GMT+7 23/01/2018 07:17

ສິດເກົ່າ ມ 6 ສົກຮຽນ 2001-2002 ສົມທົບທຶນທາສີຫ້ອງຮຽນໂຮງຮຽນ ມສ ແກ່ນທ້າວ

 

 

ເມື່ອບໍ່ດົນຜ່ານມາ, ສິດເກົ່າ ມ6 ສົກຮຽນ 2001-2002 ໂຮງຮຽນ ມສ ແກ່ນທ້າວ ເມືອງແກ່ນທ້າວ ແຂວງໄຊຍະບູລີ ໄດ້ມາຢ້ຽມຢາມ ໂຮງຮຽນດັ່ງກ່າວ. ພ້ອມທັງສົມທົບທຶນ ທາສີຫ້ອງຮຽນ ມູນຄ່າ 5 ລ້ານກີບ. ທັງນີ້ ກໍເພື່ອເປັນການຜູກ ແໜ້ນຄວາມສາມັກຄີ ລະຫວ່າງ ຄູ-ອາຈານ ແລະ ບັນດາສິດເກົ່າທີ່ຮຽນ ຈົບຈາກໂຮງຮຽນແຫ່ງນີ້.


ໂອກາດນີ້, ທ່ານ ສົມບັດ ແກ້ວປະເສີດ ຮອງອໍານວຍການໂຮງຮຽນ ມສ ແກ່ນທ້າວ ຕ່າງໜ້າໃຫ້ໂຮງຮຽນສະແດງ ຄວາມຂອບໃຈຕໍ່ສິດເກົ່າ ທີ່ເຫັນຄວາມສໍາຄັນ ວຽກງານການສຶກສາ ໂດຍສະເພາະ ແມ່ນການພັດທະນາພື້ນຖານ ໂຄງລ່າງ ຂອງໂຮງຮຽນ ພ້ອມກັນລະດົມທຶນຮອນມາທາສີຫ້ອງຮຽນ. ເຊິ່ງໄດ້ສະແດງເຖິງ ຄວາມຮູ້ບຸນຄຸນ ແລະ ຄວາມສາມັກຄີຮັກແພງຕໍ່ຄູ, ອາຈານທັງເປັນແບບ ຢ່າງທີ່ດີໃຫ້ແກ່ ນ້ອງນັນຮຽນໄດ້ສືບທອດຕໍ່ໄປ. ການມາຢ້ຽມຢາມຄັ້ງນີ້, ຍັງມີການແຂ່ງຂັນກິລາບານເຕະ, ກ໊ອບຊາວບ້ານ, ກິດຈະກໍາເກົ້າອີ້ດົນດີ ແລະ ເຕັ້ນຮັກສາໄຂ່ ລະຫວ່າງຄູ, ອາຈານ ແລະ ສິດເກົ່າ.


ໂອກາດດຽວກັນ, ສິດເກົ່າ ມ6 ສົກຮຽນ 2001-2002 ໂຮງຮຽນ ມສ ແກ່ນທ້າວ ຍັງໄດ້ສົມທົບທຶນ ຈໍານວນ 1.200.000 ກ່ວາກີບ, ຊື້ປູນສ້າງຫ້ອງນໍ້າວັດສີພູມ ຈໍານວນ 1 ໂຕນ ແລະ ຊື້ຫີນ ຈໍານວນ 3 ແມັດກ້ອນ ເພື່ອສ້າງສີມວັດ ບ້ານພວນ ຕື່ມອີກ.

 

 

ຂໍ້ມູນຈາກ: ສຳນັກຂ່າວສານປະເທດລາວ

 

ຄວາມຄິດເຫັນຂອງຜູ້ອ່ານ (0)