GMT+7 22/02/2018 09:45

ນ້ອງໃໝ່ ມາສເຕີ 7 ຄວ້າ ອະດີດນັກເຕະດາວຮຸ່ງດີເດັ່ນຂອງ ເອເອັຟເອັຟ 2012 ຮ່ວມທີມ

 

ມາສເຕີ 7 ນ້ອງໃໝ່ ພຣີເມຍລີກ 2018 ເອົາໃຈແຟນບານ ແລະ ສ້າງສີສັນໃຫ້ກັບວົງການບານເຕະລາວ ດ້ວຍການຄວ້າ ແກ້ວວຽງເພັດ ລິດທິເດດ ເຈົ້າຂອງລາງວັນນັກເຕະດາວຮຸ່ງດີເດັ່ນ ໃນລາຍການ ເອເອັຟເອັຟ ຊຸຊຸກິ ຄັບ 2012 ຮ່ວມທີມສູ້ລາວພຣີເມຍລີກ 2018.

ສໍາລັບ ແກ້ວວຽງເພັດ ກາຍເປັນທີ່ຮູ້ຈັກຢ່າງແຜ່ຫຼາຍ ດ້ວຍການຄວ້າລາງວັນ " ນັກເຕະດາວຮຸ່ງດີເດັ່ນ " ໃນປີ 2012 ໃນລາຍການ AFF Suzuki Cup.

ສ່ວນທີ່ຜ່ານມາຍັງໄດ້ສ້າງຜົນງານຢ່າງຫຼວງຫຼາຍກັບສະໂມສອນ ແລະ ທີມຊາດເຊັ່ນ:
- ເຄີຍເຂົ້າຮ່ວມທີມຊາດຕັ້ງແຕ່ລຸ້ນອາຍຸ 13 ປີ ຈົນເຖີງ ທີມຊາດຊຸດໃຫຍ່.
- ໃນປີ 2012-2015 ທ້າແຂ່ງໃນສະໂມສອນ ເອສຣາ ໃນລາຍການລາວພຣີເມຍລີກ.
- ໃນປີ 2016 ເຂົ້າຮ່ວມທ້າແຂ່ງໃນສະໂມສອນ ລ້ານຊ້າງ ຢູໄນເຕັດ ເຊີ່ງເປັນທີມແຊັມໃນ ລາວພຣີເມຍລີກ ອີກດ້ວຍ.
- ແລະຍັງມີສະໂມສອນອື່ນໆອີກເຊັ່ນ: SHB FC, Vientiane UTD...

ສໍາລັບ ນັດທຳອິດຂອງສະໂມສອນ ມາສເຕີ ເຊເວັ້ນ ແມ່ນຈະພົບກັບ ສະໂມສອນ ຊ້າງນ້ອຍ ທີ່ສະໜາມ ມະຫາວິທະຍາໄລແຫ່ງຊາດ ( ມຊ ) ໃນວັນທີ່ 25/2/2018 ເວລາ 17:00 ໂມງ.

 

 

ຂໍ້ມູນມາຈາກ : laosupdate

ຄວາມຄິດເຫັນຂອງຜູ້ອ່ານ (0)