GMT+7 24/02/2018 07:18

ກະຊວງການເງິນ ຕິດຕາມການສຳຫລວດ ຫົວໜ່ວຍທຸລະກິດ 4 ເມືອງໃນ

 

 

ທ້າຍອາທິດຜ່ານມາ, ຄະນະນຳກະຊວງການເງິນ ນຳ​ໂດຍ​ທ່ານ ພູທະນູເພັດ ໄຊສົມບັດ ຫົວໜ້າກົມສ່ວຍສາອາກອນ ແລະ ທ່ານ ບຸນເຫລືອ ສິນໄຊວໍຣະວົງ ຫົວໜ້າກົມນະໂຍບາຍ ການເງິນ ແລະ ນິຕິກຳກະຊວງການເງິນ ໄດ້ລົງເຄື່ຶອນໄຫວ ຕິດຕາມຄວາມຄືບໜ້າ ການເດີນສຳຫລວດບັນດາ ຫົວໜ່ວຍທຸລະກິດ 4 ເມືອງ ນະຄອນຫລວວຽງຈັນ ຄື: ເມືອງຈັນທະບູລີ, ເມືອງ ສີສັດຕະນາກ, ເມືອງສີໂຄດຕະບອງ ແລະ ເມືອງໄຊເສດຖາ ​ເຊິ່ງການ​ລົງ​ຕິດຕາມ​ໃນ​ຄັ້ງ ​ໄດ້​ເລີ່​ມຈາກ​ເມືອງ​ຈັນທະ​ບູລີ ເພື່ອຮັບ​ຊາບ​ເຖິງຄວາມຖືກຕ້ອງຊັດເຈນ ແລະ ຄົບຖ້ວນ ຂອງໜ່ວຍປະຕິບັດງານ ຢູ່ພາກສະໜາມ.


ທ່ານນາງ ຖະໜອມຈິດ ບໍລະວົງ ຕາງໜ້າສູນສະຖິຕິ ເມືອງຈັນທະບູລີ ໄດ້ລາຍງານໃຫ້ຮູ້ ວ່າ: ການເດີນສຳຫລວດໃນຄັ້ງນີ້, ແມ່ນໄດ້ຮັບການຮ່ວມມື ຈາກບັນດາຫົວໜ່ວຍທຸລະກິດ ​ແລະ ອຳ​ນາດ​ການ​ປົກຄອງບ້ານ ​ເຊິ່ງຕິດຕາມຢ່າງໃກ້ຊິດ ແລະ ໄດ້ນຳໃຊ້ອຸປະກອນ ທີ່ທັນສະໄໝເຂົ້າໃນ ການຕິດຕັ້ງຂອງຮ້ານ(GPS) ແລະ ບັນທຶກຂໍ້ມູນລະອຽດຂອງຮ້ານ. ສະເພາະເມືອງ ຈັນທະບູລີ ໄດ້ເລີ່ມການ ສຳຫລວດ  ມາແຕ່ວັນທີ 5 ກຸມພາ 2018 ມີທັງໝົດ 30 ບ້ານ ແລະ ໄດ້ສຳເລັດເບື້ອງຕົ້ນ 3 ບ້ານຄື: ບ້ານໜອງປີງ ມີທັງໝົດ 71 ຫົວໜ່ວຍ, ບ້ານບໍ່ນາງົວ 45 ຫົວໜ່ວຍ ແລະ ບ້ານ ຫ້ວຍຫົງ 200 ກວ່າຫົວ ໜ່ວຍ, ສ່ວນບັນດາບ້ານຕ່າງໆ ພາຍໃນເມືອງຈັນທະບູລີຄາດວ່າ ຈະໃຫ້ ສໍາເລັດພາຍ ໃນວັນທີ 10 ມີນາ 2018. ປັດຈຸບັນ ຄະນະ​ນຳ​ກະຊວງ​ການ​ເງິນ ຍັງ​ສືບຕໍ່ຕິດຕາມ​ການຈັດ​ຕັ້ງ​ປະຕິບັດ​ ໂຄງການ​ນີ້​ໃຫ້​ສຳ​ເລັດ​ໂດຍ​ໄວ.


ການ​ເດີນ​ສຳ​ຫລວດ​ຄັ້ງ ​ເປັນ​ການຕິດຕາມການເພີ່ມຂຶ້ນ ຫລຸດລົງຂອງຫົວໜ່ວຍທຸລະກິດ ແລະ ບັນຫາອື່ນໆ ເຊິ່ງ​ໂຄງການ​ດັ່ງກ່າວ, ເປັນໂຄງການສໍາຫລວດ ເກັບກຳຂໍ້ມູນທີ່ສໍາຄັນ ແລະ ຖືເປັນໂຄງການ ໂຕແບບ ຂອງລັດຖະບານ ໃນການເພີ່ມຄວາມໂປ່ງໃສ ແລະ ອັດການຮົ່ວໄຫລຂອງລາຍຮັບ, ຫັນເອົາ​ລະບົບ​ຂໍ້​ມູນຖານ​ລາຍ​ຮັບ ​ເຂົ້າສູ່ການຄຸ້ມຄອງດ້ວຍ ເຄື່ອງມື​ທັນ​ສະ​ໄໝ​ ສາມາດ​ເຊື່ອມ​ໂຍງ​ກັນ​ໄດ້​ ໃນ​ຂອບ​ເຂດ​ທົ່ວ​ປະ​ເທດ ແລະ ຫັນເອົາການຊຳລະພັນ ທະພາສີ-ອາກອນ ແລະ ຄ່າທຳນຽມຕ່າງໆຜ່ານ ລະບົບທະນາຄານ.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)