GMT+7 23/04/2018 10:57

ໂຮງຮຽນ ທິບພະກອນ ມອບອຸປະກອນການສຶກສາ

 

 

ເມື່ອທ້າຍ​ອາທິດ​ຜ່ານມາ, ທ່ານ ນາງ ທິບພະກອນ ຜັນວາດວົງສຸກຜູ້ອໍານວຍ​ການ​, ພ້ອມ​ຄູ-ອາຈານ ແລະ ນ້ອງນັກຮຽນ ໂຮງຮຽນລ້ຽງເດັກ-ອານຸບານ,ປະຖົມ ແລະ ມັດທະຍົມ ທິບພະກອນ ​ແຂວງ​ວຽງ​ຈັນ 100 ກວ່າ​ຄົນ​, ໄດ້ຈັດ​ກິດຈະ​ກໍາ ​ທັດສະນະ​ສຶກສາ ​ແລະ ນໍາ​ເອົາອຸປະກອນ-ເຄື່ອງ ໃຊ້ມູນ​ຄ່າ 2.000.000ກວ່າກີບ, ພ້ອມລ້ຽງອາຫານທ່ຽງ ​ ແກ່ນ້ອງນັກຮຽນ ໂຮງຮຽນສອນຄົນຕາບອດ ບ້ານ ສະຫວ່າງ ນະຄອນຫລວງວຽງຈັນ.

ການ​ຈັດ​ກິດຈະ​ກໍາ​ຄັ້ງ​ນີ້, ກໍ​ເພື່ອ​ເປັນ​ການແລກປ່ຽນ ບົດຮຽນນຳກັນ ເປັນຕົ້ນແມ່ນກິດຈະກຳຮ້ອງ ເພງຮ່ວມກັນ ແລະ ກິດຈະກຳອື່ນໆ. ທັງນີ້, ກໍ່ເພື່ອເປັນການໃຫ້ກຳລັງໃຈ ຕໍ່ບັນດາຜູ້ທີ່ພິການທາງສາຍຕາຕື່ມອີກ. ພ້ອມນີ້, ຍັງໄປທັດສະນະສຶກສາ ຮ່ວມກັນ ຢູ່ທີ່ແຫລ່ງທ່ອງທ່ຽວ ສວນພຶກສາ ເພື່ອ​ໃຫ້​ນ້ອງນັກຮຽນ ​ໄດ້​ຮຽນ​ຮູ້​ນອກ​ໂຮງຮຽນ ​ກ່ຽວ​ກັບ​ທໍາ​ມະ​ຊາດ ​ແລະ ການ​ປົກ​ປັກ​ຮັກສາ​ສິ່ງ​ແວດ​ລ້ອມ ສ້າງຄວາມສາມັກຄີ​ຮັກແພງ ເຊິ່ງກັນ ແລະ ກັນຫລາຍຂຶ້ນ

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)