GMT+7 23/04/2018 10:52

ເປີດແລ້ວ ຮ້ານອາຫານວິນລາໂອເປຣາ ທີ່ວຽງຈັນ

 

 

ຮ້ານອາຫານ ວິນ​ລາ​ໂອ​ເປຣາ (Villa Opera) ເປີດໃຫ້ບໍລິການແລ້ວ ຢູ່ບ້ານສີຖານເໜືອ ເມືອງສີໂຄດຕະບອງ ນະຄອນຫລວງວຽງຈັນ (ໜ້າວັດຊຽງແວ),ເຊິ່ງ ພິທີເປີດຮ້ານ ອາຫານດັ່ງກ່າວ, ຈັດຂຶ້ນ ໃນວັນທີ 27 ມີນາ 2018, ໂດຍການເຂົ້າຮ່ວມ ຂອງ ທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກໍາ ແລະ ການຄ້າ.

ທ່ານ ປີ່ໂນ້ ເປຣູດຊີ້ ເຈົ້າຂອງຮ້ານ ດັ່ງກ່າວ, ເປີດເຜີຍໃຫ້ຮູ້ວ່າ: ຮ້ານອາຫານ ອີຕາລີ “Villa Opera” ເປັນຮ້ານທີ່ມີ ຄວາມທັນສະໄໝ, ສວຍງາມ, ປະກອບມີໂຊນຫ້ອງ ອາຫານໃຫຍ່, ຫ້ອງວີໄອພີ, ໂຊນທາງນອກ ແລະ ໂຊນບາ, ເປີດໃຫ້ບໍລິການ ແຕ່ວັນຈັນ-ອາທິດ ເລີ່ມແຕ່ 11:00-14:00 ໂມງ ແລະ ເວລາ 18:00-22:00 ໂມງ, ອາຫານພາຍໃນຮ້ານ ເປັນອາຫານ ອີຕາລຽນແທ້ໆແລະ ມີເຄື່ອງດື່ມຫລາກຫລາຍ ລາຍການ ໄວ້ຄອຍໃຫ້ບໍລິການແກ່ລູກຄ້າ. 

ທ່ານ ປີ່ໂນ້ ເປຣູດຊີ້ ຍັງໃຫ້ຮູ້ຕື່ມວ່າ: ວັດຖຸດີບທີ່ນຳມາປຸງແຕ່ງ ເຊັ່ນ: ຊີ້ນ, ປາ, ໄຂ່ປາຄາເວຍ, ຫອຍ ແລະ ອື່ນໆ ແມ່ນໄດ້ນຳເຂົ້າ ຈາກຕ່າງປະເທດ ເພື່ອເຮັດໃຫ້ຄົນລາວ ໄດ້ມີໂອກາດ ຊີມລົດຊາດ ທີ່ເປັນເອກະລັກ ຂອງຊາວອີຕາລີ. ແຕ່ກ່ອນ ຮ້ານ​ອາຫານ​ດັ່ງກ່າວ, ຕັ້ງຢູ່ເຂດນໍ້າພຸ ແລະ ເປີດໃຫ້ບໍລິການ ມາເປັນເວລາ 25 ປີແລ້ວ.

 

 

ຂໍ້ມູນຈາກ: ສຳນັກຂ່າວສານປະເທດລາວ

 

ຄວາມຄິດເຫັນຂອງຜູ້ອ່ານ (0)