GMT+7 24/02/2018 07:21

ເຄື່ອງປິ້ນຮູບພາບຈາກມືຖື ໂດຍທີ່ບໍ່ໃຊ້ໄຟຟ້າ

 

 

ຮ້ານຂາຍກ້ອງຖ່າຍຮູບ ແລະ ການຂາຍຟິມອັດຮູບສະໃໝນີ້ ອາດຈະປະສົບບັນຫາທາງທຸລະກິດໄດ້ງ່າຍໆເພາະຍຸກສະໃໝນີ້ອັນໃດກໍ່ເປັນ Digital ໄປເບີດແລ້ວແມ່ນບໍ່? ການເກັບຮູບພາບຫຼາຍສະໃໝນີ້ຫາກບໍ່ເກັບໄວ້ໃນ PC ກໍ່ຈະເກັບເຂົ້າສູ່ລະບົບ Cloud ເຮັດໃຫ້ເອີ້ນໄດ້ວ່າ ນີ້ກໍ່ຄືເປັນຈຸດຈົບຂອງຮ້ານອັດຮູບກັນເລີຍ… ແຕ່ດ້ວຍຄວາມຄຣາດສິກຂອງຮູບຖ່າຍຍຸກດັ່ງກ່າວນັ້ນ ເຮັດໃຫ້ຫຼາຍປະເທດໃນໂລກເລີ່ມຫັນມາສົນໃຈການອັດຮູບດ້ວຍ instant photo printer ຫຼື ເຄື່ອງພິມຮູພາບແບບເລັ່ງດ່ວນທີ່ທ່ານອາດຈະສາມາດພົກພາໄປໃສມາໃສໄດ້ ແລະ ສາມາດຫາຊື້ໄດ້ໃນລາຄາທີ່ບໍ່ແພງໄດ້ ແຕ່ມືນີ້ anngle.org/th ເຊິ່ງທາງເຮົາຈະພາໄປເບິ່ງເຄື່ອງພິມທາງຮູບພາບແບບເລັ່ງດ່ວນຈາກໂທລະສັບມືຖືສັນຊາດຍີ່ປຸ່ນ ທີ່ບອກໄດ້ວ່າ “ມັນພົກພາໄປໄດ້” ແລະ ບໍ່ຕ້ອງໃຊ້ໄຟຟ້າ

ອຸບປະກອນແບບນີ້ມີຊື່ເອີ້ນວ່າ Printoss ອອກແບບໂດຍບໍລິສັດຂອງຫຼິ້ນຊື່ດັງ "Takara Tomy" ເພື່ອການພິມຮູບຖ່າຍຈາກສະມາດໂຟນໂດຍກົງ ໂດຍທີ່ບໍ່ຕ້ອງໃຊ້ໄຟຟ້າເລີຍເພາະພວກເຂົາໃຊ້ຫຼັກການດຽວກັບການຖ່າຍຮູບແບບ ໂພລາດອຍ (polaroid) ເຮັດໃຫ້  Printoss ໄດ້ຮັບລາງວັນເປັນຂອງຫຼິ້ນສັນຊາດຍີ່ປຸ່ນທີ່ຂາຍດີທີ່ສຸດ ໃນປີ 2017 ແລະ ກາຍເປັນສິນຄ້າ Besstseller ໃນໝວດ Photo Printer ຂອງ Amazon ໃນຍີ່ປຸ່ນເປັນທີ່ຮຽບຮ້ອຍແລ້ວ

 

 

ໝາຍເຫດ: Printoss ບໍ່ໄດ້ແຖມຟິມມາໃຫ້ ດັ່ງນັ້ນເຮົາຕ້ອງໄດ້ສັ່ງຟິມແຍກມາພອມ

 

 

ຟິມພ້ອມ ມືຖືພ້ອມ Printoss ພ້ອມ ເຮົາກໍ່ມາເບິ່ງກັນເລີຍ

 

 

ອັນດັບທໍາອິດໃສ່ຟິມລົງໄປໃນດ້ານຫຼັງຂອງ Printoss ຈົກວ່າຈະໄດ້ຍິນສຽງ “ ຄຣິກ ”

 

 

ຫຼັງຈາກນັ້ນກໍ່ໝຸນລານໂຕນີ້ຈັກສອງຮອບ ເພື່ອເຮັດໃຫ້ຖອດຝາປິດຂອງຟິມທີ່ເຮົາໃສ່ເຂົ້າໄປໃຫ້ຫຼຸດອອກມາເທົ່ານີ້ Printoss ກໍ່ພ້ອມເຮັດວຽກແລ້ວ

 

 

ເຮົາມາເລີ່ມອັດຮູບກັນເລີຍ ເປີດກອບພາດສະຕິກອອກ ແລະ ເອົາກອບພາດສະຕິກສີຂາວອອກມາກ່ອນ ຕາມຮູບພາບນີເລີຍ

 

 

ຈາກນັ້ນກໍ່ລອກແຜ່ນພາດສະຕິກໃສ່ບ່ອນນອກອອກມາເລີຍ

 

 

ຕາມຄູ່ມືແນະນໍາ ເຮົາຄວນປັບແສງມືຖືຂອງເຮົາຢູ່ທີ່ປະມານ 80%

 

 

ຈາກນັ້ນກໍ່ເລືອກຮູບທີ່ເຮົາຈະພິມ ແລະ ແປະກອບພາດສະຕິກນີ້ລົງໄປທີ່ສະມາສໂຟນຂອງເຮົາ ໂດຍກະຕໍາແໜ່ງໃຫ້ດີ

 

 

ຈາກນັ້ນກໍ່ເອົາສະມາດໂຟນຂອງເຮົາຕັ້ງຂວົ້ມໜ້າລົງ ດັ່ງຮູບພາບນີ້ເລີຍ

 

 

ກົດປຸ່ມຊັດເຕີນ້ອຍໆນີ້ເລີຍ “ ຄຣິກ ”

 

 

ໃນທີ່ສຸດ ຮູພາບຂອງເຮົາກໍ່ອອກມາແລ້ວ

 

 

ນີ້ຄືຮູບພາບທີ່ອັດມາຈາກ Iphone7 plus ອັດຕາສ່ວນຂອງພາບກໍ່ຈະອອກມາຕາມລັກສະນະນີ້ເລີຍ

 

 

ຈະເຫັນໄດ້ວ່າ ສີອາດຈະບໍ່ໄດ້ຄົມຊັດຄືກັບພາບຕົ້ນສະບັບ 100% ນີ້ລະຄືກິ່ນອາຍຂອງໂພລາຣອຍດ໌

 

 

ຂໍແນະນໍາສຸດທ້າຍ ເວລາກົດຊັດເຕີ ກໍ່ຕ້ອງລະວັງບໍ່ໃຫ້ໂທລະສັບເຄື່ອນເໜັງ ບໍ່ດັ່ງນັ້ນຈະເຮັດໃຫ້ຮູບພາບບໍ່ຊັດເຈນ ແລະ ເສຍຟິມໄປລ້າໆໄດ້ ແຕ່ແວ່ນນ້ອຍໆເຫັນນັ້ນມີໄວ້ເພື່ອໃຫ້ເບິ່ງວ່າ ສະມາດໂຟນຂອງເຮົາໜ້າຈໍຍັງຕິດຢູ່ ຫຼື ບໍ່

 

 

 

ຂໍຂອບໃຈຂໍ້ມູນຈາກ: kapook.com

 

 

ຄວາມຄິດເຫັນຂອງຜູ້ອ່ານ (0)