GMT+7 24/02/2018 06:51

ປິດສາກເທຄວັນໂດ! 3 ນັກກິລາລາວ ຄວ້າຫຼຽນທອງ ໃນລາຍການທົດສອບ ກຽມພ້ອມສູ່ ເອຊຽນເກມ

 

 ທ້າວ ສຸກທະວີ ປັນຍາສິດ, ນາງ ກິດາວອນ ພິລາວົງ 2 ນັກກິລາເທຄວັນໂດ້ທິມຊາດລາວ ປະເພດຟ້ອນປຸມເຊ ແລະ ທ້າວ ສອນໄຊ ມັງເຄືອ ນັກເທຄວັນໂດປະເພດຕໍ່ສູ້ ຄວ້າຫຼຽນທອງ ໃນລາຍການທົດສອບກຽມພ້ອມສູ່ ເອຊຽນເກມ 2018 ( The 18 th Asian Games Invitation Tournament ) ລະຫວ່າງວັນທີ 6-12 ກຸມພາ 2018 ທີ່ນະຄອນຫລວງຈາກາຕ້າ. 

ສໍາລັບ ການແຂ່ງຂັນເທຄວັນໂດ້ ເປັນຫນຶ່ງໃນ 8 ປະເພດກິລາ ທີ່ຈັດການແຂ່ງຂັນໃນລາຍການພິເສດນີ້ ໂດຍມີນັກກິລາເຂົ້າຮ່ວມ 88 ຄົນ ຈາກ 8 ປະເທດເຊັ່ນ: ລາວ, ມາເລເຊຍ, ຟິລິບປິນ, ມົງໂກລີ, ອິນເດຍ, ຮົງກົງ, ສາທາລະນະລັດເກົາຫລີ ແລະ ອິນໂດເນເຊຍເຈົ້າພາບ.

ສະຫະພັນກິລາເທຄວັນໂດ້ແຫ່ງຊາດລາວ ສົ່ງນັກກິລາເຂົ້າຮ່ວມ 6 ຄົນ (ຍິງ 1 ຄົນ) ແລະ ຄູຝຶກ 1 ທ່ານ, ແຂ່ງຂັນ 6 ລາຍການ ປະເພດຕໍ່ສູ້ຊາຍ 4 ລຸ້ນຄື: ລຸ້ນນໍ້າໜັກ 58 ກິໂລ, 63 ກິໂລ, 68 ກິໂລ ແລະ ບໍ່ເກີນ 80 ກິໂລ, ອີກ 2 ລາຍການ ເປັນປະເພດຟ້ອນ ປຸມເຊ ຊາຍດ່ຽວ ແລະ ຍິງດ່ຽວ ສາມາດຍາດໄດ້ 3 ຫຼຽນທອງ.

 

 

ຂໍ້ມູນມາຈາກ : laosupdate

 

ຄວາມຄິດເຫັນຂອງຜູ້ອ່ານ (0)