GMT+7 24/04/2018 08:10

ຄຳພູວົງ ລຸ້ນໂຊກຄືນກຳໄລໃຫ້ລູກຄ້າຕະຫລອດປີ 2018

 

 

ຮ້ານຄຳພູວົງ​ ໄດ້ນຳ​ສະ​​ເໜກິດຈະກຳ​ລຸ້ນໂຊກໃຫຍ່ ຄືນກຳໄລໃຫ້ລູກຄ້າ ຄັ້ງ​ທີ 3 ຕະຫລອດ ປີ 2018 ຄື: ໂຊກຊັ້ນ 1 ຊື້ປຸບຮັບປັບ ຂອງສົມມະນາຄຸນຫລາຍຢ່າງເຊັ່ນ: ຈອກແກ້ວ, ເສື້ອຍືດ, ຄັນຫົ່ມ, ເສື້ອກັນລົມ, ເຄື່ອງໄຟຟ້າ ແລະ ອື່ນໆ; ໂຊກຊັ້ນ 2 ຊື້ຄໍາຄົບ 2 ສະຫລຶງ ຮັບບັດຊີງໂຊກ 1 ໃບ ເພື່ອ ລຸ້ນໂຊກປະຈໍາເດືອນ ລາງວັນທີ 1 ຄໍາໜັກ 1 ບາດ 1 ລາງວັນ ແລະ ລາງວັນທີ2 ຄໍາໜັກ 1 ສະ ຫລຶງ 3 ລາງ ວັນ; ໂຊກຊັ້ນ 3 ລາງວັນໃຫຍ່ກາງປີ ຄໍາໜັກ 1 ບາດ 1 ລາງວັນ ແລະ ຄໍາໜັກ 1 ສະ ຫລຶງ 3 ລາງວັນ ເຊິ່ງຈະຈັດຂຶ້ນ ໃນເດືອນເມສາ ແລະ ເດືອນຕຸລາ.​ສ່ວນໂຊກຊັ້ນທີ 4ລຸ້ນໂຊກ ປະຈຳປີ ກັບລາງວັນໃຫຍ່ຄຳໜັກ 35 ບາດ ຈຳນວນ 1 ລາງວັນ, ຄຳໜັກ 2 ບາດ ຈຳນວນ 2 ລາງວັນ ແລະ ຄຳ 1 ສະຫລຶງຈຳນວນ 35 ລາງວັນ.

ທ່ານ ຈັນທະວົງ ພະມີສິດ ຜູ້ອໍານວຍການຝ່າຍ ການຕະຫລາດ ຮ້ານຄໍາພູວົງ ກ່າວໃນງານ ຖະ ແຫລງຂ່າວ ໂຄງການຄຳພູວົງ ໂຊກຫລົ່ນທັບຮັບຄໍາ ຕະຫລອດປີ 2018 ໃນວັນທີ 8 ກຸມພາ 2018 ທີ່ ສູນການຄ້າໄອເຕັກມໍ ນະຄອນຫລວງ ວຽງຈັນວ່າ: ກິດຈະກຳລຸ້ນໂຊກ ຄັ້ງທີ 3ນີ້ ຈັດຂຶ້ນ ເພື່ອຂອບ ໃຈບັນດາລູກຄ້າ ທີ່ໃຫ້ການ ສະໜັບສະໜູນ ຮ້ານຄຳພູວົງ, ຕະຫລອດການ ດຳເນີນທຸລະກິດ ຮ້ານຄຳ ພູວົງ ໄດ້ໃສ່ໃຈຄຸນນະພາບ ເປັນຫລັກ ແລະ ພັດທະນາເລື້ອຍມາ ໂດຍ ຊ່າງທີ່ຊຳນິຊຳນານ ແລະ ເຄື່ອງ ມືທີ່ທັນສະໄໝ ສາມາດ ຕອບສະໜອງ ຄວາມຮຽກຮ້ອງ ຕ້ອງການ ຂອງລູກຄ້າ ໄດ້ຢ່າງ ຫລວງຫລາຍເຊັ່ນ: ເຄື່ອງຄຳ, ເພັດ, ພອຍ, ຄຳຝຣັ່ງ ແລະ ເງິນເປັນຕົ້ນ. ຫລາຍອັນເປັນເອກະລັກ ສະເພາະ ບໍ່ຄືໃຜ ເຮັດໃຫ້ ຮ້ານຄຳພູວົງ ຢູ່ ໃນໃຈລູກຄ້າມາຕະຫລອດ

ນອກຈາກ ລູກຄ້າຮ້ານຄໍາພູວົງ ຈະຊື້ຄໍາ ຈາກທາງຮ້ານທັງ 5 ສາຂາເຊັ່ນ: ຂາສາຕະຫລາດເຊົ້າ, ຕະຫລາດວັງທອງ, ວຽງຈັນເຊັນເຕີ, ໄອເຕັກ ແລະ ສາຂາຕະຫລາດ ດາວເຮືອງ ປາກເຊແຂວງ ຈໍາປາ ສັກແລ້ວ. ລູກຄ້າຍັງສາມາດ ຊື້ຄໍາ ຮ້ານຄໍາພູວົງ ໄດ້ກັບຕົວແທນຈໍາໜ່າຍ ແລະ ເຂົ້າຮ່ວມກິດຈະກໍານີ້ ກັບຮ້ານ ຄໍາພູວົງ ໄດ້ທຸກສາຂາ ໃນທົ່ວປະເທດ. ນອກຈາກນີ້, ຮ້ານຄໍາພູວົງຍັງມີ ຈະຂະຫຍາຍ ສາຂາໄປອີກ 3 ສາຂາຄື: ຮ້ານຄໍາພູວົງ ສາຂາແຂວງຄໍາມ່ວນ, ແຂວງ ວຽງຈັນ ແລະ ຮ້ານຄໍາພູວົງສາຂາ ແຂວງ ໄຊ ຍະບູລີ.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)