GMT+7 23/04/2018 10:53

ຟີລິບປິນ ກຽມປິດເກາະທ່ອງທ່ຽວ “ໂບຣາໄກ” 6ເດືອນ

 

 

ລັດຖະບານຟີລິບປິນຈະປິດເກາະໂບຣາໄກ ຫນື່ງໃນແຫລ່ງທ່ອງທ່ຽວສຳຄັນລະດັບປະເທດເປັນເວລາ 6ເດືອນ ເລີ່ມຕັ້ງແຕ່ 26ເມສານີ້ ເພື່ອການຟື້ນຟູສະພາບແວດລ້ອມ

ສຳນັກຂ່າວຕ່າງປະເທດລາຍງານຈາກກຸງມະນິລາ ປະເທດຟີລິບປິນເມື່ອວັນທີ 5ເມສາວ່າ: ທຳນຽບມາລາກັນຍັງອອກຖະແຫລງການເມື່ອວັນພຸດວ່າ: ປະທານາທິບໍດີໂຣດຣິໂກ ດູເຕີເຕ ມີຄຳສັ່ງປິດເກາະໂບຣາໄກ ເຊິ່ງເປັນັນື່ງໃນ ແຫລ່ງທ່ອງທ່ຽວສຳຄັນ ແລະ ມີຊື່ສຽງທີ່ສູດຂອງຟີລິບປິນເປັນເວລາ 6ເດືອນ ເລີ່ມຕັ້ງແຕ່ວັນທີ 26ເມສານີ້ເປັນຕົ້ນໄປ ໂດຍບໍ່ມີການລະບຸເຫດຜົນຍ່າງຊັດເຈນ ຂະນະທີ່ທ່ານເມນາໂດ ກົວວາຣາ ຮອງເລຂາທິການຄະນະມົນຕີກ່າວວ່າ: ມະຕິດັ່ງກ່າວຂອງຄະນະມົນຕີເປັນຜົນຈາກການຫາລື ແລະ ພິຈາລະນາຍ່າງລະອຽດຖີ່ຖ້ວນ ແລະ ຜູ້ປະກອບການທຸກຄົນຈະໄດ້ຮັບເງິນຊ່ວຍເຫລືອຕະຫລອດຊ່ວງເວລາຂອງການປິດເກາະ ເຊິ່ງສັ່ງກວ່າການສະເຫນີຂອງກະຊວງ ສິ່ງແວດລອມທີ່ຕ້ອງການໄລຍະເວລາ 1ປີ

ທັງນີ້ເກາະໂບຣາໄກ ຕັ້ງຢູ່ນອກຊາຍຝັ່ງຂອງເກາະປາໄນ ທາງຕອນກາງຂອງຟີລິບປິນຫ່າງຈາກກຸງມະນີລາລົງໄປທາງໃຕ້ປະມານ 315ກິໂລແມັດ ໄດ້ຮັບການຄັດເລືອກຈາກວານລະສານທ່ອງທ່ຽວຊັ້ນນຳຫລາຍສະບັບໃຫ້ຕິດອັນດັບ 1 ໃນເກາະສວຍງາມທີ່ສຸດ ເນື່ອງຈາກມີຫາດຊາຍຂາວສະອາດຕາມຊື່ຂອງເກາະເຊິ່ງແປວ່າຫາດຊາຍຂາວ ເປັນຜົນຈາກກົດຫມາຍລົງໂທດການຖິ້ມຂີ້ເຫຍື້ອຍທີ່ເຂັ້ມງວດ ໂດຍທັດສະນີຍະພາບທີ່ງົດງາມຂອງເກາະໂບຣາໄກ ດຶງດູດນັກ ທ່ອງທ່ຽວຈາກທັງໃນ ແລະ ຕ່າງປະເທດ ສ່້າງລາຍໄດ້ໃຫ້ແກ່ຟີລິບປິນຫລາຍເຖິງ 56,000ລ້ານເປໂຊ ເມື່ອປີທີ່ຜ່ານມາ

ແນວໃດກໍ່ຕາມການກາຍເປັນສະຖານທີ່ທ່ອງທ່ຽວໄດ້ຮັບຄວາມນິຍົມເພີ່ມຫລາຍຂື້ນ ກັບຕາມມາດ້ວຍບັນຫາສິ່ງແວດລ້ອມເຊິ່ງດູເຕີເຕເຄີຍກ່າວເມື່ອເດືອນກຸມພາທີ່ຜ່ານມາ ວ່າໂຮງແຮມ,ຮ້ານອາຫານ ແລະ ຜູ້ປະກອບການ ຂະຫນດນ້ອຍອີກຫລາຍຮ້ອຍບ່ອນເທິງເກາະໂບຣາໄກ ລັກລອບຕໍ່ທໍ່ ຫລື ເຄື່ອງບຳບັດຂອງເສຍລົງສູ່ທະເລ ຂະນະທີ່ຜົນຈາກການລົງພື້ນທີ່ສຳຫລວດໂດຍກະຊວງສິ່ງແວດລ້ອມພົບວ່າມີຜູ້ປະກອບການ 300ແຫ່ງ ກະທຳຜິດກົດຫມາຍດ້ານ ສາທາລະນະສຸກ ແລະ ເຈົ້າຫນ້າທີ່ອອກຄຳສັ່ງເຕືອນແລ້ວ 51ແຫ່ງ

ອີກຍ່າງຫນື່ງຄວາມເຄື່ອນໄຫວຂອງລັດຖະບານຟີລິບປິນຄັ້ງນີ້ເກີດຂື້ນພຽງບໍ່ເທົ່າໃດອາທິດ ຫລັງກຸ່ມບໍລິສັດກາແລັກຊີ ເອັນເຕີເທນເມັນຈາກມາເກົາ ໄດ້ຮັບໃບອານຸຍາດສຳປະທານກໍ່ສ້າງກາສິໂນ ແລະ ລີສອດເທິງເກາະໂບຣາໄກ

 

 

 

ຂໍ້ມູນຈາກ: ເດລິນີວ

ຄວາມຄິດເຫັນຂອງຜູ້ອ່ານ (0)