GMT+7 24/02/2018 07:14

ເອົາໃຈນັກດົນຕີ! ສາວໂບ ປະທານວຽງຈັນ ຢູໄນເຕັດ ເປີດຮັບສະໝັກນັກແຕ່ງເພງປະຈໍາທີມ

 

ຖືວ່າກະແສຍັງມາເລື້ອຍໆ ສໍາລັບ ສາວ ພິຈິກາ ບຸນກວ້າງ ( ສາວໂບ ) ທີທັງໜ້າຮັກ ແລະ ສົດໃສ່ ພາຍຫຼັງທີ່ຖືກແຕ່ງຕັ້ງໃຫ້ເປັນປະທານສະໂມສອນ ວຽງຈັນ ຢູໄນເຕັດ ເມື່ອວັນທີ 17 ມັງກອນ 2018 ເຮັດໃຫ້ລາວກາຍເປັນຍິງຄົນທໍາອິດ ທີ່ກ້າວຂຶ້ນມາເປັນປະທານສະໂມສອນບານເຕະໃນ ສປປ ລາວ ກໍ່ວ່າໄດ້.

ເຖິງວ່າທີມຈະບໍ່ໄດ້ສົ່ງເຂົ້າຮ່ວມ ລາວພຣີເມຍລີກ 2018, ແຕ່ສາວໂບ ກໍ່ພະຍາຍາມພັດທະນາທີມຢູ່ສະເໝີ ເພື່ອກຽມພ້ອມຮ່ວມລາຍການ ສາຍ ກ ໃນໄລຍະທ້າຍປີນີ້ ລວມເຖິງການກຽມພ້ອມເຂົ້າຮ່ວມການແຂ່ງຂັນລາຍການອື່ນໆ.

ຫຼ້າສຸດ ສາວ ໂບ ໂພສຜ່ານເຟສບຸກຂອງຕົວເອງວ່າ: ໃຜສົນໃຈແຕ່ງເພງ Vientiane United ເພື່ອຊີງເງິນລາງວັນ 2.000.000 ກີບ ແລະ ເປັນສ່ວນໜຶ່ງຂອງ ວຽງຈັນ ຢູໄນເຕັດ, ໂດຍລາວ ຄອມເໝັ້ນວ່າ ເນືອໃນຂອງໃຫ້ມີລັກສະນະໃຫ້ກໍາລັງໃຈ, ປຸກໄຟຮຶກເຫີມຂອງກອງເຊຍ ແລະ ນັກກິລາ.

ສໍາລັບ ພິຕິກາ ບຸນກ້າງ ມີສ່ວນສຳຄັນນຳພາ ສະໂມສອນຈາກລາວລົງແຂ່ງຂັນ ແລະ ອຸ່ນເຄື່ອງຢູ່ຕ່າງປະເທດຫຼາຍລາຍການເຊັ່ນ: ນຳພາ ສະໂມສອນ ດີເຄ ເອັຟຊີ ເຂົ້າຮ່ວມແຂ່ງຂັນທີ່ ສປ ຈີນ, ພາ U-14 ອຸ່ນເຄື່ອງພົບກັບ ເມືອງທອງຢູໄນເຕັດ, ນະຄອນລາດສະສີມາ F.C ແລະ ຍັງມີສ່ວນສຳຄັນໃນການຈັດງານ ອອລສະຕາ ເພື່ອບໍລິຈາກຊ່ວຍເຫຼືອ ຜູ້ປະສົບໄພນ້ຳຖ້ວມ.

 

 

ຂໍ້ມູນມາຈາກ : laosupdate

 

ຄວາມຄິດເຫັນຂອງຜູ້ອ່ານ (0)