GMT+7 14/12/2017 17:11

ປະກາດ 8 ບ້ານ ເມືອງຈຳພອນ ເປັນບ້ານພັດທະນາ

 

 

ທ້າຍ​ເດືອ​ນພະ​ຈິກ​ຜ່ານ​ມາ, ເມືອງຈໍາພອນ ​ແຂວງ​ສະຫວັນ​ນະ​ເຂດ ໄດ້ຈັດຕັ້ງພິທີປະກາດ ບ້ານດົງນາຄອຍ, ບ້ານກະດານ, ບ້ານຕານສຸມ, ບ້ານຄຳນ້ອຍ, ບ້ານຄໍ້, ບ້ານ​ໜອງ​ແວງ, ບ້ານທ່າເມືອງ ແລະ ບ້ານໂພນໂດກ ເປັນບ້ານພັດທະນາ ພາຍໃຕ້ການເປັນປະທານຂອງທ່ານ ສຸທິ ຜີວສຸລິຍະມາດ ເຈົ້າເມືອງຈຳພອນ, ມີບັນດາພະແນກການທີ່ກ່ຽວຂ້ອງ, ແຂກເມືອງອ້ອມຂ້າງ, ຫົວໜ້າ-ຮອງຫົວໜ້າຫ້ອງການ ແລະ ປະຊາຊົນພາຍໃນ 8 ບ້ານເຂົ້າຮ່ວມ.

 

ທ່ານ ເຕະ ນາຍບ້ານໆຄໍ້ ຕາງໜ້າໃຫ້ນາຍບ້ານທັງ 8 ບ້ານ ​ໃຫ້​ຮູ້​ວ່າ: ຜ່ານການຈັດຕັ້ງປະຕິບັດ ແຜນການພັດທະນາເສດຖະກິດ-ສັງຄົມ ໃນສົກ 2006-2017 ຜ່ານມາ, ທາງຄະນະພັກ-ອໍານາດ ການປົກຄອງບ້ານ ໃນ​ 8 ບ້ານ ໄດ້ມີຜົນສຳເລັດຫລາຍດ້ານ ເຊິ່ງຜ່ານການປະເມີນຕົວຈິງ​, ບ້ານພັດທະນາ 8 ບ້ານ ປະກອບມີ 1.259 ຫລັງຄາ, ມີ 1.538 ຄອບຄົວ, ພົນລະເມືອງທັງໝົດ 8.924 ຄົນ, ຍິງ .642 ຄົນ, ມີເນື້ອທີ່ທັງໝົດ 2.099 ເຮັກຕາ, ສະມັດຕະພາບ ສະເລ່ຍ 3,5 ໂຕນຕໍ່ເຮັກຕາ, ເນື້ອທີ່ນາແຊງ 201,9 ເຮັກຕາ, ສະມັດຕະພາບສະເລ່ຍ 4 ໂຕນຕໍ່ເຮັກຕາ, ຜົນຜະລິດ 7.998 ໂຕນ, ຂາຍເປັນສິນຄ້າ 5.441 ໂຕນ.


ໂອກາດ​ດຽວ​ກັນ​ຍັງ​ ມອບໃບຢັ້ງຢືນຄອບຄົວພັດທະນາ, ໃບຢັ້ງຢືນບ້ານວັດທະນະທຳ 6 ບ້ານຄື: ບ້ານແສນ, ບ້ານໂນນຄູນ, ບ້ານໄຜ່ລ້ອມ, ບ້ານໂພນສະອາດ, ບ້ານນາກະທ້າງ ​ແລະ ບ້ານໂຄກແລ້ງ ຕື່ມ​ອີກ.

 

 

ຂໍ້ມູນຈາກ: ສຳນັກຂ່າວສານປະເທດລາວ

ຄວາມຄິດເຫັນຂອງຜູ້ອ່ານ (0)