GMT+7 23/01/2018 07:18

ເຈົ້າໜ້າທີ່ແຂວງຄຳມ່ວນ ມ້າງຄະດີຄ້າຂາຍຢາເສບຕິດພ້ອມຂອງກາງ

 

 

ເມື່ອບໍ່ດົນມານີ້, ເຈົ້າໜ້າທີ່ພະແນກຕຳຫລວດສະກັດກັ້ນ ແລະ ຕ້ານຢາເສບຕິດ ແຂວງຄຳມ່ວນ ໄດ້ກັກຕົວທ້າວ ວັນພິລາ ຈັນທະວີພອນ ອາຍຸ 28 ປີ ອາຊີບເຮັດນາ ຢູ່ທີ່ບ້ານຫາດຊຽງດີ ເມືອງໜອງບົກ ແຂວງຄຳມ່ວນ ພ້ອມຂອງ ກາງຢາບ້າ 16 ມັດ ເທົ່າກັບ 31.928 ເມັດ ມາດຳເນີນຄະດີ. ພາຍຫລັງທີ່ ໄດ້ຮັບລາຍງານຈາກພົນລະເມືອງດີວ່າ ມີກຸ່ມຄົນບໍ່ດີຈຳນວນໜຶ່ງ ລັກລອບເຄື່ອນໄຫວ ຄ້າຂາຍຢາເສບຕິດ ປະເພດຢາບ້າ.

            
ຜ່ານການສືບສວນ-ສອບສວນເບື້ອງຕົ້ນ ທ້າວ ວັນພິລາ ໄດ້ຮັບສາລະພາບວ່າ: ຢາບ້າຈໍານວນດັ່ງກ່າວ ທີ່ນໍາມາສົ່ງຂາຍໃນຄັ້ງນີ້ ບໍ່ແມ່ນຂອງຕົນ ແຕ່ເປັນຂອງຜູ້ຮ່ວມ ຂະບວນການທີ່ໃຫ້ຕົນມາຂາຍ ໃຫ້ຄົນຂັບລົດ ຫີນກາວ ທີ່ອອກປະເທດ ຫວຽດນາມ ໃນລາຄາ 1.040.000 ບາດ. ປະຈຸບັນທາງເຈົ້າໜ້າທີ່ ກຳລັງດຳເນີນ ການສືບສວນ-ສອບສວນ ຂະຫຍາຍຜົນຫາຜູ້ຮ່ວມ ຂະບວນການກະທຳຜິດ ຄັ້ງນີ້ມາດຳເນີນຕະດີ ຕາມຂັ້ນຕອນຂອງກົດໝາຍຕໍ່ໄປ.

 

 

ຂໍ້ມູນຈາກ: ສຳນັກຂ່າວສານປະເທດລາວ

 

ຄວາມຄິດເຫັນຂອງຜູ້ອ່ານ (0)