GMT+7 21/05/2018 06:34

ເຜີຍແຜ່ດຳລັດ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ

 

 

ກະຊວງ​ກະສິກຳ ​ແລະ ປ່າ​ໄມ້ ຮ່ວມ​ກັບ ທະນາຄານ​ໂລກ ​ແລະ ອົງການ​ສະຫະ​ປະຊາ​ຊາດ ​ເພື່ອ​ການ​ພັດທະນາ ​ຈັດ​ກອງ​ປະຊຸມ ເຜີຍ​ແຜ່​ຜັນ​ຂະຫຍາຍດຳລັດ​ ວ່າ​ດ້ວຍມາດ ຕະຖານ​ພົ້ນ​ທຸກ ​ແລະ ມາດຕະຖານ​ພັດທະນາ ກໍ​ຄື​ ບັນດາ​ຈຸດ​ສຸມ ພັດທະນາ​ຊົນນະບົດ ​ໃຫ້​ກັບບັນດາ​ຄູ່​ຮ່ວມ​ພັດທະນາ ​ແລະ ອົງການ​ຈັດ​ຕັ້ງ ​ສັງຄົມ​ຕ່າງໆ,  ມີຂຶ້ນໃນ​ວັນ​ທີ 2 ກຸມພາ 2018 ທີ່​ນະຄອນຫລວງ​ວຽງຈັນ, ໂດຍ​ການ​ເປັນ​ປະທານ​ ຂອງ ​ທ່ານ ພວງ​ປາລີສັກ ປຣະວົງວຽງຄຳ ຮອງ​ລັດຖະມົນຕີ​ ກະຊວງ​ກະສິກຳ ​ແລະ ປ່າ​ໄມ້, ​ພ້ອມ​ດ້ວຍ ​ພາກສ່ວນ​ທີ່ກ່ຽວຂ້ອງ​ ເຂົ້າ​ຮ່ວມ.

ໃນໂອກາດດັ່ງກ່າວ, ທ່ານ ພວງ​ປາລີສັກ ປຣະວົງວຽງຄຳ ​ໄດ້​ໃຫ້​ຮູ້​ວ່າ: ລັດຖະບານ​ແຫ່ງ ສປປ ລາວ ​ໄດ້​ຮັບ​ການ ສະໜັບສະໜູນດ້ານ​ວິຊາ​ການ ຈາກ​ທະນາຄານ​ໂລກ ໄດ້​ຮ່າງ​ດຳລັດ 348 ວ່າ​ດ້ວຍ ມາດຕະຖານ ​ພົ້ນ​ທຸກ ​ແລະ ມາດຕະຖານ​ ການ​ພັດທະນາ ສະ​ບັບ​ໃໝ່ຂຶ້ນ, ​ເຊິ່ງມີ​ຜົນ ​ບັນ​ຄັບ​ໃຊ້​ແຕ່​ວັນ​ທີ 16 ພະຈິກ 2017 ​ເປັນ​ຕົ້ນ​ມາ. ຄຽງຄູ່​ກັນ​ນັ້ນ, ລັດຖະບານ ກໍ​ໄດ້​ກຳນົດ ບັນດາຈຸດ​ສຸມ​ບູລິ​ມະ​ສິດ ​ໃນ​ການ ​ພັດທະນາ​ຊົນນະບົດ ​ແລະ ລຶບລ້າງ​ ຄວາມ​ທຸກ​ຍາກ ຕາມ​ຂໍ້​ຕົກລົງ​ ເລກທີ 65/ນຍ ນິຕິ​ກຳ 2 ສະບັບ​ນີ້ ມີ​ຄວາມໝາຍ ຄວາມ​ສຳຄັນ​ທີ່​ສຸດ ສຳລັບ​ການ​ ພັດທະນາ​ຊົນນະບົດ ​ແລະ ລຶບລ້າງ​ຄວາມທຸກ​ຍາກ ຢູ່ ສປປ ລາວ ຕາມ​ແຜນ​ພັດທະນາ ​ເສດຖະກິດ-​ສັງຄົມ 5 ປີ ຄັ້ງ​ທີ 8 ​ແລະ ພາຍ​ໃຕ້​ຂອບ​ຂອງ​ການ ຈັດ​ຕັ້ງ​ປະຕິບັດ ​ເປົ້າໝາຍ ການ​ພັດທະນາ​​ແບບ​ຍືນ​ຍົງ.

