GMT+7 24/02/2018 07:00

ຈີນຈັດງານມະໂຫລານເທດສະການກຸດຈີນ ປີ 2018 ທີ່ ສປປ ລາວ

 

 

ໃນ​ວັນ​ທີ 10 ກຸມພາ 2018 ທີ່​ຫໍ​ວັດທະນະທຳແຫ່ງຊາດ ນະຄອນຫລວງ​ວຽງ​ຈັນ, ສູນວັດ ທະນະທຳ​ຈີນ ປະຈຳ ສປປ ລາວ ​ໄດ້​ຈັດ​ງານ​ມະ​ໂຫລານ​ເທດສະການ​ກຸດ​ຈີນ ປີ 2018, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ກິ​ແກ້ວ ​ໄຂ​ຄຳ​ພິທູນ ​ເລຂາທິການ​ສູນ​ກາງ​ພັກ, ຫົວໜ້າຄະນະ​ໂຄສະນາ​ອົບຮົມ​ສູນ​ກາງ​ພັກ, ທ່ານ ຄຳ​ມະນີ ອິນ​ທິລາດ ລັດຖະມົນຕີ​ກະຊວງ​ພະລັງງານ ​ແລະ ບໍ່​ແຮ່ ທັງ​ເປັນ​ປະທານ​ສະມາຄົມ​ມິດຕະພາບລາວ-ຈີນ, ມີ​ ທ່ານ​ ວາງ ​ເວີນ​ທຽນ ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມ ແຫ່ງ ສປ ຈີນ ປະຈຳ ສປປ ລາວ, ພ້ອມ​ດ້ວຍ​ແຂກ​ຖືກ​ເຊີນ ແລະ ນັກ​ສຶກສາ ລາວ-ຈີນ ​ເຂົ້າ​ຮ່ວມ.


​ງານ​ດັ່ງ​ກ່າວ​, ​ແມ່ນ​ຈັດ​ຂຶ້ນ​ຢູ່​ນະຄອນຫລວງ​ວຽງ​ຈັນ ​ເປັນ​ປີ​ທີ 4 ​ແລ້ວ, ພາຍ​ໃນ​ງານ ​ຜູ້​ເຂົ້າຮ່ວມ​​ໄດ້​ຮັບ​ຊົມ​ການສະ​ແດງ​ສິລະ​ປະ​ທີ່​ໜ້າ​ຕື່ນ​ຕາ​ຕື່ນ​ໃຈ ຈາກ​ຄະ​ນະ​ສິລະ​ປະ​ ນະຄອນ​ຈີ​ໜານ ​ແຂວງ​ຊານ​ຕູ​ງ ສປ ຈີນ. ພ້ອມ​ນີ້, ຍັງ​ມີ​ການວາງສະ​ແດງ​ສິລະ​ປະການ​ແຕ້ມ​ຮູບ​, ການ​ປັ້ນ​ຫຸ່ນ, ການ​ຄວັດ​ລາຍ​ໃສ່​ໝາກ​ນ້ຳ​ເຕົ້າ, ສາທິດ​ສິລະ​ປະການ​ຊົງ​ຊາ-ດື່ມ​ຊາ, ການ​ຂຽນ​ອັກສອນ​ຈີນ​ດ້ວຍ​ແປງ​ຂົນ​ສັດ, ການ​ຖັກ​ເຊືອກ​ມຸງ ຄຸນ, ການ​ຫລີ້ນ​ເກ​ມຕ່າງໆ ​ເພື່ອ​ຊິງ​​ລາງວັນ​ຢ່າງ​ຫລວງ​ຫລວງ ​ແລະ ຍັງ​ມີ​ການວາງສະ​ແດງ​ອາຫານ​ຈີນ​ ທີ່​ມີ​ຊື່​ສຽງ​ນຳ​ອີກ.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)