GMT+7 21/05/2018 02:40

ແຂວງບໍ່ແກ້ວ ປະກາດຈົບຊັ້ນມັດທະຍົມສຶກສາຕອນຕົ້ນບໍາລຸງ

 

 

ວັນທີ 26 ມັງກອນ ຜ່ານມາ, ໄດ້ມີພິທີມອບໃບຢັ້ງຢືນ ແຂວງບໍ່ແກ້ວ ເປັນແຂວງຈົບຊັ້ນມັດທະຍົມສຶກສາຕອນຕົ້ນບໍາລຸງ ໂດຍມມີ ທ່ານ ຄໍາພັນ ເຜີຍຍະວົງ ເຈົ້າແຂວງໆບໍ່ແກ້ວ, ທ່ານ ຄໍາຜາຍ ສີສະຫວັນ ຮອງລັດຖະມົນຕີ ກະຊວງສຶກ ສາທິການ ແລະ ກິລາ, ມີຄະນະນໍາຂອງແຂວງຄູ-ອາຈານ, ນັກຮຽນມັດທະຍົມຕອນຕົ້ນບໍາລຸງ,ພໍ່ແມ່ປະຊາຊົນ ແລະ ພາກສ່ວນກ່ຽວຂ້ອງ ເຂົ້າຮ່ວມ.


ທ່ານ ທອງຈັນ ພົມມະຫານ ຫົວໜ້າພະແນກສຶກສາທິການ ແລະ ກິລາແຂວງ ໄດ້ກ່າວວ່າ: ການຈັດຕັ້ງປະຕິບັດ ການຮຽນ-ການສອນ ຊັ້ນບໍາລຸງມັດທະຍົມສຶກສາ ຕອນຕົ້ນໃຫ້ແກ່ປະຊາຊົນ ເບື້ອງຕົ້ນມີກຸ່ມເປົ້າໝາຍ ເກນອາຍຸງ 15-30  ປີ ທັງໝົດ 42.227 ຄົນ, ຍິງ 20.921 ຄົນ ໃນນີ້ ມີກຸ່ມເປົ້າໝາຍ ບໍ່ຈົບມັດທະຍົມຕອນຕົ້ນ11.658 ຄົນ, ຍິງ 6.158 ຄົນ ໄດ້ເລີ່ມ ແຕ່ສົກຮຽນ 2011-2012 ເປັນຕົ້ນມາ ໂດຍເຮັດເປັນຈຸດສຸມ ເລັ່ງໃສ່ບ່ອນທີ່ມີເງື່ອນໄຂສະດວກ, ບ້ານທີ່ຢູ່ ໃກ້ກັບໂຮງຮຽນມັດທະຍົມແມ່ນໄດ້ດໍາເນີນ ໄປຢ່າງເປັນຂະບວນ ການຟົດຟື້ນ ໃນຂອບເຂດທົ່ວແຂວງ ປັດຈຸບັນມີຜູ້ຈົບຊັ້ນ ມັດທະຍົມຕອນຕົ້ນບໍາລຸງ 11.311 ຄົນ, ຍິງ 5.864 ຄົນ,ຍັງບໍ່ທັນຈົບມີ 347 ຄົນ, ຍິງ 164 ຄົນ.


ພາຍຫລັງບັນດາເມືອງ ທົ່ວແຂວງບໍ່ແກ້ວ ໄດ້ປະເມີນກຸ່ມເປົ້າໝາຍ ທີ່ໄດ້ຮຽນຈົບຊັ້ນມັດທະຍົມ ສຶກສາຕອນຕົ້ນບໍາລຸງໃນຈໍານວນ 5 ເມືອງຄື: ເມືອງຕົ້ນເຜິ້ງ, ຫ້ວຍຊາຍ,ຜາອຸດົມ, ປາກທາ ແລະ ເມືອງເມິງ ຈໍານວນ 25 ບ້ານ,  ມີຜູ້ເຂົ້າຮ່ວມການປະເມີນທັງໝົດ 514 ຄົນ, ຍິງ 245 ຄົນ. ຜ່ານເກນປະເມີນທັງໝົດ 459 ຄົນ, ຍິງ 232 ຄົນ,ບັນລຸ 89,30% ເຫັນວ່າໄດ້ຕາມ ຄາດໝາຍ ທີ່ກະຊວງສຶກສາທິການ ແລະ ກິລາວາງອອກ.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)