GMT+7 21/05/2018 06:34

ເຈົ້າໜ້າທີ່ປະຈຳດ່ານປ່າຮ່າງ ຢຶດໂຕລິ່ນ ແລະ ໄມ້ດູ່

 

 

ອີງ​ຕາມ​ການ​ລາຍ​ງານ​ຂອງທ່ານ ຄຳໃບ ລອດ​ໂພ​ໄຊ ຫົວໜ້າດ່ານ​ພາສີ​ປ່າ​ຮ່າງ ແຂວງ​ຫົວພັນ ໃຫ້​ຮູ້​ວ່າ: ໃນ​ເວລາ 8:00 ໂມງຂອງ​ວັນ​ທີ 16 ມັງກອນ 2018 ເຈົ້າ​ໜ້າທີ່​ປະຈຳ​ດ່ານ​ປ່າ​ຮ່າງ ລວມ​ມີ 3 ຂະແໜງການ (​ຕມ ພາສີ​ກະສິກຳ) ໄດ້​ພ້ອມ​ກັນ​ກວດກາ​ປະເພດ​ລົດ​ຕູ້​ໝາຍ​ເລກ​ທະບຽນ ​ກນ 6147 ກຳແພງ​ນະຄອນ ຍີ່ຫໍ້ JOYLONG ສີ​ປອນເງິນ ອອກຊື່​ນາງ ເຂັມ​ພອນ ໄຊຍະ​ວົງ ບ້ານ​ໄຊ​ມຸງຄຸນ ເມືອງ​ນາຊາຍ​ທອງ ນະຄອນຫຼວງ​ວຽງ​ຈັນ ປຶ້ມ​ຂົນສົ່ງ​ຜ່ານ​ແດນ ເລກ​ທີ: 0626 ລົງ​ວັນ​ທີ 23 ມີນາ 2017.

ຜ່ານ​ການ​ກວດກາ​ຕົວ​ຈິງ​ພົບເຫັນ​ປະເພດ​ສັດປ່າ​ຫວງ​ຫ້າມ (ໂຕ​ລິ່ນ) ໂຕ​ເປັນ 19 ໂຕ ນຳ​ໜັກ 97 ກິ​ໂລ ໂຕ​ຕາຍ 4 ໂຕ ນຳ​ໜັກ 11 ກິ​ໂລ ແລະ ປະເພດ​ໄມ້​ດູ່​ຂະໜາດ ລວມ​ແລ້ວ​ມີ​ທັງ​ໝົດ ຈຳນວນ 7 ເສັ້ນ ເທົ່າ​ກັບ 0,393 ແມັດ​ກ້ອນ ແລະ ສາມາດ​ກັກ​ຕົວ​ຜູ້​ຕ້ອງ​ຫາ ຈຳນວນ 4 ຄົນ ສັນຊາດ​ຫວຽດນາມ ຄື: ທ້າວ ຫງຽນ​ທໍ່​ທັງ ຢູ່​ນະຄອນ​ຫຼວງ​ຮ່າ​ໂນ້ຍ PASSPORT (ພາສ​ປອດ) ເລກ​ທີ: C3687266 ລົງ​ວັນ​ທີ: 19/7/2017 (ເປັນ​ເຈົ້າ​ຂອງ​ລົດ) ທ້າວ ດິງ​ວັນ​ເຕິນ ຢູ່​ແຂວງ​ແທ່ງຮວາ PASSPORT ເລກ​ທີ: C2919852 ລົງ​ວັນ​ທີ: 7/3/2017 (ເປັນ​ຄົນ​ຂັບ​ລົດ) ທ້າວ ເລ ເທ່​ຕ່ຽນ ຢູ່​ນະຄອນຫຼວງ​ຮ່າ​ໂນ້ຍ PASSPORT ເລກ​ທີ: C3666962 ລົງ​ວັນ​ທີ: 10/7/2017 ແລະ ທ້າວ ຫງຽນ​ວັນ​ທ່ຽງ ຢູ່​ນະຄອນຫຼວງ​ຮ່າ​ໂນ້ຍ PASSPORT ເລກ​ທີ: C2511520 ລົງ​ວັນ​ທີ: 16/12/2016.

ສຳລັບ​ຂອງ​ກາງ​ເຈົ້າ​ໜ້າທີ່​ປະຈຳ​ດ່ານ​ພາສີ​ປ່າ​ຮ່າງ ໄດ້​ຢຶດ​ໄວ້ ແລະ ໄດ້​ກັກ​ຕົວ​ຜູ້​ກະທຳ​ຜິດ ພ້ອມ​ທັງ​ໄດ້​ເຮັດ​ບົດ​ບັນທຶກ​ມອບ​ຕໍ່ໃຫ້​ພາກສ່ວນ​ກ່ຽວຂ້ອງ ເພື່ອ​ສືບສວນ-ສອບ​ສວນ ແລະ ດຳເນີນຕາມ​ລະບຽບ​ການ​ໃນ​ຂັ້ນ​ຕໍ່​ໄປ.

 

 

ຂໍ້ມູນຈາກ: ວຽງຈັນໃຫມ່

ຄວາມຄິດເຫັນຂອງຜູ້ອ່ານ (0)