GMT+7 23/04/2018 10:56

ທໍາລາຍອາວຸດຕ້ອງຫ້າມ-ຈັກສະຕິ່ນ-ເຄື່ອງມືຫາປາທີ່ຜິດກົດໝາຍ

 

 

ເມື່ອບໍ່ດົນມານີ້, ເມືອງວຽງທອງ ແຂວງ ບໍລິຄຳໄຊ ໄດ້ຈັດພິທີຈູດທໍາລາຍອາວຸດເຖື່ອນ, ອາວຸດລ່າເນື້ອ, ຈັກສະຕິ່ນ ແລະ ເຄື່ອງມືຫາປາ ຂອງກຸ່ມບ້ານ ຈອມທອງ ແລະ ກຸ່ມບ້ານທ່າເດື່ອ ເມືອງວຽງທອງ. ໂດຍມີທ່ານ ຄໍາມອນ ໄຊພົມມີ ຮອງເລຂາພັກເມືອງ, ຮອງເຈົ້າເມືອງ, ມີກໍາລັງ ປກຊ-ປກສ, ຄະນະກໍາມະການ ເກັບກູ້ອາວຸດເຖື່ອນ ຂັ້ນແຂວງ-ຂັ້ນເມືອງ, ຫົວໜ້າ ຫ້ອງວ່າການ, ຫົວໜ້າ ຫ້ອງການ, ຮອງຫົວໜ້າ ຫ້ອງການ, ອໍານາດການປົກຄອງບ້ານ ແລະ ປກຊ-ປກສ ຂັ້ນບ້ານເຂົ້າຮ່ວມ.

ໂອກາດນີ້, ທ່ານ ພັຕ ຄໍາໝັ້ນ ພົມມະຈັນ ໄດ້ໃຫ້ຮູ້ວ່າ: ຜ່ານການຈັດຕັ້ງ ປະຕິບັດເກັບກູ້ອາວຸດ ເຖື່ອນໃນ 2  ກຸ່ມບ້ານຄື: ກຸ່ມບ້ານ ຈອມທອງ ແລະ ກຸ່ມບ້ານທ່າເດື່ອ ສາມາດເກັບໄດ້ ອາວຸດເຖື່ອນທັງໝົດ 10 ຢ່າງ ມີຈຳນວນ 523 ອັນ. ໃນນັ້ນມີ ອາວຸດເສິກ 19 ກະບອກ, ລູກປືນ B41 ຈຳນວນ 5 ລູກ, ປືນແກັບ 321 ກະບອກ, ເລົາປືນແກັບ 5 ເລົາ, ປືນລົມ 1 ກະບອກ, ປືນລູກອັດ 1 ກະບອກ, ປືນແວງດັດແປງ 4 ກະບອກ, ໝໍ້ຊັອດ 64 ໜ່ວຍ, ຈັກສະຕິ່ນ 102 ເຄື່ອງ ແລະ ໝໍ້ດູດໃຫຍ່ 1 ໜ່ວຍ. ການທໍາຄັ້ງນີ້ແມ່ນ ໄດ້ຂຸດຂຸມຈູດທໍາລາຍແລ້ວຖົມດິນ.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)