GMT+7 24/02/2018 06:48

ຟີລິບປິນ ເລັ່ງຊື້ເຮລິຄອັບເຕີຈາກລັດເຊຍຫລືຈີນ

 

 

ລັດຖະບານມະນິລາກຳລັງພິຈາລະນາຊື້ເຮລິຄອັບເຕີຈາກປະເທດອື່ນ ລວມເຖິງລັດເຊຍ ແລະ ຈີນ ຫລັງຍົກເລີກຂໍ້ຕົກລົງກັບແຄນນາດາທີ່ຂໍກວດສອບເຈຕະນາ ຂອງກອງທັບຟີລິບປິນໃນການໃຊ້ງານອາກາດສະຍານ

ສຳນັກຂ່າວຕ່າງປະເທດລາຍງານຈາກກຸງມະນີລາ ປະເທດຟີລິບປິນເມື່ອວັນທີ 13ກຸມພາວ່າ: ທ່ານເດລຟິນ ລໍເຣນຊານາ ລັດຖະມົນຕີກະຊວງກະລາໂຫມຂອງຟີລິບປິນ ກ່າວເມື່ອວັນຈັນວ່າ: ລັດຖະບານມະນີລາກຳລັງພິຈາລະນາຂໍ້ສະ ເຫນີຈາກບໍລິສັດຜະລິດອາວຸດຫລາຍແຫ່ງຂອງເກົາຫລີໃຕ້, ລັດເຊຍ, ຈີນ ແລະ ຕວັກກີ ຕະຫລອດຈົນອີກຫລາຍປະເທດໃນພູມມີພາກເພື່ອສັ່ງຊື້ເຮລິຄອັບເຕີຂະຫນາດກາງ ສຳລັບໃຊ້ງານພາຍໃນກອງທັບແທນທີ່ຂໍ້ຕົກລົງຈັດຊື້ ເຮລິຄອັບເຕີລຸ້ນ 412ອີພີໄອ ຈຳນວນ 16ລຳ ຈາກບໍລິສັດເບລຂອງສະຫະລັດ ທີ່ຜ່ານມາລົງນາມຮ່ວມກັບສຳນັກງານຄວາມຊ່ວຍເຫລືອການຄ້າແຄນນາດາ (ຊີຊີຊີ)

ທັງນີ້ປະທານາທິບໍດີໂຣດຣິໂກ ດູເຕີເຕ ມີຄຳສັ່ງເມື່ອອາທິດທີ່ຜ່ານມາ ຍົກເລີກຂໍ້ຕົກລົງດັ່ງກ່າວກັບແຄນນາດາທີ່ມີມູນຄ່າປະມານ 12,000ລ້ານເປໂຊ ແລະ ກ່າວວ່າການທີ່ກອງທັບຟີລິບປິນຈະນຳເຮລິຄອັບເຕີທີ່ຊື້ມາແລ້ວໄປໃຊ້ງານ ພາລະກິດໃດເປັນເລື່ອງຂອງເຂົາ ຫລັງລັດຖະບານອອກຕາວາຂໍທົບທວນຄວາມຮ່ວມມືໃນຄັ້ງນີ້ ເນື່ອງຈາກຫວັ່ນວ່າກອງທັບຟີລິບປິນຈະນຳຍົນໄປໃຊ້ໃນປະຕິບັດການປາບປາມກອງກຳລັງຕິດອາວຸດໃນພາກໃຕ້ຂອງປະເທດ ເຖິງແມ່ນ ວ່າກ່ອນຫນ້ານີ້ລັດຖະບານມະນີລາເຄີຍສັ່ງຊື້ເຮລິຄອັບເຕີເບລລຸ້ນດຽວກັນນີ້ມາແລ້ວ 6ລຳ ລາຄາລວມ 4,800ລ້ານເປໂຊ ເມື່ອປີ 2557

 

 

 

ຂໍ້ມູນຈາກ: ເດລິນິວ

ຄວາມຄິດເຫັນຂອງຜູ້ອ່ານ (0)