GMT+7 14/12/2017 17:10

ປູຕິນປະກາດ ຈະລົງຊິງຕຳແຫນ່ງຜູ້ນຳລັດເຊຍອີກສະໃຫມ

 

 

ປະທານາທິບໍດີວະລາດີເມຍ ປູຕິນ ຜູ້ນຳລັດເຊຍປະກາດເມື່ອວັນພຸດວ່າ: ເຂົາຈະລົງແຂ່ງຂັນຊິງຕຳແຫນ່ງປະທານາທິບໍດີລັດເຊຍ ໃນການເລືອກຕັ້ງເດືອນມີນາປີຫນ້າ ເພື່ອເຮັດຫນ້າທີ່ຜູ້ນຳປະເທດຕໍ່ໄປອີກສະໄຫມວາລະ 6ປີ

 

ສຳນັກຂ່າວຣອຍເຕີ້ , ເອເອັບພີ ແລະ ເອພີລາຍງານຈາກກຸງມອສໂກ ປະເທດລັດເຊຍເມື່ອວັນທີ 6ທັນວາວ່າ: ທ່ານປູຕິນອາຍຸ 65ປີ ຄອງອຳນາດທັງໃນຕຳຫນ່ງນາຍົກລັດຖະມົນຕີ ແລະ ປະທານາທິບໍດີ ຕັ້ງແຕ່ປີ ພ.ສ 2543 ຫາກເຂົາ ຊະນະການເລືອກຕັ້ງປະທານາທິບໍດີໃນວັນທີ 18 ເດືອນມີນາປີຫນ້າ ແລະ ຄອງອຳນາດເປັນສະໄຫມທີ 4 ຕາມທີ່ໂພລສຳຫລວດເກືອບທັງຫມົດຄາດການ ເຂົາຈະເຮັດຫນ້າທີ່ຜູ້ນຳລັດເຊຍຕໍ່ໄປອີກເປັນເວລາ 6ປີ ຈົນເຖິງພ.ສ 2567 ເຊິ່ງເຂົາຈະມີອາຍຸໄດ້ 72ປີ

 

ປູຕິນກ່າວຕໍ່ກຸ່ມຄົນງານໂຮງງານຜະລິດລົດໃຫຍ່ ໃນເມືອງນິສນີນອກໂກຣອດ ແຄມຝັ່ງແມ່ນໍ້າທາວໂວລກາ ເມື່ອວັນພຸດທີ່ຜ່ານມາວ່າ: ເຂົາຈະຍື່ນສະມັກຊິງຕຳແຫນ່ງປະທານາທິບໍດີຂອງສະຫະພັນລັດເຊຍ ທ່າມກາງສຽງຮ້ອງໂຫ່ ຕົບມືຂອງຄົນງານ

 

ໂພລສຳຫລວດຄະແນນນິຍົມຂອງປູຕິນ ລ່າສຸດຢູ່ທີ່ປະມານຮ້ອຍລະ80 ແລະ ນັກວິເຄາະເກືອບທັງຫມົດເຫັນຕົງກັນວ່າເຂົາຈະຊະນະການເລືອກຕັ້ງໃນເດືອນມີນາປີຫນ້າຍ່າງງ່າຍດາຍ ເນື່ອງຈາກຄູ່ແຂ່ງຂັນທີ່ຫນ້າເກງມີພຽງຄົນດຽວຄື ທ່ານ ອາເລັກ ນາວາລນີ ອາຍຸ 41ປີ ທະນາຍຄວາມທີ່ຈົບການສຶກສາຈາກຕາເວັນຕົກ ຖືກຫ້າມລົງສະຫມັກຮັບເລືອກຕັ້ງຈາກການທີ່ຖືກສານສັ່ງຖ້າລົງອາຍາໃນຄະດີສໍ້ໂກງ

 

ອີກປະເດັນຫນື່ງທີ່ນັກວິເຄາະຈັບຕາເບິ່ງຄື: ຫາກປູຕິນຊະນະການເລືອກຕັ້ງປີຫນ້າ ເຂົາຈະຍັງຄົງໃຫ້ທ່ານດມິທຣີ ເມດເວເດບ ຫນື່ງໃນນັກການເມືອງຄົນສະຫນິດທວງໃນ ດຳລົງຕຳແຫນ່ງນາຍົກລັດຖະມົນຕີຕໍ່ໄປຫລືບໍ່ ການຕັດສິນຈະ ເຮັດໃຫ້ເຫັນວ່າເມດເວເດບ ຫລື ນາຍົກລັດຖະມົນຕີຄົນໃຫມ່ ຄືບຸກຄົນທີ່ປູຕິນຄັດເລືອກໃຫ້ເປັນທາຍາດທາງການເມືອງ ເຊີ່ງຄາດວ່າເຂົາຈະວາງມືຈາກອຳນາດເມື່ອຄົບວາລະໃນວະໄຫມຫນ້າ

 

 

ຂໍ້ມູນຈາກ: ເດລິນີວ

 

ຄວາມຄິດເຫັນຂອງຜູ້ອ່ານ (0)