GMT+7 22/02/2018 09:36

ພັດທະນາ ຍ້າຍທີມໃໝ່ອີກແລ້ວ ຮ່ວມ ສຸຣາດທານີ ທີມໃນປະເທດໄທ ກຽມປະເດິມສະໜາມ 18 ກຸມພານີ້

 

ກ່ອນໜ້ານີ້ ພັດທະນາ ພົມມະເທບ ກອງກາງດາວຮຸ່ງທີມຊາດລາວ ຂອງສະໂມສອນ ເອສຣາ ເອັຟຊີ ຜ່ານການທົດສອບສີຕີນ ແລະ ຟອມເຂົ້າຕາ ຊົນບູລີ ທີມໃນລີກສູງສຸດຂອງໄທ ເຮັດໃຫ້ລາວໄດ້ເຊັນສັນຍາກັບທີມດັ່ງກ່າວເປັນທີ່ຮຽບຮ້ອຍ ໃນໄລຍະ 2 ປີ ພ້ອມຮັບຄ່າຈ້າງ 50,000 ບາດຕໍ່ເດືອນ ຫຼື ປະມານ 12.500.000 ກີບ.

ຫຼ້າສຸດ ສະໂມສອນສຸຣາດທານີ ທີມໃນລີກ 3 ໂຊນພາກໃຕ້ ຂອງປະເທດໄທ ໄດ້ເປີດຕົວ ພັດທະນາ ພົມມະເທບ ເມື່ອວັນທີ 9 ກຸມພາ ທີ່ຜ່ານມາ ໂດຍເຟສບຸກທາງການຂອງ ສະໂມສອນດັ່ງກ່າວ ລະບູວ່າ: ໄດ້ເປີດຕົວກອງໜ້າທີມຊາດລາວ ຊຸດຊີເກມ2017 ແລະ ທີມຊາດລາວຊຸດໃຫຍ່ ໂດຍ ພັດທະນາ ຈະພ້ອມລົງສະໜາມ ໃນນັດຕໍ່ໄປໃນວັນທີ 18 ກູມພານີ້ ພົບກັບ ກຣົມສຸລກາກອນ.

 

 

ສໍາລັບ ພັດທະນາ ເປັນເດັກປັ້ນຂອງ ເອັສຣາ ເອັຟຊີ ຈົນກ້າວຂຶ້ນສ້າງຜົນງານຕິດຕາມຊາດລາວ ນັບຕັ້ງແຕ່ຊຸດເຍົາວະຊົນ ຈົນເຖິງຊຸດໃຫຍ່ ພາຍໃນປີ 2017 ຖືວ່າມາແຮງສຸດ ແລະ ສ້າງຜົນງານຢ່າງໂດດເດັ່ນອີກດ້ວຍ, ໂດຍກ່ອນໜ້ານີ້ໄປຮ່ວມທີມກັບ ກາລະສິນ ທີມໃນລີກ 2 ຂອງໄທ ແລະ ຫຼ້າສຸດຍ້າຍຮ່ວມ ຊົນບູລີ ທີມໃນລະດັບແຖວໜ້າຂອງ ໄທລີກ.

 

 

ຂໍ້ມູນມາຈາກ : laosupdate

ຄວາມຄິດເຫັນຂອງຜູ້ອ່ານ (0)