GMT+7 23/04/2018 10:50

ເປີດຢ່າງເປັນທາງການຂອງບໍລິສັດ ທີເຄໄອ ປະກັນໄພ

 

 

ບໍລິສັດ ທີເຄໄອ ປະກັນຊີ ວິດ ຈຳກັດ ແລະ ບໍລິສັດ ທີເຄ ໄອ ປະກັນໄພທົ່ວໄປ ຈຳກັດ ໄດ້ຈັດພິທີເປີດຢ່າງເປັນທາງ ການຂຶ້ນໃນວັນທີ 16 ມີນາ ຜ່ານມານີ້ ທີ່ໂຮງແຮມແລນ ມາກ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ນາງ ປານີ ຢາທໍ່ຕູ້ ກຳມະການ ກົມການເມືອງສູນການພັກ, ປະທານ ສະພາແຫ່ງຊາດ, ທ່ານ ສອນທະນູ ທຳມະວົງ ກຳມະການສູນກາງພັກ, ປະທານສະຖາບັນຄົ້ນຄວ້າວິທະ ຍາສາດສັງຄົມແຫ່ງສາດ, ບັນ ດາຫົວໜ້າກົມ, ຮອງກົມ, ຫົວ ໜ້າພະແນກ, ຮອງພະແນກ ແລະ ພ້ອມດ້ວຍບັນດາພາກ ສ່ວນກ່ຽວຂ້ອງເຂົ້າຮ່ວມ.

