GMT+7 21/05/2018 06:22

ເລວານດອຟສະກີ້ ຍິງປະຕູໃນບ້ານທຽບເທົ່າສະຖິຕິຂອງ ໄຮເກສ ຮຽບຮ້ອຍ

 

ໂຣເບິດ ເລວານດອຟສະກີ້ ກອງໜ້າ ບາເຢິນ ມິວນິກ ສ້າງສະຖິຕິຍິງປະຕູໃນບ້ານຂອງ ບຸນເດສລີກາ ຕໍ່ເນື່ອງ ນັບຕັ້ງແຕ່ເປີດລະດູການເປັນນັດທີ 11 ຫຼັງຍິງໄດ້ໃນນັດທີ່ເອົາຊະນະ ຊາເກ້ 04 2-1 ເມື່ອວັນທີ 10 ກຸມພາ ທີ່ຜ່ານມາ.

ນັດດັ່ງກ່າວ ໂທມັສ ມຸລເລີ ຍິງໄກ ເຮັດໃຫ້ ຣາຟ ຟາໝັນ ຕ້ອງອອກແຮງປັດບານມາເຂົ້າທາງຂອງ ເລວານດອຟສະກີ້ ຍິງເຂົ້າໄປງ່າຍພຽງ 6 ນາທີທໍາອິດ, ກ່ອນທີ່ການແຂ່ງຂັນຈະຈົບລົງດ້ວຍໄຊຊະນະຂອງ ບາເຢິນ 2-1.

 


 

ເຊິ່ງປະຕູດັ່ງກ່າວເຮັດໃຫ້ ເລວານດອຟສະກີ້ ຍີງໃນການແຂ່ງຂັນບຸນເດສລີກາ ເຢຍລະມັນ ລະດູການນີ້ຄົບທັງ 11 ນັດທີ່ລົງແຂ່ງຂັນ ມີພຽງ ຈຸບ ໄຮເກສ ຜູ້ຈັດການທີມຂອງພວກເຮົາເອງ ເທົ່ານັ້ນທີ່ເຄີຍເຮັດໄດ້ ເມື່ອລະດູການ 1972 -1973 ເມື່ອຕອນທີ່ຍັງເປັນນັກເຕະໃຫ້ກັບ ໂບຣຸສເຊຍ ມືນເຊນກລັດບັກ.

ທັງນີ້, ເລວານດອຟສະກີ້ ຈະຕ້ອງລໍດົນແດ່ ເພື່ອໂອກາດທໍາລາຍສັະຖິຕິນີ້ ເນື່ອງຈາກນັດທີ່ຈະແຂ່ງຂັນໃນບ້ານນັດທີ 12 ຂອງ ບຸນເດສລີກາ ລະດູການນີ້ຂອງ ບາເຢິນ ຈະກັບມາແຂ່ງຂັນໃນວັນທີ 24 ກຸມພານີ້ ໂດຍຈະເປີດບ້ານຕ້ອນຮັບການມາຢາມຂອງ ແຮທາ ເບີລິນ.

 

 

ຂໍ້ມູນມາຈາກ : laosupdate

ຄວາມຄິດເຫັນຂອງຜູ້ອ່ານ (0)