GMT+7 24/04/2018 08:09

ພິທີມອບ-ຮັບ ໂຄງການກໍ່ສ້າງຂົວມິດຕະພາບລາວ-ຍີ່ປຸ່ນ ແຂວງ ເຊກອງ

 

 

ໃນວັນທີ 12 ກຸມພາ 2018 ຢູ່​ເມືອງລະມາມ ແຂວງເຊກອງ ໄດ້ຈັດພິທີມອບ-ຮັບໂຄງການກໍ່ສ້າງ ຂົວມິດຕະພາບລາວ-ຍີ່ປຸ່ນ, ເຊິ່ງເປັນຂົວຂ້າມ ນໍ້າເຊກອງ ແຕ່ເມືອງລະມາມ ຫາ ເມືອງ ດາກຈຶງ ແຂວງ ເຊກອງ, ໂດຍມີ ທ່ານ ບຸນ​ທອງ ຈິດ​ມະນີ ກໍາມະການ ​ກົມ​ການ​ເມືອງ​ສູນ​ກາງ​ພັກ, ​ເລ ຂາທິການ​ສູນ​ກາງ​ພັກ, ຮອງ​ນາຍົກລັດຖະມົນຕີ, ປະທານ​ ຄະນະ​ກວດກາ​ສູນ​ກາງ​ພັກ-ປະທານ ​ອົງ​ການ​ກວດ​ກາ​ລັດຖະບານ,ທ່ານ ທາເຄຊິ ຮິຄິຮາຣະ ເອກອັກຄະລັດຖະທູດຍີ່ປຸ່ນ ປະຈໍາ ສປປ ລາວ, ທ່ານ ບຸນ​ຈັນສິນ​ທະ​ວົງ ລັດຖະມົນຕີ ກະຊວງ​ໂຍທາ​ທິການ​ ແລະ ຂົນ​ສົ່ງ, ທ່ານ ຄໍາເຜີຍ ບຸດດາວຽງ ເຈົ້າ​ແຂວງເຊ​ກອງ, ທ່ານ ລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ປະທານ ກໍາມະທິການແຜນ ການ, ການເງິນ ແລະ ກວດສອບ, ຕາງໜ້າ ຈາກອົງການໄຈກາ, ພ້ອມດ້ວຍການ​ນໍາ ​ຂອງ​ແຂວງ, ການ​ນໍາ​ຂອງ​​ເມືອງ, ປະທານ ​ກຸ່ມ​ບໍລິສັດ​ຜູ້​ຮັບ​​ເໝົາ​ໂຄງການ, ບັນດາ ແຂກຖືກເຊີນ ແລະ ມວນຊົນຊາວແຂວງເຊກອງ ເຂົ້າຮ່ວມຢ່າງ ຫລວງຫລາຍ.

