GMT+7 24/02/2018 06:59

3 ພາກສ່ວນ ມອບເຄື່ອງຊ່ວຍເຫລືອສະພາປະຊາຊົນແຂວງເຊກອງ

 

 

ເມື່ອບໍ່ດົນມານີ້, ມູນນິທິຊ່ວຍເຫລືອຄົນທຸກຍາກ ນະຄອນຫລວງວຽງຈັນ, ວິທະຍາໄລການຄ້າລາວ ແລະ ບໍລິສັດສະຫວັນທີວີເອສ ໄດ້ນຳເອົາເຄື່ອງນຸ່ງ-ຫົ່ມ,ອຸປະກອນການ ຮຽນ-ການສອນ, ອຸປະກອນກິລາ ແລະ ຄອມພິວເຕີ ລວມມູນ ຄ່າເກືອບ 40 ລ້ານກີບ ມາມອບໃຫ້ສະພາປະຊາຊົນ ແຂວງເຊກອງ ເພື່ອນຳໄປແຈກຢາຍໃຫ້ປະຊາຊົນຜູ້ທຸກຍາກ.

            
ຕາງໜ້າກ່າວ ມອບເຄື່ອງຊ່ວຍເຫລືອຄັ້ງນີ້ ແມ່ນ ທ່ານ ວິໄລວົງ ບຸດດາຄຳ ປະທານກຳມາທິການເສດຖະກິດ, ແຜນການ ແລະ ການກວດສອບ, ສະພາແຫ່ງຊາດ ແລະ ກ່າວຮັບໂດບ ທ່ານ ພອນເພັດ ຄິວລະວົງ ປະທານສະພາປະຊາຊົນ ແຂວງເຊກອງ ໂດຍມີທ່ານ ເຫລັກໄຫລ ສີວິໄລ ຮອງເຈົ້າແຂວງໆເຊກອງ ແລະ ພາກສ່ວນກ່ຽວຂ້ອງເຂົ້າຮ່ວມ.

            
ໂອກາດນີ້ ທ່ານ ພອນເພັດ ຄິວລະວົງ ກໍໄດ້ສະແດງຄວາມຂອບໃຈ ມາຍັງມູນນິທິຊ່ວຍເຫລືອ ຄົນທຸກຍາກສາຂານະຄອນຫລວງວຽງຈັນ, ວິທະຍາໄລການຄ້າລາວ ແລະບໍລິສັດ ສະຫວັນທີວີເອສ ທີ່ໄດ້ນຳເອົາ ເຄື່ອງມາຊ່ວຍເຫລືອ ມາມອບ ໃຫ້ໃນຄັ້ງນີ້ ແລະ ຫວັງຢ່າງຍິ່ງວ່າ ຕໍ່ໜ້າຈະສືບຕໍ່ໄດ້ຮັບການຊ່ວຍເຫລືອ ອີກ, ພ້ອມທັງໃຫ້ຄໍາໝັ້ນສັນຍາວ່າ ຈະນຳເຄື່ອງດັ່ງກ່າວ ໄປແຈກຢາຍ ໃຫ້ປະຊາຊົນຜູ້ທຸກຍາກ ຕາມຄວາມເໝາະສົມ ແລະ ເປັນທຳ.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)