GMT+7 24/02/2018 07:19

ຕິດຄຸກ 63 ປີ ອະດີດຮອງປະທານາທິບໍດີອິຫຣ່ານທຸດຈະລິດ

 

ສຳນັກຂ່າວເອພີລາຍງານຈາກກຸງເຕຫະຣານປະເທດອິຫຣ່ານເມື່ອວັນທີ 20 ທັນວາ ວ່າ ທ້າວ ບາແກອີ ໄດ້ຮັບໂທດຕິຄຸກຍາວນານທີ່ສຸດໃນບັນດາອະດີດເຈົ້າໜ້າທີ່ຂອງອິຫຣ່ານໃນຮອບຫຼາຍສິບປີ ຂະນະທີ່ຖະແຫຼງການຂອງກະຊວງຍຸດຕິທຳອິຫຣ່ານລະບຸວ່າ ບາແກອີ ຖືກສານຕັດສິນຄະດີເມື່ອວັນອັງຄານ

ບາແກອີ ອາຍຸ 48 ປີດຳລົງຕຳແໜ່ງຮອງປະທານາທິບໍດີຂອງອິຫຣ່ານລະຫວ່າງເດືອນເມສາ 2554-ເດືອນສິງຫາ 2556 ໃນລັດຖະບານພາຍໃຕ້ການນຳຂອງປະທານາທິບໍດີມາຫມູດ ອາມາດິເນຈາດ ຮັບຜິດຊອບທາງດ້ານການບໍລິຫານ ລາວຖືກຄວບຄຸມໂຕໃນໄລຍະເວລາສັ້ນໆໃນປີ 2558 ແລະການດຳເນີນຄະດີໃນສານຕາມຂໍ້ຫາທຸດຈະລິດ ເລີ້ມໃນຊ່ວງທ້າຍປີດຽວກັນແຕ່ລາວໄດ້ຮັບການປະກັນໂຕສູ້ຄະດີ

ເດືອນພຶດສະພາປີນີ້ ບາແກອີຍື່ນໄບສະໝັກລົງແຂ່ງຂັນເລືອກຕັ້ງປະທານາທິບໍດີ ແຕ່ຖືກປະຕິເສດການຕັດສິນຄະດີມີຂື້ນທ່າມກາງສຽງວິພາກວິຈານຫຼາຍຄັ້ງ ຈາກອາມາດີເນຈາດແລະກຸ່ມພັນທະມິດຕໍ່ຝ່າຍຕຸລາການ ແລະເມື່ອວັນອັງຄານອາມາດິເນຈາດກ່າວວ່າ ຢາຕອນລາຊາເດັກ ອາໂມລີ ລາຣິຈານີ ປະທານສານຍຸດຕິທຳອິຫຣ່ານເປັນບຸກຄົນ “ໄຮ້ຄວາມສາມາດ”

 

ແຫຼ່ງຂ່າວ: ເດລິນິວ

 

ຄວາມຄິດເຫັນຂອງຜູ້ອ່ານ (0)