GMT+7 21/05/2018 02:26

ເປີດແລ້ວ ຮ້ານຄາມູທີ ແລະ ຮ໋ອກໄກໂດລາວ ທີ່ວຽງຈັນ

 

 

​ກຸ່ມ​ບໍລິສັດ PLRC ​ໄດ້ຈັດ​ງານ​ເປີດ​ຮ້ານ ​ຄາມູທີ ​ແລະ ຮ໋ອກ​ໄກ​ໂດ​ລາວ ຢ່າງ​ເປັນ​ທາງ​ການ ​ໃນ​ທ້າຍ​ອາທິດ ​ທີ່​ຜ່ານ​ມາ ທີ່​ເດີນ​ດ້ານໜ້າສູນ​ການຄ້າ ວຽງຈັນ​ເຊັນ​ເຕີ ​ເຊິ່ງ​ຮ້ານ​ດັ່ງກ່າວ ​ເປັນຮ້ານ​ທີ່​ນຳ​ເຂົ້າ​ ມາ​ຈາກ ປະ​ເທດ​ຍີ່ປຸ່ນ ​ມີປະ​ເພດ​ເຄື່ອງ​ດື່ມ ​ແລະ ​ເຂົ້າໜົມ ​ເຊັ່ນ: ຊາ​ໄຂມຸກ, ຊາ​ນົມ, ​ເຂົ້າໜົມ, ກະ​ແລັມ ​ແລະ ອື່ນໆ.

ທ່ານ ຈັນ​ທະ​ວົງ ພະ​ມີ​ສິດ ປະທານ​ ກຸ່ມ​ບໍລິສັດ PLRC ​ເຜີຍ​ໃຫ້​ຮູ້​ວ່າ: ບໍລິສັດ ​ໄດ້​ນຳ​ເຂົ້າ​ຊາ​ໄຂມຸກ, ຊາ​ນົມ, ​ເຂົ້າໜົມ ​ແລະ ກະ​ແລັມ ຈາກ​ປະ​ເທດ​ຍີ່ປຸ່ນ​ ມາ​ວາງ​ຈຳ ໜ່າຍ ທີ່​ ສປປ ລາວ ​ເພື່ອ​ໃຫ້​ປະຊາຊົນ​ລາວ  ​ໄດ້​ບໍລິ​ໂພ​ກ ສິນຄ້າ ​ແລະ ການ​ບໍລິການ ທີ່​ມີ​ຄຸນ​ນະພາ​ບ ທັງ​ສ້າງ​ ວຽກ​ເຮັດ​ງານ​ທຳ ​ໃຫ້​ກັບ​ຊາວໜຸ່ມ. ສ່ວນ ໃນ​ຕໍ່ໜ້າອາດຈະ​ຂະຫຍາຍ​ສາຂາ ອອກ​ໄປ​ຕາມ​​ຕ່າງໆ ພ້ອມ​ນີ້, ຍັງຈະ​ສືບ​ຕໍ່ ນຳ​ເອົາ​ຜະລິດ​ຕະພັນທີ່ດີ ​ແລະ ​ມີ​ຄຸນ​ນະພາ​ບ ຫລາຍ​ຢ່າງ​ ເຂົ້າ​ມາ ສປປ ລາວ ​ເພື່ອ​ໃຫ້​ຄົນ​ລາວ​​ໄດ້​ຊີມ ​ແລະ ຊື້​ສິນຄ້າ​ຢ່າງ​ທົ່ວ​ເຖິງ.

ພິ​ເສດ​ ໃນ​ໄລຍະ​ເປີດ​ຮ້ານ​ໃໝ່ ​ເມື່ອ​ລູກ​ຄ້າ​ຊື້​ສິນຄ້າ​ ໃນ​ຮ້ານຮ໋ອກ​ໄກ​ໂດ​ລາວ ຄົບ 50.000 ກີບ ສາມາດ ​ຮັບ​ກະ​ແລັມ ຮ໋ອກ​ໄກ​ໂດ 1 ຈອກ, ​ຊື້​ສິນຄ້າ ​ຄົບ 200.000 ກີບ ຮັບ​ທັນທີ​ກະ​ເປົາ ​​ເກັບ​ຄວາມ​ເຢັນ ​ນັບ​ແຕ່​ມື້ເປີດ​ຮ້ານ ຈົນ​ຮອດ 15 ມີນາ​ 2018 ນີ້.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)