GMT+7 21/05/2018 06:20

ເມສັນ ຈໍາຕ້ອງເລີກເຕະບານຈາກເຫດການ 13 ເດືອນກ່ອນ ປະທະກັບ ເຄຮິລ ຈົນຫົວແຕກ

 

ຖືເປັນເຫດການເສົ້າທີ່ຫຼາຍຄົນບໍ່ຢາກໃຫ້ເກີດ ເມື່ອ ໄຣອັນ ເມສັນ ກອງກາງຂອງ ຮັລ ຊິຕີ້ ທີມໃນ ເດິແຊັມປ້ຽນຊິບ ອັງກິດ ປະກາດເລີກເປັນນັກເຕະອາຊີບ ຢ່າງເປັນທາງການດ້ວຍອາຍຸພຽງ 26 ປີເທົ່ານັ້ນ ເມື່ອວັນທີ 13 ກຸມພາ ທີ່ຜ່ານມາ ຫຼັງບາດເຈັບຢ່າງຮຸນແຮງທີ່ຫົວ.

ເມສັນ ປະທະກັບ ແກຣີ ເຄຮິລ ກອງຫຼັງຂອງ ເຊລຊີ ໃນການແຂ່ງຂັນ ພຣີເມຍລີກ ອັງກິດ ເມື່ອວັນທີ 22 ມັງກອນ 2017 ຈົນເຮັດໃຫ້ບາດໜັກຈົນເຖິງຂັ້ນຫົວມີຮອຍແຕກ ຈົນຕ້ອງເຂົ້າຮັບການຜ່າຕັດ ແລະ ພັກຮັກສາຕົວ ກ່ອນທີ່ໝໍຈະແນະນໍາໃຫ້ລົ້ມເລີກຄວາມຄິດທີ່ຈະກັບໄປເປັນນັກເຕະອີກ ເພາະອາດເປັນອັນຕະລາຍເຖິງຊີວິດໄດ້.

 

 

ເມສັນ ເປີດເຜີຍວ່າ: “ ຂ້ອຍຂໍຢືນຢັນຫຼັງຈາກປຶກສາກັບໝໍຜູ້ຊຽວຊານແລ້ວວ່າ ຂ້ອຍຕ້ອງອໍາລາການເປັນນັກເຕະອາຊີບ ແລະ ຂ້ອຍເຮັດວຽກຢ່າງໜັກ ເພື່ອຫວັງກັບມາລົງສະໜາມໃຫ້ໄດ້ອີກຄັ້ງ, ແຕ່ເຄາະຮ່າຍທີ່ທີມໝໍແນະນໍາວ່າ ຂ້ອຍບໍ່ມີທາງເລຶອກນອກຈາກຈະເລີກຫຼິ້ນເທົ່ານັ້ນ ເນື່ອງຈາກຄວາມສ່ຽງຕໍ່ການບາດເຈັບ, ເຊິ່ງຕ້ອງຂໍຂອບໃຈທຸກຄົນໃຫ້ຊ່ວຍເຫຼືອ ແລະ ໃຫ້ກໍາລັງໃຈມາຕະຫຼອດ ”.

 

 

ຂໍ້ມູນມາຈາກ : laosupdate

ຄວາມຄິດເຫັນຂອງຜູ້ອ່ານ (0)