GMT+7 24/02/2018 06:47

ບ້ານສົບເລົ້າ ໄດ້ຢັ້ງຢືນເປັນສີສັນຕົວເມືອງນ້ອຍໃນຊົນະບົດ

 

 

ພິທີປະກາດບ້ານໃຫຍ່ສົບເລົ້າ, ເມືອງຫົວເມືອງ ແຂວງຫົວພັນ ເປັນບ້ານສີສັນຕົວເມືອງນ້ອຍ ໃນຊົນນະບົດ ບ້ານທຳອິດຂອງແຂວງຫົວພັນ ໄດ້ຈັດຂຶ້ນໃນ ວັນທີ 8 ກຸມພາ ຜ່ານມາ ໂດຍແມ່ນທ່ານນາງ ແພງ ກັນຍາພີມ ຮອງເລຂາພັກ ແຂວງ-ຮອງເຈົ້າແຂວງໆຫົວພັນ ເປັນຜູ້ມອບໃບຢັ້ງຢຶນ. ເຊິ່ງບ້ານສົບເລົ້າ ມີ 159 ຄອບຄົວ, ມີພົນລະເມືອງທັງໝົດ 831 ຄົນ ແລະ 95% ເປັນເຜົ່າລາວລຸ່ມ ອາຊີບຕົ້ນຕໍແມ່ນ ບໍລິການຮ່າງຮ້ານກິນດື່ມ,  ເຮືອນພັກ ແລະ ຄ້າຂາຍ ຍ່ອຍເຄື່ອງອຸດສາຫະກຳ.

 
ໂອກາດນີ້ ທ່ານຮອງເລຂາພັກແຂວງ-ຮອງເຈົ້າແຂວງຫົວພັນ ຍັງໄດ້ເນັ້ນໜັກໃຫ້ ຄະນະພັກ-ອຳນາດການປົກຄອງ ຈົ່ງສືບຕໍ່ສຶກສາອົບຮົມດ້ານ ການເມືອງ-ແນວຄິດ ພໍ່ແມ່ປະຊາຊົນ ໃຫ້ມີຄວາມໜັກແໜ້ນ, ນຳພາ, ຄຸ້ມຄອງ ແລະ ບໍລິຫານບ້ານໃຫ້ໄປຕາມທິດ 3 ສ້າງ, ປະຕິບັດວຽກງານ ປ້ອງກັນຊາດ-ປ້ອງກັນຄວາມສະຫງົບ ໃຫ້ມີຄວາມເຂັ້ມແຂງ, ພັດທະນາ ເສດຖະກິດ ໃຫ້ມີລາຍຮັບເພີ່ມຂຶ້ນກ່ວາເກົ່າ, ປັບປຸງບູລະນະທີ່ຕັ້ງພູມລຳເນົາ ໃຫ້ຫັນເຂົ້າສູ່ຄວາມ ເປັນລະບຽບຮຽບຮ້ອຍ ແລະ ສວຍງາມ ກາຍເປັນຕົວເມືອງໜ້າຢູ່, ໜ້າຊົມຕະຫລອດ ໄປ.      

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)