ໃນ 2 ທົດ​ສະ​ວັດ​ຜ່ານ​ມາ ລັດຖະບານ​ ໄດ້​ຮ່ວມ​ກັບ ຄູ່​ຮ່ວມ​ພັດທະນາ ສຸມຄວາມ​ພະຍາຍາມ ແກ້ໄຂ ຄວາມທຸກ​ຍາກ ​ໂດຍ​ສະ​ເພາະ​ ແມ່ນ​ການຈັດ​ຕັ້ງ​ປະຕິບັດ​ ເປົ້າໝາຍສະຫັດ​ສະ​ວັດ ຂອງ​ການ​ພັດທະນາ ​ໄດ້​ຮັບ​ການ​ຜັນ​ຂະຫຍາຍ​ເປັນຍຸດ​ທະ​ສາດ ​ແຫ່ງ​ຊາດ ​ເພື່ອ​ການ​ເຕີບ​ໂຕ ​ແລະ ລຶບລ້າງ​ຄວາມ​ທຸກ​ຍາກ (NGPES) ​ເຮັດ​ໃຫ້ ​ສປປ ລາວ ສາມາດ ​ບັນລຸ​ຄາດໝາຍ MDGs ​ໃນ​ການ​ຫລຸດຜ່ອນ ຄວາມທຸກ​ຍາກ ​ໃຫ້​ຍັງ​ເຫລືອ​ພຽງ 23,7% ​ໃນ​ປີ 2015, ​ເຊິ່ງ​ເຄື່ອງມື ​ໃນ​ການຈັດ​ຕັ້ງ​ປະຕິບັດ ຄາດໝາຍ ສູ້​ຊົນ​ດັ່ງກ່າວ ປະກອບ​ມີ​ຫລາຍ​ຢ່າງ ​ໂດຍ​ສະ​ເພາະ​ ແມ່ນ​ການ​ສຳ​ຫລວດ ​ການ​ຊົມ​​ໃຊ້ ​ແລະ ການ​ໃຊ້​ຈ່າຍ​ ຂອງ​ຄົວ​ເຮືອນ (LECS) ທີ່​ສ້າງ​ ຖານ​ຂໍ້ມູນ​ເປັນ​ບ່ອນ​ອີງ​​ ​ໃນ​ການ​ກຳນົດ 74 ​ເມືອງ​ທຸກ​ຍາກ ​​ໃນ​ນັ້ນ​ມີ 47 ​ເມືອງ​ທຸກ​ຍາກ​ທີ່ສຸດ; ຕໍ່​ມາລັດຖະບານ​ໄດ້​ອອກດຳລັດວ່າ​ດ້ວຍ​ມາດຕະຖານ​ ຄວາມທຸກ​ຍາກ ​ແລະ ການ​ພັດທະນາ​ ເລກທີ 285 ​ເຊິ່ງ​ໄດ້​ປ່ຽນ​ແປງ ​ເປັນ ​ເລກທີ 309 ດຳລັດ​ດັ່ງກ່າວ ​ໄດ້ໝົດຜົນບັງຄັບ ​ນຳ​ໃຊ້ ​ໃນ​ປີ 2015 ​ເຊິ່ງ​ແມ່ນ​ທ້າຍ​ສະ​ໄໝ ຂອງ​ການຈັດ​ຕັ້ງ​ປະຕິບັດ MDGs ​

 

 

ຂໍ້ມູນຈາກ: ສຳນັກຂ່າວສານປະເທດລາວ

 

ຄວາມຄິດເຫັນຂອງຜູ້ອ່ານ (0)