GMT+7 23/01/2018 07:17

ເຮັດຍູກວາດເປັນອາຊີບເສີມ ສ້າງລາຍຮັບໃຫ້ກັບຄອບຄົວ

 

 

ປະຊາຊົນ​ບ້ານ​ຂາມ ເມືອງໂພນ​ໂຮງ ແຂວງ​ວຽງ​ຈັນ ຫຼາຍຮ້ອຍ​ຫຼັງຄາ​ເຮືອນ​ເຮັດ​ຍູ​ກວາດຂາຍ​ເປັນ​ອາຊີບ​ເສີມ ພາຍຫຼັງ​ມີເວລາ​ຫວ່າງ​ຈາກ​ການ​ເຮັດ​ນາ ເຊິ່ງ​ສ້າງ​ລາຍ​ຮັບ​ເຂົ້າ​ສູ່​ຄອບຄົວປີ​ໜຶ່ງ​ຫຼາຍ​ລ້ານ​ກີບ ເຮັດ​ໃຫ້​ຊີວິດການ​ເປັນ​ຢູ່​ຂອງປະຊາຊົນ​ບ້ານ​ດັ່ງກ່າວ​ມີຢູ່​ມີ​ກິນ ແລະ ຫຼຸດ​ພົ້ນ​ອອກ​ຈາກຄວາມທຸກ​ຍາກ​ເທື່ອ​ລະ​ກ້າວ.

ທ່ານ ອຸ່ນ​ຄຳ ວອນ​ວິໄລ ເປັນຄອບຄົວ​ໜຶ່ງ​ທີ່​ເຮັດ​ອາຊີບ​ເສີມຈາກ​ການ​ເຮັດ​ຍູ​ກວາດ ໃຫ້​ຮູ້​ວ່າ: ພາຍຫຼັງ​ຫວ່າງ​ຈາກ​ການ​ເຮັດ​ນາຕົນ​ເອງ ແລະ ສະມາຊິກ​ພາຍ​ໃນຄອບຄົວ ລວມ 4 ຄົນ ສ່ວນ​ແຮງງານ​ຫຼັກ​ກໍ່​ແມ່ນ​ຕົນ​ເອງ ແລະ ພັນ​ລະ​ຍາ ໃຊ້​ເວລາ​ຫວ່າງ​ມາເຮັດ​ຍູ​ກວາດ ເຊິ່ງ​ເປັນ​ການ​ລົງທຶນ​ທີ່​ບໍ່​ສູງ ວັດຖຸ​ດິບ​ສ່ວນ​ໃຫຍ່​ກໍ່ຫາ​ໄດ້​ພາຍ​ໃນ ເປັນ​ອາຊີບ​ໜຶ່ງສືບ​ທອດ​ກັນ​ມາ​ແຕ່​ລຸ້ນ​ພໍ່​ແມ່ ສະເລ່ຍ​ຄົນ​ໜຶ່ງ​ກໍ່​ສາມາດ​ຜະລິດ​ໄດ້ມື້​ລະ 30 ກ້ານ ຜະລິດ​ຕະ​ພັນສ່ວນ​ໃຫຍ່​ຈະ​ມີ​ພໍ່ຄ້າ​ມື​ກາງ​ມາເກັບ​ຊື້​ເອົາ​ກັບ​ທີ່​ໃນ​ລາຄາ 5.000 ກີບ​ຕໍ່​ກ້ານ ເຊິ່ງ​ເມື່ອ​ຫັກຕົ້ນ​ທຶນ​ອອກ​ແລ້ວ​ຈະ​ມີ​ລາຍ​ໄດ້ສະເລ່ຍ​ບໍ່​ຫຼຸດ 2-3 ລ້ານ​ກີບ​ຕໍ່ເດືອນ ແລະ ລາຍ​ໄດ້​ຈາກ​ການຜະລິດ​ຍູ​ກວາດ​ໃນ​ແຕ່​ລະ​ເດືອນ ຖື​ເປັນ​ການ​ສ້າງ​ລາຍ​ຮັບ​ເພີ່ມ​ເຂົ້າໃນ​ຄອບຄົວ ສະເລ່ຍ​ລວມ​ແລ້ວ ແຕ່​ລະ​ປີ​ກໍ່​ຈະ​ມີ​ລາຍ​ຮັບ​ຈາກການ​ຜະລິດ​ຍູ​ກວາດ​ບໍ່​ຫຼຸດ 20 ຫາ 30 ລ້ານ​ກີບ ເຮັດ​ໃຫ້​ມີ​ເງິນແຮ​ເກັບ​ເປັນ​ທຶນຮອນ​ທຳ​ການ​ຜະລິດ ມີ​ທຶນ​ຊຸກຍູ້​ໃຫ້​ລູກ​ໄດ້​ຮັບການ​ສຶກ​ສາ ແລະ ຊື້​ວັດຖຸ​ເຄື່ອງໃຊ້​ຈຳເປັນ​ເຂົ້າ​ໃນ​ຄອບຄົວ ແລະ ໄດ້​ເຮືອນ​ຫຼັງ​ງາມ​ຍ້ອນ​ການ​ເຮັດຍູ​ກວາດ.

 

 

ຂໍ້ມູນຈາກ: ວຽງຈັນໃຫມ່

ຄວາມຄິດເຫັນຂອງຜູ້ອ່ານ (0)