GMT+7 21/05/2018 06:33

ໂຣນັລໂດ ຊຶມເມື່ອ ເມສຊີ ຍອມຮັບເປັນໄປໄດ້ຍາກທີ່ຈະເປັນເປັນໝູ່ກັນ

 

ອາດເນື່ອງຈາກເປັນຄູ່ແຂ່ງຄົນສໍາຄັນ ແລະ ເບີ 1 ຂອງໂລກ ເຮັດໃຫ້ ລິໂອເນລ ເມສຊີ ກອງໜ້າຂອງ ບາເຊໂລນາ ທີມໃນລາລີກາ ສະເປນ ຍອມຮັບວ່າ ຕົວເອງຄົງບໍ່ສາມາດເປັນເພື່ອນກັບ ຄຣິສເຕຍໂນ ໂຣນັລໂດ ດາວຍິງຂອງ ຣີລ ມາດຣິດ.

ເມສຊີ ກັບ ໂຣນັລໂດ ເປັນຄູ່ແຂ່ງໃນວົງການບານເຕະມາດົນກວ່າ 10 ປີ ໂດຍທັງສອງປະສົບຜົນສໍາເລັດໃນລະດັບສະໂມສອນ ແລະ ຄວ້າລາງວັນໃນລະດັບສ່ວນຕົວຢ່າງຫຼວງຫຼາຍ ໂດຍສະເພາະລາງວັນເກີບຄໍາ (ບັນລົງ ດໍ) ທີ່ທັງສອງຄວ້າມາໄດ້ຜູ້ລະ 5 ສະໄໝເທົ່າກັນ.

ກ່ອນໜ້ານີ້ ໂຣນັລໂດ ເປີດເຜີຍວ່າ: “ ວັນໜຶ່ງຕົວເອງອາດຈະເປັນເພື່ອນກັບ ເມສຊີ ທັນທີທີ່ເລີກຫຼິ້ນບານເຕະ ”.

ແຕ່ຫຼ້າສຸດ ເມສຊີ ສະແດງຄວາມເຫັນທີ່ແຕກຕ່າງວ່າ: “ ຂ້ອຍບໍ່ຮູ້ວ່າພວກເຮົາຈະເປັນເພື່ອນກັນໄດ້ ຫຼື ບໍ? ໃນອະນາຄົດ, ຄວາມເປັນມິດສ້າງຂຶ້ນມາໂດຍໃຊ້ເວລາຢູ່ຮ່ວມກັນ ແລະ ໄດ້ຮູ້ກັນແລະກັນ ເພາະສ່ວນໃຫຍ່ພວກເຮົາພົບກັນຕອນປະກາດລາງວັນເທົ່ານັ້ນ ແລະ ເປັນພຽງໄລຍະເວລາດຽວ ທີ່ພວກເຮົາໄດ້ສົນທະນານໍາກັນ ”.

 

 

ຂໍ້ມູນມາຈາກ : laosupdate

ຄວາມຄິດເຫັນຂອງຜູ້ອ່ານ (0)