GMT+7 21/05/2018 06:35

ສະພາປະຊາຊົນແຂວງສາລະວັນ ຕີລາຄາການປະຕິບັດວຽກງານ ໃນການເປັນເສນາທິການໃຫ້ແກ່ ສສຊ ແລະ ສສຂ

 

 

ເມື່ອ​ທ້າຍ​ອາທິດ​ທີ່​ຜ່ານ​ມາ ທີ່ສະພາປະຊາຊົນແຂວງສາລະ​ວັນ ໄດ້ຈັດກອງປະຊຸມຕີລາຄາການ ເຄື່ອນໄຫວວຽກງານປະຈຳປີ 2017, ໂດຍການເປັນປະທານຂອງ ທ່ານ ສາຍສະໝອນ ອິນທິເສນ ຄະນະປະ ຈຳສະພາ ເລຂາທິການສະມາຊິກ ສະພາປະຊາຊົນແຂວງ, ໃຫ້ກຽດເຂົ້າຮ່ວມມີ ທ່ານ ຄຳເຫລັກ ອິນດາວົງ ກຳມະການພັກແຂວງ ປະທານສະພາປະຊາຊົນແຂວງ, ມີບັນດາຄະນະປະຈຳ, ຄະນະກຳມະການສະພາ, ພ້ອມດ້ວຍພະນັກງານວິຊາການ ແລະ ແຂກທີ່ຖືກ ເຊີນເຂົ້າຮ່ວມ.

ທ່ານ ນາງ ອາລຸນນີ ອາດວິໄລ ຮອງຄະນະເລຂາສະພາປະຊາຊົນແຂວງ ​ໄດ້​ກ່າ​ວ່າ: ເພື່ອສືບຕໍ່ປະຕິບັດໜ້າທີ່ ເປັນເສນາທິການໃຫ້ກັບ ສສຊ ແລະ ສສຂ ໃນຕໍ່ໜ້ານີ້ ໃຫ້ບັນລຸ ແລະ ໄດ້ຕາມ ຄາດໝາຍທີ່ວາງໄວ້ ຕ້ອງໄດ້ສຸມໃສ່ຫລາຍດ້ານ ເປັນຕົ້ນ: ຍົກສູງການສຶກສາອົບຮົມ ການເມືອງແນວຄິດ, ຮັບປະກັນໂຄງປະກອບການຈັດຕັ້ງ ໃຫ້ສອດຄ່ອງໃນແຕ່ລະເປົ້າໝາຍ ແລະ ຖືກຕ້ອງຕາມລະບຽບການ, ປັບປຸງແບບ ແຜນວິທີເຮັດວຽກ ໃຫ້ມີການຫັນປ່ຽນ ຢ່າງຕັ້ງໜ້າຂຶ້ນກວ່າເກົ່າ, ເອົາໃຈໃສ່ ດ້ານເນື້ອໃນໃຫ້ຮອບດ້ານ ໃນການເປັນເສນາທິການ ໃຫ້ແກ່ຄະນະ ສສຊ ເຂດ 14, ຕ້ອງໄດ້ຄົ້ນຄວ້າ ສັງລວມ, ວິເຄາະວິໄຈບັນຫາ, ສະໜອງຂໍ້ມູນ ແລະ ປະສານສົມທົບກັບ ພາກສ່ວນຕ່າງໆ ທັງພາຍໃນ ແລະ ພາຍນອກ ຮັບປະກັນການປະຕິບັດໜ້າທີ່ ວຽກງານ ຂອງສະພາປະຊາຊົນແຂວງ ໃຫ້ດີຂຶ້ນໄປເລື້ອຍໆ.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)