ໂຄງການ​ກໍ່ສ້າງ​ຂົວ ນໍ້າເຊກອງ​ມິດຕະພາບ ລາວ-ຍີ່ປຸ່ນ ​ແມ່ນໄດ້ສ້າງ ມາແຕ່ຕົ້ນປີ 2015, ເຊິ່ງໃຊ້ເວລາກໍ່ສ້າງ 39 ເດືອນ, ຂົວມີຄວາມຍາວ 300 ແມັດ, ອອກແບບກໍ່ສ້າງ ຕາມມາດຖານເຕັກນິກຂອງສາກ�ງໂຍທາທິການ ແລະ ຂົນສົ່ງ ກ່າວວ່າ:  ໂຄງການ ຂ້າມຂົວນໍ້າເຊກອງ ແຕ່ເມືອງ ລະມາມ ຫາເມືອງ ດາກຈຶງ ​ແຂວງ​ເຊ​ກອງ ແມ່ນໄດ້ຮັບການຊ່ວຍເຫລືອລ້າ ຈາກລັດຖະບານ ແລະ ປະຊາຊົນຍີ່ປຸ່ນ ໃນມູນຄ່າທັງໝົດ 1,62 ຕື້ເຢັນ ຫລື ປະມານ 16,20 ລ້ານໂດລາສະຫະລັດ, ໂດຍຜ່ານ ອົງການໄຈກາ. ພິເສດ ແມ່ນ ທ່ານ ເອກອັກຄະລັດຖະທູດຍີ່ປຸ່ນປະຈໍາ ສປປ ລາວ ທີ່ໄດ້ໃຫ້ການ ສະໜັບສະໜູນ ຊ່ວຍເຫລືອ ລັດຖະບານລາວ, ຕາງໜ້າໃຫ້ລັດຖະບານແຫ່ງ ສປປ ລາວ ຂໍຂອບໃຈ ຕໍ່ລັດຖະບານ ແລະ ປະຊາຊົນຍີ່ປຸ່ນ ແລະ ອົງການໃຈກາ. ໂອກາດນີ້, ຂ້າພະເຂົ້າຂໍຮັບ ເອົາໂຄງການ ຈາກ ທ່ານ ເອກອັກຄະລັດຖະທູດຍີ່ປຸ່ນປະຈໍາ ສປປ ລາວ, ຊຶ່ງເປັນຂອງຂວັນ ອັນລໍ້າຄ່າຈາກລັດຖະບານ ແລະ ປະຊາຊົນຍີ່ປຸ່ນ ທີ່ມອບໃຫ້ລັດຖະບານ ແລະ ປະຊາຊົນລາວ. ພ້ອມດຽວກັນນີ້, ຂ້າພະເຈົ້າ ຂໍມອບຂົວນີ້ໃຫ້ທ່ານ ເຈົ້າແຂວງໆເຊກອງ ເພື່ອສືບຕໍ່ຄຸ້ມຄອງປົກປັກຮັກສາ ນໍາໃຊ້ໃຫ້ຍາວ ນານ ແລະ ມີປະໂຫຍດສູງສຸດ.

ພິທີດັ່ງກ່າວ, ທ່ານ ເຈົ້າແຂວງເຊກອງ ກ່າວບາງຕອນວ່າ: ການເປີດນໍາໃຊ້ຂົວ ຂ້າມນໍ້າເຊກອງໃນມື້ນີ້, ນອກຈາກສ້າງຄວາມສະດວກ ໃຫ້ແກ່ການຄົມມະນາຄົມຂົນສົ່ງ, ການໄປມາ ຫາສູ່ຄ້າຂາຍ ແລະ ການເຂົ້າເຖິງ ການບໍລິການດ້ານ ການສຶກສາ, ສາທາລະນະສຸກ ຂອງປະຊາຊົນ ທີ່ອາໃສຢູ່ 2 ຝາກຝັ່ງແມ່ນໍ້າເຊກອງແລ້ວ, ຍັງເປັນການເປີດເສັ້ນທາງ ໃຫ້ແກ່ການເຊື່ອມໂຍງ ດ້ານເສດຖະກິດ, ການຄ້າ, ການລົງທຶນ ແລະ ການທ່ອງທ່ຽວ ທີ່ອັດຕັນມາດົນນານ ລະຫວ່າງພາກພື້ນ ແລະ ອະນຸພາກພື້ນ, ການເຊື່ອມໂຍງລະຫວ່າງ ສປປ ລາວ, ສສ ຫວຽດນາມ, ກໍາປູເຈຍ ແລະ ຣາຊະອານາຈັກໄທ. ຈາກການເຊື່ອມໂຍງດັ່ງກ່າວ, ຈະເຮັດໃຫ້ມູນຄ່າ ດ້ານການຄ້າ, ການລົງທຶນ ແລະ ການຂົນສົ່ງສິນຄ້າ ຂະຫຍາຍໄປເຖິງຊາຍແດນຈີນ, ໂດຍຜ່ານ ສສ ຫວຽດນາມ ອີກດ້ວຍ.

ໃນພິທີດັ່ງກ່າວ, ໄດ້ມອບຫລຽນໄຊພັດທະນາ ​ແລະ ຫລຽນ​ໄຊ​ແຮງ​ງານ ໃຫ້ຜູ້ສະໜອງທຶນ ແລະ ລັ່ນຄ້ອງເປີດ ຢ່າງເປັນທາງການ, ໂດຍທ່ານ ບຸນທອງ ຈິດມະນີ ຮອງນາຍົກລັດຖະມົນຕີ.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)