GMT+7 21/05/2018 06:32

ເປີດຫ້ອງບັນເທິງ ອານຸແຊບໄນຄຣັບ

 

 

ເມື່ອທ້າຍອາທິດທີ່ຜ່ານມາ, ໂຮງແຮມ ອານຸພາລາໄດສ ໄດ້ຈັດພິທີເປີດຫ້ອງບັນເທິງ ອານຸແຊບໄນຄຣັບ (Anou Zap Night Club) ທີ່ບ້ານອານຸ, ຖະໜົນແຫ່ງບູນ ເມືອງຈັນທະບູລີ ນະຄອນຫລວງວຽງຈັນ, ເພື່ອໃຫ້ຄວາມບັນເທິງ ທາງດ້ານດົນຕີແບບຄລັດຊິກ ໃຫ້ແກ່ລູກຄ້າ, ໂດຍການເຂົ້າຮ່ວມ ຂອງພາກສ່ວນທີ່ກ່ຽວຂ້ອງ ຂອງພະແນກ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ນະຄອນຫລວງວຽງຈັນ.

            
ທ່ານ ດວງມາ ໄຊຍະສອນ ອຳນວຍການໂຮງແຮມ ອານຸພາລາໄດສ ກ່າວວ່າ: ການເປີດຫ້ອງບັນເທິງ ອານຸແຊບໄນຄຣັບໃນຄັ້ງນີ້, ຖືວ່າເປັນການພົບກັນຄັ້ງທໍາອິດ ຂອງການລວມຕົວ ສິລະປິນ ເພງສາກົນ ແລະ ເພງລາວພື້ນເມືອງ ທີ່ຈະມາຫລິ້ນດົນຕີແບບປະສົມປະສານ ລະຫວ່າງວັດທະນະທຳລາວ ທີ່ເກົ່າແກ່ຄວບຄູ່ກັບດົນຕີສາກົນ, ລວມທັງຈະມີການຟ້ອນລຳ ແລະ ການເຕັ້ນ ລີລາດນຳອີກ ເຊິ່ງຈະສ້າງຄວາມປະທັບໃຈທີ່ແຕກຕ່າງ ໃຫ້ກັບຜູ້ໃຊ້ບໍລິການຫ້ອງ ບັນເທິງ ອານຸແຊບໄນຄຣັບ ແຫ່ງດຽວໃນ ສປ ລາວ.

            
ຫ້ອງບັນເທິງ ອານຸແຊບໄນຄຣັບ ເປັນການສົ່ງເສີມ ແລະ ອານຸລັກ ວັດທະນະທຳ, ເອກະລັກຂອງຄວາມເປັນລາວ ໂດຍມີທີມງານ ວົງດົນຕີລາວຄລັດຊິກ 10 ກວ່າຊີວິດ, ພ້ອມໃຫ້ ຄວາມບັນເທິງ ນັບຕັ້ງແຕ່ 20:00 ຫາ 24:00 ໂມງທຸກໆວັນ.

 

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)