ໃນໂອກາດດັ່ງກ່າວມີ ທ່ານ ນາງ ສີພອນຄຳ ດວງດາ ລາ ປະທານສະພາບໍລິຫານບໍ ລິສັດ ທີເຄໄອ ປະກັນຊີວິດ ແລະ ທີເຄໄອ ປະກັນທົ່ວໄປ ຈຳກັດ ຂຶ້ນກ່າວລາຍງານເປີດ ໂຕຢ່າງເປັນທາງການວ່າ: ດັ່ງ ທ່ີຮູ້ແລ້ວວ່າ: ການປະກັນໄພ ແມ່ນໄດ້ເກີດຂຶ້ນດົນນານແລ້ວ ໃນສັງຄົມໂລກ ແລະ ມີຄວາມ ສຳຄັນຫຼາຍບໍ່ວ່າຈະມີຄວາມ ສຳຄັນໃຫ້ແກ່ຜູ້ຊື້ປະກັນ, ບໍລິສັດ ປະກັນໄພ ແລະ ຜູ້ທີ່ຈະ ໄດ້ຮັບຜົນປະໂຫຍດຈາກສັນ ຍາປະກັນໄພແລ້ວ ການປະ ກັນໄພຍັງມີຜົນປະໂຫຍດຢ່າງ ຫຼວງຫຼາຍໃຫ້ແກ່ເສດຖະກິດ ຂອງຊາດໂດຍສ່ວນລວມ, ການປະກັນໄພແມ່ນຈະຊ່ວຍ ແບ່ງເບົາຄວາມເສຍຫາຍທີ່ ເກີດຂຶ້ນແກ່ສັງຄົມ ຫຼື ກິດຈະ ການຕ່າງໆຂອງຜູ້ປະກອບການໂດຍການແບ່ງເບົາພາລະໄປ ຄົນລະເລັກລະໜ້ອຍ ຈາກບຸກ ຄົນຈຳນວນຫຼາຍແທນທີ່ຈະ ປ່ອຍໃຫ້ຄວາມເສຍຫາຍຕົກ ຢູ່່ຜູ້ທີ່ຖືກເຄາະຮ້າຍພຽງຜູ້ດຽວ ທີ່ປະສົບໄພດັ່ງກ່າວແຕ່ປະກັນໄພຈະຊ່ວຍຜູ້ທີ່ ຖືກເຄາະ ຮ້າຍ ຫຼື ຜູ້ທີ່ຊື້ປະກັນ ໄດ້ມີ ຊັບສິນຈຳນວນໜຶ່ງເພື່ອປະ ກອບອາຊີບຕໍ່ໄປໄດ້ອີກ ຍິງໄປ ກວ່ານີ້ ການປະກັນໄພ ຍັງ ຊ່ວຍເຮັດໃຫ້ການປະກອບທຸ ລະກິດມີຄວາມໝັ້ນຄົງຊ່ວຍ ພັດທະນາເສດຖະກິດ - ສັງ ຄົມຂອງຊາດ ແລະ ຍົກລະດັບ ຊີວິດການເປັນຢູ່ຂອງປະຊາ ຊົນບັນດາເຜົ່າໃຫ້ດີຂຶ້ນ. ບໍລິສັດ ທີເຄໄອ ປະກັນຊີ ວິດຈຳກັດ ເປັນບໍລິສັດປະກັນ ຊີວິດທີ່ເລີ່ມປະກອບທຸລະກິດ ຢ່າງເປັນທາງການໃນເດືອນຕຸ ລາປີ 2017 ຊຶ່ງມີທຶນຈົດທະ ບຽນທັງໝົດ 16 ຕື້ກີບ ຫຼື ປະ ມານ 2 ລ້ານໂດລາ ປະກອບ ທຸລະກິດຫຼັກຄື: ໃຫ້ບໍລິການ ດ້ານປະກັນຊີວິດປະເພດຕ່າງໆ ເຊັ່ນ: ປະກັນຊີວິດແບບສາມັນ, ປະກັນຊີວິດແບບກຸ່ມ ແລະ ປະກັນອຸບັດເຫດ ບໍລິສັດມີ ຄວາມມຸ່ງໝັ້ນທີ່ຈະເປັນບໍລິ ສັດປະກັນຊີວິດຊັ້ນນຳທີ່ມີມາດ ຕະຖານສາກົນ ແລະ ເນັ້ນການ ໃຫ້ບໍລິການຕ່າງໆ ເພື່ອຕອບ ສະໜອງຄວາມຕ້ອງການຂອງ ລູກຄ້າ, ຕົວແທນ ແລະ ພະນັກງານດ້ວຍຄວາມຊື່ສັດ. ນອກຈາກນີ້ ບໍລິສັດຍັງໃຫ້ ຄວາມສຳຄັນກັບກິດຈະກຳທີ່ ສ້າງປະໂຫຍດຕອບແທນສັງ ຄົມ ເພື່ອທຸລະກິດທີ່ຍືນຍົງ.

ສຳລັບບໍລິສັດ ທີເຄໄອ ປະກັນໄພທົ່ວໄປ ຈຳກັດ ໄດ້ ເລີ່ມຕົ້ນປະກອບທຸລະກິດຢ່າງ ເປັນທາງການໃນເດືອນຕຸລາ 2017 ຊຶ່ງມີທຶນຈົດທະບຽນທັງ ໝົດ 16 ຕື້ກີບ ຫຼື ປະມານ 2 ລ້ານໂດລາ, ໃຫ້ບໍລິການຮັບ ປະກັນໄພສຳລັບກຸ່ມທຸລະກິດ ອົງກອນ ຫຼື ກຸ່ມລູກຄ້າລາຍ ຍ່ອຍ ໃນຫຼາກຫຼາຍຮູບແບບ ປະກັນໄພເຊັ່ນວ່າ: ປະກັນໄພ ຍານພາຫະນະ, ປະກັນໄພອຸ ບັດເຫດສ່ວນບຸກຄົນ, ປະກັນ ອັກຄີໄພ ແລະ ປະກັນໄພຂົນ ສົ່ງທົ່ວໄປ.

 

 

ຂໍ້ມູນຈາກ: ຫນັງສືພິມປະຊາຊົນ

ຄວາມຄິດເຫັນຂອງຜູ້ອ່ານ (0)