GMT+7 21/05/2018 06:20

ເຜີຍແຜ່ນິຕິກຳ ກ່ຽວກັບວຽກງານກໍ່ສ້າງພັກ-ພະນັກງານ

 

 

ຄະນະຈັດຕັ້ງສູນກາງພັກ ໄດ້ຈັດກອງປະຊຸມເຜີຍແຜ່, ເຊື່ອມຊືມ, ແນະນຳນິຕິກຳ ກ່ຽວກັບວຽກງານກໍ່ສ້າງພັກ ແລະ ວຽກງານຄຸ້ມຄອງພະນັກງານ ໃຫ້ບັນດາຄະນະບໍລິຫານງານ ພັກແຂວງ-ນະ ຄອນຫລວງ ແລະ ບັນດາກະຊວງ-ອົງການ ໃນຂອບເຂດທົ່ວປະເທດ ໃນວັນທີ 23 ມັງ ກອນ 2018 ຢູ່ນະຄອນຫລວງວຽງຈັນ, ໂດຍມີ ທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ, ບັນດາກົມການເມືອງ, ລັດຖະມົນຕີ, ຮອງລັດຖະມົນຕີ, ຫົວໜ້າກົມ, ຮອງກົມ, ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມຢ່າງພ້ອມພຽງ.


ໃນກອງປະຊຸມຜູ້ເຂົ້າຮ່ວມໄດ້ຮັບຟັງ ການເຜີຍແຜ່ເຊື່ອມຊືມ ມະຕິຂອງກົມການເມືອງສູນກາງພັກ ສະບັບເລກທີ 032/ກມສພ ວ່າດ້ວຍ ວຽກງານການສ້າງແຜນ ກຳນົດພະນັກງານ ນຳພາ-ຄຸ້ມຄອງ, ມະຕິຂອງກົມ ການເມືອງສູນ ກາງພັກ ລະບັບເລກທີ 030/ກມສພ ວ່າດ້ວຍມາດຕະຖານ ຂອງພະນັກງານນຳພາ-ຄຸ້ມຄອງ ຈາກທ່ານ ຈັນສີ ໂພສີຄຳ ຫົວໜ້າ ຄະນະຈັດຕັ້ງ ສູນກາງພັກ ແລະ ຮັບຟັງ ການເຜີຍແຜ່ ມະຕິຂອງກົມການເມືອງສູນກາງພັກ ສະບັບເລກທີ 031/ກມສພ ວ່າດ້ວຍວຽກງານຄຸ້ມຄອງພະນັກງານ ຈາກ ທ່ານ ບຸນທອງ ຈິດມະນີ ຮອງນາຍົກ ລັດຖະມົນຕີ.

ຫລັງຈາກນັ້ນ, ທ່ານ ພັນຄຳ ວິພາວັນ ຮອງປະທານປະເທດ ກໍໄດ້ເຜີຍແຜ່ຄຳສັ່ງຂອງ ກົມການເມືອງສູນກາງພັກ ສະບັບເລກທີ 01/ກມສພ ວ່າດ້ວຍການເພີ່ມທະວີ ການກໍ່ສ້າງໜ່ວຍ ພັກປອດໃສ, ເຂັ້ມແຂງ, ໜັກແໜ້ນ ໂດຍມີບາງ ຕອນໃຫ້ຮູ້ວ່າ: ຈຸດປະສົງຄາດໝາຍ ຂອງ​ການ​ອອກ​ຄຳ​ສັ່ງສຳ​ບັບດັ່ງກ່າວ, ​ແນ​ໃສ່​ຍົກ​ສູງ​ຄຸນ​ນະພາ​ບ ຂອງ​ໜ່ວຍ​ພັກ ​ແລະ ສະ​ມາ​ຊິກ​ພັກ ​ໃຫ້​ມີ​ການ​ຫັນປ່ຽນ​ຢ່າງ​ຕັ້ງ ໜ້າດ້ວຍ​ບາດກ້າວ​ບຸກທະລຸ, ສາມາດ​ເປັນ​ແກນ​ນຳ​ທີ່​ເຂັ້ມ​ແຂງ ໃນ​ລະບົບ​ການ​ເມືອງ​ຢູ່​ຮາກ​ຖານ ທັງ​ເປັນ​ການ​ຮັບປະກັນ ​ເຮັດ​ໃຫ້ການ​ນຳພາ​ຂອງ​ພັກ ຕອບ​ສະໜອງ​ໄດ້​ຄວາມ​ເລັ່ງທວງ ຂອງ​ການ​ພັດທະນາ​ ປະ​ເທດ​ຊາດ ​ໃນ​ເງື່ອນ​ໄຂ, ສະພາບ​ແວດ​ລ້ອມ​ໃໝ່ ​ແລະ ອື່ນໆ.


​ໂອກາດ​ດັ່ງກ່າວ, ທ່ານ ພັນຄຳ ວິພາວັນ ​​ໄດ້​ມີ​ຄຳ​ເຫັນ​ໂອ​ລົມ ​ໂດຍເນັ້ນ​ໃຫ້​ຄະນະ​ໜ່ວຍ​ພັກ, ສະມາຊິກ​ພັກທຸກ​ຂັ້ນ ທັງ​ສູນ​ກາງ ​ແລະ ທ້ອງ​ຖີ່ນ ຕ້ອງ​ໄດ້​ຮ່ຳຮຽນ, ​ເຊື່ອມ​ຊຶມ​ແນວທາງ, ​ແຜນ​ນະ​ໂຍບາຍ, ມະຕິ, ຄຳ​ສັ່ງ, ກົດ​ລະບຽບ​ຂອງ​ພັກ, ກົດໝາຍ ​ແລະ ລະບຽບ​ການ​ຕ່າງໆ​ຂອງ​ລັດ ຢ່າງ​ທົ່ວ​ເຖິງ ​ແລະ ຄົບ​ຖ້ວນ, ໜ່ວຍ​ພັກ ຕ້ອງ​ກຳ​ແໜ້ນ​ສະພາວະ​ຄວາມ​ເປັນ​ຈິງ​ຂອງ​ຮາກ​ຖານ​ຕົນ ​ເພື່ອ​ຫັນ​ແນວທາງ, ​ແຜນ​ນະ​ໂຍບາຍ​ຂອງ​ພັກ ​ແລະ ມະຕິ​ຂອງ​ຄະນະ​ພັກ​ຂັ້ນ​ເທິງ ​ເປັນ​ແຜນການ​ຂອງ​ໜ່ວຍ​ພັກ​ ໃຫ້​ສອດຄ່ອງ​ກັບ​ຄວາມ​ຮັບຜິດຊອບ ​ແລະ ໜ້າ​ທີ່​ການ​ເມືອງ​ຂອງ​ຕົນ ພ້ອມ​ທັງ ​ຊີ້​ນຳ-ນຳພາ ຈັດ​ຕັ້ງ​ປະຕິບັດ​ຕົວ​ຈິງ ໃຫ້​ມີ​ຜົນສຳ​ເລັດ ແລະ ມີ​ປະ​ສິດທິ​ຜົນ. 

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)