GMT+7 23/04/2018 10:38

ຖອດຖອນບົດຮຽນວຽກອຸດສາຫະກຳ-ການຄ້າ 10 ຕົວເມືອງ

 

 

ພະ​ແນ​ກອຸດສາ​ຫະກໍາ ​ແລະ ການຄ້າ​ແຂວງຄຳມ່ວນ ຮ່ວມກັບຫ້ອງ​ການອຸດສາ​ຫະກໍາ ​ແລະ ການຄ້າ​ເມືອງເຊບັ້ງໄຟ​ ​ຈັດ​ກອງ​ປະຊຸມ​ສັນຈອນ ເພື່​ອຖອດ​ຖອນ​ບົດຮຽນກັບ​ ຫ້ອງ​ການອຸດສາຫະກໍາ ​ແລະ ກາ​ນຄ້າ 10 ຕົວ​ເມື​ອງ ພາຍໃຕ້ການເປັນປະທານຂອງ ​ ທ່ານ ທອງ​ໄຊ ມັ່ງ​ໜໍ່​ເມກ ຫົວ​ໜ້າພະແນກອຸດສາ​ຫະກໍາ ​ແລະ ການຄ້າ​ແຂວງ, ​​ ມີຕາງ​ໜ້າ​ຫ້ອງ​ການອຸດສາຫະກໍາ ​ແລະ ກາ​ນຄ້າຈາກ 10 ຕົວ​ເມື​ອງ ໃນທົ່ວແຂວງ, ​ບັນດາ​ຫົວ​ໜ້າ​ຂະ​ແໜງ​ການ ແລະ ພາກສ່ວນກ່ຽວຂ້ອງ ເຂົ້າຮ່ວມ.​ ທັງນີ້ ກໍເພື່​ອສົ່ງ​​ເສີມ ​ແລະ ຜັນ​ຂະຫຍາຍ​ວຽກ​ງານ​ສາມ​ສ້າງ​ ຂອງ​ຂະ​ແໜງ​ອຸດສາຫະກໍາ ​ແລະ ກາ​ນຄ້າ​ ລົງ​ສູ່​ເມື​ອງ,​ ໃຫ້ຫ້ອງ​ການອຸດສາຫະກໍາ ​ແລະ ກາ​ນຄ້າ​ເມື​ອງ​ເປັນ​ຫົວ​ໜ່ວຍ​ເຂັ້ມ​ແຂງ​ຮອບ​ດ້ານ​.


ກອງ​ປະຊຸມ​ ​ໄດ້ຮັບ​ຟັງ​ການ​ລາຍ​ງານ​ສະພາບ​ ການ​ເຄື່ອນ​ໄຫວ​ວຽກ​ງານ​ອຸດສາຫະກໍາ ​ແລະ ກາ​ນ ຄ້າ​ໃນ​ປີ 2017 ຜ່ານ​ມາ​. ຈາກນັ້ນ ຍັງໄດ້ຮັບຟັງການປະກອບຄໍາເຫັນ ຈາກຫົວໜ້າຫ້ອງການອຸດສາ​ຫະກໍາ ​ແລະ ການຄ້າເມືອງເຊບັ້ງໄຟ, ບັນດາພາກສ່ວນຂະແໜງການ ແລະ ຫ້ອງການຕ່າງໆທີ່ເຂົ້າຮ່ວມ. ພາຍຫລັງທີ່ສໍາເລັດ ກອງປະຊຸມສັນຈອນ ຂອງແຕ່ລະເມືອງແລ້ວ ຜູ້ເຂົ້າຮ່ວມຈະໄດ້ນໍາເອົາບົດຮຽນ, ປະສົບການ , ຜົນສໍາເລັດ ແລະ ຂໍ້ຄົງຄ້າງໃນຂົງເຂດວຽກງານໄປ ປັບປຸງແກ້ໄຂ ໃຫ້ສອດຄ່ອງກັບສະພາບຈຸດພິເສດເມືອງຂອງຕົນ.

 

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)