຈົນສານລັດຖະທຳມະນູນວິນິໄສວ່ານາງປະພຶດຜິດຮ້າຍແຮງ ແລະ ຖືກຖອດຖອນອອກຈາກຕຳແຫນ່ງປະທານາທິບໍດີເມື່ອວັນທີ 10ມີນາ 2560 ເພາະຄະດີຄໍລັບຊັ່ນ ແລະ ການໃຊ້ອຳນາດຫນ້າທີ່ໃນທາງບໍ່ສຸຈະລິດຈົນກາຍເປັນຄະດີໂດ່ງດັງ

 

 

 

ຂໍ້ມູນຈາກ: ສະຫນຸກຂ່າວ

 

 

ຄວາມຄິດເຫັນຂອງຜູ້ອ່ານ (0)