GMT+7 23/04/2018 10:39

ເກືອບເຖິງຄາດ ອັນໂຕນີໂອ ຄອນເຕ່ ແວ່ນຂະໜາດໃຫຍ່ຕົກໃສ່ລົດ

 

ອັນໂຕນີໂອ ຄອນເຕ່ ຜູ້ຈັດການທີມ ເຊວຊີ ຍັງດວງແຂງ ບໍ່ໄດ້ຮັບບາດເຈັບຈາກເຫດການທີ່ ແວ່ນຕົກໃສ່ລົດໃຫຍ່ສ່ວນຕົວຈົນເສຍຫາຍທີ່ສະໜາມຊ້ອມຂອງທີມມື້ວັນພະຫັດທີ່ຜ່ານມາ

ເຫດການທີ່ບໍ່ຄາດຝັນທີ່ສະໜາມຝຶກຊ້ອມຂອງ ເຊວຊີ ເກີດຂຶ້ນຈາກລົມພາຍຸພັດແຮງ ຈົນເຮັດໃຫ້ແວ່ນ ວາງໂຕະຂະໜາດໃຫຍ່ເຊິ່ງບໍ່ໄດ້ຖືກໃຊ້ວຽກ ແລະ ຖືກນຳຂຶ້ນໄປເກັບໄວ້ເທິງດາດຟ້າຂອງອາຄານ ຕົກລົງມາໃສ່ທາງໜ້າລົດຂອງ ຄອນເຕ່ ຈົນເສຍຫາຍຫລາຍພັນປອນ ເຮັດໃຫ້ເສດແວ່ນຟົ້ງໄປທົ່ວບໍລິເວນນັ້ນ   

ດາດຟ້າດັ່ງກ່າວມີບ່ອນເຮັດວຽກຂອງ ຄອນເຕ່ ຢູ່ທາງລຸ່ມ ຄະນະທີ່ເຈົ້າໂຕຈອດລົດຄູ່ໃຈ ນິດສັນ ຈູ້ດ ໄວ້ທາງຂ້າງ ຈົນໄດ້ຮັບຄວາມເສຍຫາຍ ແຕ່ຍັງດີທີ່ລາວບໍ່ໄດ້ຢູ່ໃນລົດ ຫລືບໍ່ລິເວນໃກ້ຄຽງ ເພາະວ່າກຳລັງຄຸມທີມຊ້ອມ ມີພຽງ ສະຕິບ ແຮດກິນ ຜູ່ອຳນວຍການດ້ານການສື່ສານຍ່າງຜ່ານມາຈຸດເກີດເຫດພໍດີ ເກືອບໄດ້ຮັບບາດເຈັບ   

ແຫລ່ງຂ່າວ ເຊວຊີ ໄດ້ຍ້ອນກັບໄປເບິ່ງກ້ອງ ຊີຊີທີວີ ໃຫ້ຂ່າວວ່າ ເຫັນສະຕີບ ຍ່າງຜ່ານລົດຂອງ ຄອນເຕ່ ທັນໃດນັ້ນກໍ່ມີແວ່ນຕົກລົງມາຈາກໃສບໍ່ຮູ້ ຕົກລົງມາດ້ວຍຄວາມແຮງຈົນເຮັດໃຫ້ແວ່ນແຕກເປັນຊິ້ນນ້ອຍໆ ກະຈາຍໄປທົ່ວ  

 "ສະຕີບຕົກໃຈກັບເຫດການທີ່ເກີດຂຶ້ນຢ່າງເຈົ້າພໍຄິດພາບອອກ ແລະ ລົດຂອງຄອນເຕ່ ກໍ່ເສຍຫາຍບໍ່ເຫລືອສະພາບ ມີຮູບຂະໜາດໃຫຍ່ເກີດຂຶ້ນ" 

 

 

ຂໍ້ມູນມາຈາກ : thsport

 

                                                                                              

ຄວາມຄິດເຫັນຂອງຜູ້ອ່ານ (0)