GMT+7 14/12/2017 17:10

ເຊບັ້ງໄຟ ຈັດປະກວດນັກຮ້ອງ-ໝໍລຳສຽງດີ ສະ ຫລອງວັນຊາດທີ 2 ທັນວາ

 

 

ວັນ​ທີ 1 ທັນວາ 2017, ເມືອງເຊບັ້ງໄຟ ແຂວງຄຳມ່ວນ ຈັດງານປະກວດນັກຮ້ອງ-ໝໍລຳສຽງດີ ເພື່ອສະເຫລີມສະຫລອງວັນຊາດທີ 2 ທັນວາ ຄົບຮອບ 42 ປີ ໃຫ້ມີບັນຍາກາດຟົດຟື້ນ, ທັງເປັນການສົ່ງເສີມສີລະປະ- ວັນນະຄະດີ ທີ່ຕິດພັນກັບຮີດຄອງປະເພນີຂອງທ້ອງຖິ່ນ.

ພາຍ​ໃນ​ງານມີນັກຮ້ອງເຂົ້າຮ່ວມທັງໝົດ 17 ຄົນ, ໝໍລຳ 2 ກອນລຳ ແລະ ຟ້ອນສິລະປະ 4 ລາຍການ, ຜ່ານການແຂ່ງຂັນໂດຍການເຫັນດີເປັນເອກະພາບ ຂອງຄະນະກຳມະການ ຜູ້ປະກວດນັກຮ້ອງສຽງດີໄດ້ອັບດັບທີ 1 ແມ່ນ ທ້າວຄຳແດງ ບ້ານສົ້ມ ໄດ້ຮັບເງິນສົດ 300.000 ກີບ, ທີ 2 ນາງ ນັນທິດາ ບ້ານໂຄກແກ້ງແຄນ ​ໄດ້​ຮັບ​ເງິນສົດ 200.000 ກີບ ແລະ ທີ 3 ທ້າວບຸນລ້ຽງ ບ້ານບຶງຫົວນາ ​ໄດ້​ຮັບ​ເງິນ 100.000 ກີບ ພ້ອມໃບກຽດຕິຄຸນ.

ປະເພດໝໍລຳສຽງດີອັບດັບທີ 1 ​ແມ່ນ ທ້າວຮັງ ບ້ານໂຄກສະຫວ່າງ ໄດ້ຮັບເງິນສົດ 300.000 ແລະ ອັນດັບທີ 2 ນາງແວວມະນີ+ນາງແສງອຸໄທ ຈາກໂຮງຮຽນ ມສ ຍາງຄຳ ​ໄດ້​ຮັບ​ເງິນ 200.000 ກີບ. ສ່ວນ​ການປະກວດຟ້ອນສິລະປະ ອັນດັບທີ 1 ແມ່ນ ນ້ອງນ້ອຍຈາກໂຮງຮຽນ ມສ ເຊບັ້ງໄຟ ໄດ້ຮັບເງິນສົດ 500.000, ອັນດັບ 2 ມສ ປົ່ງກິ່ວ+ມສ ຍາງໃຫຍ່ ໄດ້ຮັບເງິນສົດ 400.000 ແລະ ດັບທີ 3 ແມ່ນໂຮງຮຽນ ມ ຕົ້ນບຶງຫົວນາ ໄດ້ຮັບເງິນສົດ 300.000 ພ້ອມໃບກຽດຕິຄຸນ.

ງານ​ຄັ້ງ​ນີ້ ຈັດ​ຂຶ້ນ​ໂດຍ​ການເຂົ້າຮ່ວມຂອງ ທ່ານ ບຸນສີ ພົມມະໄຊ ເຈົ້າມືອງໆ ເຊບັ້ງໄຟ, ທ່ານ ບັນທະລາ ນໍລະເສນ ຮອງເຈົ້າເມືອງ, ປະທານຈັດງານປະກວດນັກຮ້ອງ-ໝໍລຳສຽງດີ, ມີຄະນະກຳມະ ການຕັດສິນ, ພະນັກງານວິຊາການ ທີ່ກ່ຽວຂ້ອງ ຕະຫລອດຮອດນັກຮ້ອງ, ໝໍລຳພາຍໃນເມືອງ ເຂົ້າຮ່ວມ.

 

 

ຂໍ້ມູນຈາກ: ສຳນັກຂ່າວສານປະເທດລາວ

 

ຄວາມຄິດເຫັນຂອງຜູ້ອ່ານ (0)