GMT+7 14/12/2017 17:08

ການນຳເມືອງບົວລະພາ ນຳພາ ປະຊາຊົນສ້າງຂົວໜ້າ ຝາຍນ້ຳລົ້ນ

 

 

ເມື່ອ​ບໍ່​ດົນ​ມາ​ນີ້, ທ່ານ ທອງສຸກ ຫັດຕະນາກ ປະທານກວດກາພັກ-ລັດເມືອງ ພ້ອມດ້ວຍຫົວໜ້າ, ຮອງຫົວໜ້າຫ້ອງການ, ພະນັກງານວິຊາການທີ່ກ່ຽວຂ້ອງ ແລະ ອຳນາດການປົກຄອງບ້ານ, ພໍ່ແມ່ປະຊາຊົນ ບ້ານໜອງໜ່ຽວ ໄດ້ພ້ອມ ໃຈກັນ ສ້າງຂົວໄມ້ຂ້າມເສັ້ນທາງ ໜ້າຝາຍນ້ຳລົ້ນ ບ້ານໜອງໜ່ຽວ ເມືອງບົວລະພາ ​ແຂວງ​ຄຳ​ມ່ວນ. ເນື່ອງໃນໂອກາດສະເຫລີມສະຫລອງ ວັນຊາດທີ 2 ທັນວາ ຄົບຮອບ 42 ປີ, ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 97ປີ ແລະ ເພື່ອປະຕິບັດຕາມທິດຊີ້ນຳຂອງທ່ານເຈົ້າເມືອງໆ ບົວລະພາ.

ຂົວ​ດັ່ງກ່າວມີລວງຍາວທັງໝົດ 14 ແມັດ, ກວ້າງ 4 ແມັດ. ​ໂດຍໄຊ້ເວລາສ້າງ 3 ວັນ ຈິ່ງສຳເລັດ ເຊິ່ງການສ້າງຂົວໃນຄັ້ງນີ້ ກໍເພື່ອເຮັດໃຫ້ພໍ່ແມ່ປະຊາຊົນ ພາຍໃນບ້ານໜອງໜ່ຽວ ກໍຄື ໃນຂົງເຂດດັ່ງກ່າວ ໄດ້ສັນຈອນໄປ-ມາ ຢ່າງສະ ດວກສະບາຍ.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)