GMT+7 21/05/2018 06:21

ສຸດແກ່ນ! ທີມບານເຕະຄົນພິການຕາລາວ ຊະນະ ທີມຊາດຍີ່ປຸ່ນ 2-1 ລາຍການອຸ່ນເຄື່ອງນາໆຊາດ

 

ທີມບານເຕະຄົນພິການຕາ ທີມຊາດລາວ ສ້າງຜົນງານໄດ້ຢ່າງໜ້າປະທັບໃຈ ລົງສະໜາມນັດທໍາອິດ ບຽດເອົາຊະນະ ທີມຊາດຍີ່ປຸ່ນ ຊຸດ B ໄປດ້ວຍຄະແນນ 2-1 ໃນການແຂ່ງຂັນບານເຕະລາຍການອຸ່ນເຄື່ອງລະດັບນາໆຊາດ ທີ່ປະເທດຍີ່ປຸ່ນ.

ເພື່ອພັດທະນາທີມນັກກິລາທີ່ຈະມາເປັນທີມຊາດຊຸດໃຫຍ່ ແລະ ທີມຊາດເຍົາວະຊົນ, ສະມາຄົມເຕະບານຄົນພິການຕາແຫ່ງປະເທດຍີ່ປຸ່ນ (ຫຼື JBFA) ຈຶ່ງໄດ້ເຊີນທີມຊາດລາວມາແຂ່ງຂັນການອຸ່ນເຄື່ອງລະດັບ ນານາຊາດເປັນຄັ້ງທຳອິດລະຫວ່າງວັນທີ 11-12 ກຸມພານີ້ ທີ່ສະໜາມ ZOZOPARK HONDA FOOTBALL AREA ທີ່ເມືອງຈິບະ ແຂວງຈິບະ ປະເທດຍີ່ປຸ່ນ.

 

 

ທີມຊາດລາວ ຢູ່ອັນດັບ 39 ຂອງໂລກ ຫຼັງໄດ້ຄວ້າຫຼຽນເງິນມາຄອງ ໃນການ ແຂ່ງຂັນ ASEAN PARA GAMES ທີ່ຈັດຂຶ້ນໃນເດືອນກັນຍາ ປີ2017, ຫຼ້າສຸດລົງແຂ່ງຂັນ ທີມຊາດຍີ່ປຸນ ທີມ B ສາມາດເອົາຊະນະໄດ້ 2-1.

ສ່ວນນັດຕໍ່ໄປຈະລົງແຂ່ງຂັນໃນເວລາ 15:00 ໂມງພົບກັບ ທີມຊາດຍີ່ປຸນ (ເຍົາວະຊົນ).

 

 

ຂໍ້ມູນມາຈາກ : laosupdate

ຄວາມຄິດເຫັນຂອງຜູ້ອ່ານ (0)